اعذب الشعر.....!!!

بين أياديكم هذه المتواضعه

قالوا إن أعذب الشعر الجميل أكذبـه=بس أنا آقول لا..لو طولوا بالجـدال
والله إن أصدقه في مثلك أنت أعذبه=مالكذب القصيد بمثل وصفك مجـال
أنت تملي جزيل الشعر وانـا أكتبـه=أستمده من أوصافك وهـذا الجمـال
أنت جزل القصيـد ولذتـه وطربـه=وانت وصف القصيد وواقعه والخيال
وانت بحره ووزنه واسهله واصعبـه=وانت فيه العقل..واحيان فيه الهبال!
وانت أقصر بحوره..وانت به مسهبه=وانت رمز البحور الوافره والطـوال
وانت قصد القصيد وغايتـه وطلبـه=وانت فيه الإجابه. وانت فيه السؤال
كل شعر الغزل والمدح فيـك سببـه=يعتدل بإعتدالـك وإن تمايلـت مـال
إن تكلمت لك لحـن القصيـد إنتبـه=وان تكدرت صار الشعر حزن الليال
يشربك كل معنى وترجـع وتشربـه=تشربه من قراح ويشربك مـن زلال
بس عندي طلب ماابيـك تستغربـه=(ساعده يوصفك واقع وينسى الخيال)
وانت فيك أصدق الشعر يتحدى أكذبه=من صدق فيك يبدع مابهذا مجـااااال

ولكم ودي ...آملا أن تحوز رضاكم ...وتقبلوا إجلالي

__________________

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك اخوي
و احنا في انتظار مثيلات لها
دمت في حفظ الرحمن

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

صح لسانك وعلا شانك

تيجان العزوالفخر:
ابوفياض النويمي
سود الهدب
أبو مشعاب الحربي
وحيد الجزيره
الحميدي المخلفي
اضاآتكم المبهره تزيدني تألقاً وفخرا
شكرااااشكرااااالثناآتكم وقلوبكم الطيبه
دوموا بعز وتقبلوا إجلاليِ

ابو محمد
صح لسانك ملايين ياغالي
وقصيدة رائعه كما عودتنا
الله يعطيك العافيه

الله الله عليك

اخي الغالي عبد اللطيف


بحق نص فاخر ممتع

اشكرك من الاعماق

وصح السانك ملاااايين


وافر الود لك...

الشاعر عبداللطيف شكرا لك على هذه
القصيده الجميله 00بانتظار جديدك