الرقم{1140} تعطيك ماتكرهه{{مرفوع}} لتوقف الرمعات

قال اللاغز عفا لله عنه

وشبنت تاخذ وتعطي من خفاياها= تعطيك ما تكرهه وتحارب اسبابه
كم واحد حدّه الفهمان ينصاها = يزورها كره ويسدد من احسابه
فيها الوسايل تنوّع حيث مبداها= الخير للناس والمضمون متشابه

صح لسانك يابو خالد الله يعطيك العافيه
جاري التفكير

تسلم يابو خالد وبيض الله وجهك

مشكور على نقل اللغز ولي عوده

	المشاركة الأصلية كتبت بواسطة محمد راضي العريمه

	مشكور على نقل اللغز ولي عوده

لاشكر على واجب واللغز زقل ما هونقل

اخوي ابو خالد صح السانك على هالغاز الجزل

والضاهر يابو خالد اني ماني معطيه مهله ابثور عليه تصيب ولاتخطي

ويش رايك ( بلفاتوره فاتورة التسديد )

صح بدنك ياذيب ياذيب وان جتك الغنم في مفاليك
والله يالطيب الرميه زمت وخيرها في غيرها

اخوي ابو خالد بودي انك اكملت ليه بيت بركات الشريف

وحبئذ لو ترجمة لي معناها اما الغز بشئية الله غير نستحيز له

انا وخوياي الصباح اخر حد له

ورمعتي الان ( بالنفس الاماره اللوامه )
تحياتي

اما الرمعه مالك لوى واما تكملة البيت وشرحه فانت تامر امر

ياذيب وان جتك الغنم في مفاليك = فاكمن لها لين الرعايا تعداك
ياذيب عاهدني واعاهدك ما ارميك = مارميك انا ياذيب لوزان مرماك
من اول ياذيب تفرس باياديك = واليوم جا ذيب عن الفرس عداك

والقصيده طويله وموجود بعدة كتب ومعنى القصيده رسم خطة حربيه
لحفيده يبغاه يلبد لين يتعدون ثم يتعقبهم

شكراً يابو خالد على تلبية الطلب والله لايهينك

ابو خالد اعتقد ان هذا الغز في قمة المعنى وشد انتباهي البيت الاخير منه

حين ذكر [ الوسايل وتنوع ومبداها ]

وذكرتني بحالات مرة على مر الزمن حول القرضه الحسنه حيث غير باسم محاوله

ثم الرهن ثم اسم ورقه من عدة اوراق يوقعها المحتاج قبل استلامه ولكنها اوراق يكمل

فيها المبلغ المطلوب ولايحضرني اسمها هذه هي رمعتي


تحياتي