يا وسيع المعرفه كان يا ما وكان .!

27-01-13, 10:49 PM

بسم الله الرحمن الرحيم

يا وسيع المعرفه كان يا ما وكان ** خشم يرعف وخشمٍ مايعرف الرعاف
الليال الليالي والزمان الزمــــان ** الزمن ما اختلف والناس فيها اختلاف
يوم تمش الركايب من مكان لمكان ** كنت اطوف رجالٍ ما تعرف المطاف
لوسمعت الوشايه من فلان وفلان ** اركز الشوف قدمي ما اتلفت خلاف
وبعد ماشفت كل الخوف جنب الامان ** صرت اسوق المطايا واتوحى واخاف
الله انه حسيبك يا حياة الهـــــواان ** فيك علمن يشاف وعلم لا ما يشاف
فيك كل النوايا يالله المستعــــاان ** والقلوب المريضه والقلوب النظاف
ضاع ابو زيد مابين الرسن والعنان ** وان حصل غلطةٍ ماجاء بعدها اعتراف
ذا مقال اليتامى فاقدين الحنــــــان ** رحمة الله على اللي يرحمون الضعاف
الشجيع المناجى والكريم المعان ** وينهم في زمان اليوم راحوا تلاف
تذكر السالفه بين الغباء والبيان ** بين نفسٍ تعاف ونفس ماهي تعاف
لين كبرت وبانت ماتبى ترجمان ** كل ما لحفوها ما سترها اللحاف
الله اعلم من اللي بالقضيه مدان ** ياخذ المستضيف ويعطي المستضاف
بين هذا وهذا ما عليها ضمان ** ان سرقها سَرَق وإلا اختطفها اختطاف

تقبلوا تحياتي ،،