يبا الفيت.......نايف بن مياس

انا وين حظي طشني فيك يبا الفيت=تبليت لك مخلوق واشغلت تفكيره
لمحتك بنظره كنها القاز والكبريت=شبت على القلب الخضر زود تسعيره
تراها ثواني صدفتي فيك لوعديت=رسوم الصداقه والعلاقات والجيره
تحكمت بعنان النظر بعدها صديت=وذكرت الله الخالق على حسن تصويره
وقلت الجمال اللي سمعناه وش خليت=طبيعه تعادل خام من بعد تكريره
وقاومت نفسي والهوى والغيا وابليت=لاكن الغلا هيمن وثبت مساميره
الظاهر اني عندهم طحت ماسميت=علقبي غلاه وخايف انه علق غيره
وصرت التفت في بيتهم كل مامريت=وعرفت اصدقاه ومن يزور ومساييره
وعرفت رقمه واتصاله بكيت وكيت=وعرفت بانه طيب الصيت والسيره
وجلست انتظر عن وقت عامين مادقيت=اخاف ان لساني يبتلش في تعابيره
وطال الصبر وانا على بعدهم مليت=وراح السحاب اللي تسلي تباشيره
وكتبت الرساله طامعن في موارد هيت=وجاء ردها يترك حباله على بيره
ورديت له يامالك الري وش سويت=كلامك رموز ويحكم الرمز تفسيره
قال انت لا تارد علينا وكان اضميت=تفضل بما يكفيك واشر على زيره
وحاول يبرر عن فعول الجفاء تسكيت=قلت احمد الله يا عسى بالامر خيره
ياليت لو ما احدٍ لقا فايده من ليت=سوات الهويدي يوم يبكي على طيره
حرامٍ عليه لو يعود الزمن ماجيت=مع الشارع اللي عندهم يدخل الديره
والا يارسولي رتب القاف بيت وبيت=ماغير اتسلى واخذ الشعر تصبيره
وقله ترى نايف رغم كل ماسويت=موصي لكم مكتوب شكره وتقديره

نايف بن مياس الفريدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح الله بدنك

صح الله لسانك
ولاهنت
وسلم فكرك وبنانك
دمت برعاية الله وحفظة

كلام جميل.
سلمت..

قصيدة عانقت سماء الابداع
صح السانك لاهنت
ولاهان منطوقك

لاهنت وصح السانك

تقبل التقدير والاحترام

وفقك الله

صح الله ابدانكم جميعا

حرامٍ عليه لو يعـود الزمـن ماجيـت
مع الشارع اللي عندهم يدخل الديـره

الششاعر القدير نايف الفريدي قلبك هواوي وقصيدك غناوي .. صح لسانك مدد بلا عدد يالقـرم.. دمت بخير