غير مسجل رثاء في والده رحمه الله

الله وهبني كيـف صقـل الجزيـلات=اقولها والقلـب مـن جـد مطعـون
الشعر فن وله مـع الوقـت حـزات=وانا اتفنن واكتـب الشعـر مـوزون
اصخره تصخيـر فـي عـدة ابيـات=واعيد واقرأ كيـف نظمـت بالهـون
واهيم وآخذ لي مع الوقـت سجـات=وأعـد كـم شعـار مثلـي يعانـون
وكم من وصل للموت مثلي ولا مآت=عايش وباقـي دايـم الـدوم مغبـون
أبكي وأحس بداخل القلـب حسـرات=اضحك وقلبي يشتكي هـم وحـزون
مـرت علـي أيـام والله صعيبـات=لآني بلآ صاحـي ولآنـي بمجنـون
وشلون انا من بـدّة النـاس بالـذات=أسهر وكل النـاس حولـي ينامـون
اشيل هم وغـم واصبـح ولا آبـآت=ويطري علـي أبـوي يـومٍ يعـزون
راح وترك بالبيـت خمسـة بنيـات=وأمي بعـد باقـي ثلاثـه يصيحـون
وحبست دمع العيـن مـره ومـرات=اخاف انا لا صحت يمكـن يشوفـون
وعشان ما ازود على الحزن لوعـات=وأخشى لياشافـو دموعـي يموتـون
أسري بليل أعتم معـي هـم وآهـات=وأبعد وأجر الصوت مـوال ولحـون
ماهمني وأن هلـت العيـن عبـرات=محد(ن) يشوف ولا بعد ظن يـدرون
مغيـر أنـا والليـل ونعيـد مافـات=وأدعي رحمـك الله ياعـود مدفـون
عسى الولي يابـوي يسكنـك جنـات=قولـو ورآي آميـن يانـاس تكفـون
يكفيني اللي صار لي مـن معانـات=أقـرو وش بعينـي إذاكـان تقـرون
وزاد المرض فيني على الحال طعنات=قالـوه لـي العـام يـومً يـقـرُون
بينك وبين المـوت باقـي مسافـات=وفي خاطري لو مت بعدي يضيعـون
سقت القدم يابـوي لا أبعـد متاهـات=أمشي ولكن يلعـن الـدرب ملعـون

صح لسان الشاعر محمد بن سند


وبيض الله وجهك يا ابوروان

الشاعر محمد بن سند

صح السانك يالغالي

ويبيض الله وجهك اخوي ابوروان

تحياتي وتقديري
عاشق بريده

الشاعر محمد بن سند

صح لسانك

وبيض الله وجهك يالغالي

والشكر موصول لك يا ابوروان على النقل

اخوك
سلطان

صح لسانك الشاعر الكبير محمد بن سند.

الله يرحم امواتنا واموت المسلمين .

والف شكر لك اخي ابوروان على النقل .

.

اللهم ارحم امواتنا واموت المسلمين اجمعين
صح لسانك الشاعر الكبير محمد بن سند.
.و شكرا لك اخي ابوروان على النقل المميز

الشاعر محمد بن سند

صح لسانك

وبيض الله وجهك يالغالي

والشكر موصول لك يا ابوروان على النقل

يعطيك الله الف صحه وعافيه

والله يرحم اموات المسلمين

الله يـعـطـيـك الـعـافيـــــــــــة


اخـوك الـحـب الـبـاقـي


دمت بخير