إلى الشاعر الغالي ومستشار القوافي سعد المحمدي

السلام عليكم ورحمة الله وبركاته
وشلونكم يالربع كلاً بإسمه
الشاعر الغالي والعزيز ومستشار القوافي
سعد المحمدي
وشلونك يابو تركي عساك بخير
طال عمرك إليك بعد التحية ومزيد من الاحترام.

سلام يبدي في مبادئ الشجاعه=سلام باديبه لغرٍ ميامين
سلامي لو صُنِف ؛ مجال الصناعة=تشكي دول متقدمه بالأمَرَيَن
يحوز سبق المصنعيه براعه=حطم طموح الغرب والشرق بثنين
الامر الاول فوزته وانشلاعه=مثل الصقر كل ما نهض بالجناحين
والامر الاخر منهجه وانطباعه=حميته في الله ولله وللدين
عنيت به عنو الفتى فاللتياعه=صبٍ متيم معتني بالمودين
وأصغته صوغ أهل الذهب فبتـداعـه=يبقى سوات الماركة له عناوين
وطَعّمْتُه بالالماس وأصبح طماعة=لمثمنينه عن ميات الملايين
تصعب مواصيله وسهل امتناعه=كنز إن رصدت وحليةٍ للسلاطين
محاسن الابداع ، نسج وطباعة=ومحاسن الايحاء ، حوله رواشين
وأخرجته إخراج الأديب إلمتاعه=شاهد ثقافي أرخ وشاف بالعين
بإنتاجه الفكري منزه يراعه=أحيا به مع أهل القيَّم دار علين
وأحتسبه لي تخفيف وقت النزاعة=والله عليم بغايتي قبل ذالحين
غير الحصانه تكنفه والمناعه=وديع من لا يودع ألا الموامين
وكلاً يجي فكرة بحسب انطباعة=مصَدَّر من التمييز حسب البراهين
ما أرسلت به ألا لراعي وداعه=على سعد نجم السعد طالعه زين
سيفً مسمى من سيوف البتاعه=سيفً مسمى عندي واسمه بحدين
في ملتقانا صار راعي فراعه=يبقي على الرفقه وبه مستسدين
شاعر ، من أهل المعرفة ، له سِباعه=ومَن سد ربعه ينظر ايسار وايمين
يبدي على الموضوع ويتبع شعاعه=ويشوف حل ويعرف المشكله وين
يبدي لنا حل الأمور بقناعة=مما وهبه الله حكمه وتلقين
فالله مسدد جابته بإستطاعه=شاعر مفوه قد طبع له دواوين
مثل الطبيب ان كان شاف الاشاعه=يحرر الوصفه ويداوي المصاخين
صجونا هالورعان عن كل طاعه=ماندري من يقرا وصرنا بإمامين
حتى الامام اليا عطى بإرتباعه=ولياه ناطل مكرفونه بليدين
من قلة الانصات وقل الوراعه=آمين ست امرار ماهيب آمين
ماعاد نوحي من لجيج وصعاعه=ما عاد نوحي من لجيج البزارين
حنا نشبنا في صلاة الجماعة=فانتا إمام إنصح بقِيت المصلين
قل ورعك ان تبغاه راعي مطاعه=يعهد بيوت الله من حينه لا حين
لا باس قنَّاك الولي من نفاعه=وينفع به الله في جميع الميادين
هيبتك رَضِعّها الوغد في رِضاعه=تصبح مهاب ولو تظلي ورى الصين
تكهن بها عنك الدلع والرثاعه=حتى يقر لعقله بين المسلْمين
أبشع ذنوب الخلق واكثر بشاعه=إذا انشقر صف المصلين صفين
وان كان ماطاع الوغد بإستماعه=ماهنا ملاهي جاينا بالرماهين
لو راح ضيف اطوال الاعمار ساعه=يرجح عقل ورعه ولا قال حرفين
وان راح للمسجد برغم اتساعه=ما يلعب الا في ظهور المسنين
وبعد الصلاه كِنَّا فحصة إذاعه=وأبوه منصت كنه فالمدرسه زين
كان المساجد عودت للدلاعه=استغفر الله وين حفظ القوانين
لا يعاون الشيطان ... وراع الشفاعة=بكرة خصيمه عند رجح الموازين
فإذا ربى ورعه فسمعاً وطاعه=واما قِدَرّتِه ؛ لا تعين الشياطين
بين لنا عذرك وحنا جزاعه=نجزع فموقفكم وتبقون غالين
منزالكم مثل النجم فرتفاعه=لا تحتسب سد الذرائع لغاوين
وإليا دحمك اشعيل نكسر ذراعه=حنا لقدمناك مانا امتخلين
واليا ألمك الضرس سهل انشلاعه=عادات أهلنا نريع اللي معيين
رفيقنا مثل النجم في ارتفاعه=لو القسا باعه شريناه باللين
وبالمعرفة كلٌ يهبهب شراعه=على عباب البحر دام الجديدين
يرقب لميع النجم ويلمح لماعه=ويقرر الميزان ويسلم من البين
موج البحر من طاوعه في إندفاعة=تقذف به الاموج في حد جاليّن
وصلي على من هو عليك إتباعه=الهاشمي المرسل نبي الثقالين

وسلامتك وسلامة الجميع

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

الشاعر طلال المعبدي
صح لسانك وعتلا شانك
الله يبيض وجهك على القصيده وماقصرت يابن العم

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بنك
شكراً جزيلا أسعدني حضورك الكريم
دمت بخير

صح لسانك لاهنت