لبيه يا اغلا من حياتي وذاتي؟............................................ .........

ليت الزمن يومه قس ماقس فيك=ولاشعل شتات الهم في عمق ذاتي
في كل ليل اتخيلك نور واسريك=لين الصباح بنور لليل ياتي
وامضي نهاري واتحرى حراويك=واخيل طيفك صورةٍ في مراتي
احدثه واقول يالروح وشفيك؟=رد الجواب وشف صدق اكلاماتي
لولا الغلا ما صرت اخيلك واناديك=ولاصرت اشوفك شمعةٍ بظلاماتي
تبغى الحقيقة تبت ما ودي اغليك=لا والله اكذب صرت ليه حياتي
اغليك واغلي فيك حتى تغليك=ماتطلبه مني على الرحب ياتي
في ماقدرته وانت لاشيء خافيك=ماشخص خارق يقدر المعجزاتي
لكن على ماتقدر النفس بعطيك=لبيه يا اغلا من حياتي وذاتي
اومر على قلبٍ زهم لك يلبيك=صادق شعور ولاحكا زايفاتي
اختار قلي وين ودك اوديك=تبغى بقلبي لك مكان وثباتي
تبغى بعيني ياعسى العين تفديك=اسكن بها وصبيهالك مباتي
وانا بغمض واتخيلك وجيك=وعطيك مفتاح السعد ياغناتي
وابغى احقق كل ابوها امنيك=ولاتشتكي من جورها المقبلاتي
يعني سعادة دايمٍ لك تخاويك=من خلقتك يالين حد المماتي

	المشاركة الأصلية كتبت بواسطة الكحيلة

	وابغى احقق كل ابوها امنيك=ولاتشتكي من جورها المقبلاتي يعني سعادة دايمٍ لك تخاويك=من خلقتك يالين حد المماتي

صح السانك يالكحيله ابيات جميله ومعبّره
دمتي بخير وسعاده

	المشاركة الأصلية كتبت بواسطة مساعد الجليدي

	صح السانك يالكحيله ابيات جميله ومعبّره دمتي بخير وسعاده

صح بدنك لاهنت شاعرنا القدير
ولاهان حضورك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

شاعرتنا الكحيلة صح لسانك
قصيدة رائعة جدا الله لايهينك

الله يخلي لك غاليك يالكحيله
صح لسانك ويعطيك العافيه

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك لاهنت
ولاهان حضورك

الشاعره الكحيله صح الله لسانك
قصيده راااااااائعه
ذكرتني بقصيده لشاعره غيوض






أكتب حروف الحب حبـسٍ برجليـك
قـيــدٍ يـقـيـد خـطـوتــك لا تــروحِــي
إقعد معي وإن رحت خذني مخاويك
آن لا تـروح إن كـان قفيـت روحــي
ريّــظ خـطـا رجـلـك شــوي لغالـيـك
خـلـه علـيـك بـســرّ حـبــه يـبـوحِـي
يـا واحـدٍ مالـك شبيـه لــك يحالـيـك
نفـس بحبـك مـن ظماهـا شحـوحِـي
أغليك واللي كوّن الكون أنـا أغليـك
حب الغلا ماهو بمثل حب المزوحِي
يــا غـالـيٍ دمـعـات عيـنـي تناجـيـك
بعبـايـر مــن فــوق خــدي تفـوحِـي
حتى وأنـا فـي غفـوة النـوم أناديـك
وطيفك على شاشـة خيالـي يلوحِـي
إرجـع علـي وضمنـي بـيـن أيـاديـك
ضمة غـلا تحيـي بهـا ميـت روحـي

رائعة يا كحيله حرب
صح لساانكـ
بيض الله وجهك

	المشاركة الأصلية كتبت بواسطة الكحيلة

	ليت الزمن يومه قس ماقس فيك=ولاشعل شتات الهم في عمق ذاتي في كل ليل اتخيلك نور واسريك=لين الصباح بنور لليل ياتي وامضي نهاري واتحرى حراويك=واخيل طيفك صورةٍ في مراتي احدثه واقول يالروح وشفيك؟=رد الجواب وشف صدق اكلاماتي لولا الغلا ما صرت اخيلك واناديك=ولاصرت اشوفك شمعةٍ بظلاماتي تبغى الحقيقة تبت ما ودي اغليك=لا والله اكذب صرت ليه حياتي اغليك واغلي فيك حتى تغليك=ماتطلبه مني على الرحب ياتي في ماقدرته وانت لاشيء خافيك=ماشخص خارق يقدر المعجزاتي لكن على ماتقدر النفس بعطيك=لبيه يا اغلا من حياتي وذاتي اومر على قلبٍ زهم لك يلبيك=صادق شعور ولاحكا زايفاتي اختار قلي وين ودك اوديك=تبغى بقلبي لك مكان وثباتي تبغى بعيني ياعسى العين تفديك=اسكن بها وصبيهالك مباتي وانا بغمض واتخيلك وجيك=وعطيك مفتاح السعد ياغناتي وابغى احقق كل ابوها امنيك=ولاتشتكي من جورها المقبلاتي يعني سعادة دايمٍ لك تخاويك=من خلقتك يالين حد المماتي

يااااااااااااااااسلاااااااااااااااام
رائعة يا كحيله حرب
صح لساانكـ
بيض الله وجهك