مصافحه اولى بعد التحيه والتقدير ........

بسم الله الرحمن الرحيم

يانجم ياللي مطلع الشمس يخفيك=وترجع لنا يانجم في كل ليله
اليوم فكري بالقوافي يناديك =ومن بعدها كلٍ يروح فسبيله
أبيات فيها النصح يرسي بموانيك=والمعذره يانجم لو هي طويله
اسمع قصيدي قبل مالفجر يمحيك=على النوايا الصادقه والنبيله
قصيدةٍ بالقاف تبنى على إيك=في بحرها المسحوب أرخي هميله
من راس عذبات المكارم أبرويك=وياما رويتك بالمعاني الجزيله
وبنصح بها نفسي قبل ذاك او ذيك=والعقل حكمه والليالي دويله
يانفس توبي قبل الاقدار تنهيك=مالك عن المكتوب منهج وحيله
حكم القدر لا جاك ماظن يخطيك=إمّا يجيك اليوم ولآّ تجيله
من يآمن الدنيا بيلقى الهواليك=وان طالت أيّامه تراها قليله
والصبر مفتاح الهموم الدواليك=وبلسم جروح المعضلات الثقيله
خلّ الفضايل مع سواها تداويك= وكلٍ بعد دنياه يجني حصيله
لاتشتكي لنّاس تمسي وتشقيك=وشكوى لغير الله تراها ذليله
وارقى سنود واعتلي في هقاويك=وابعد جنابك عن دروب الرذيله
حافظ على دينك ترى الدين يحميك=تكسب رضا ربك وتجني الفضيله
صنايع المعروف من الشر تنجيك=تحفظك باذن الله وعمرك تطيله
وبر الأبو والأم ربك يجازيك=جنّات عدنٍ في رياضٍ ضليله
واغنم زمانك لاصفت لك لياليك=واشكر بها الرحمن تبقى عليله
سود الليالي عسرها من جنى ايديك=وكلٍ بصاعه من ذنوبه يكيله
لا تطاوع ابليسك على السوء يغويك=ومن طاوع الشيطان يصبح عميله
وسواس فكره بالشقى لا يدهويك=تلقى الخساره بالمكاسب نزيله
وعن مارد الانذال جنّب خطاويك=ومن عاشر الانذال يجني الفشيله
احذر من اللي لا قسى الوقت يشنيك=ممشاه أعوج احذره لا تعيله
الصاحب اللي لا غلا السوم يشريك=احفظ وصاله ولا تدوّر بديله
والمال كثره لا يغرّك ويطغيك=إجمع حلاله والوسخ لا تشيله
ربك ليا منّه من الفضل معطيك=وفّه حقوقه قبل ربك يزيله
قم للضيوف اليا لفوا في أراضيك=واكرم لحاهم بالسمان الجزيله
درب الكرم والجود يرفع معاليك=درب الكرم ممشى النفوس الجليله
وصدق الحديث لخير الافعال يهديك=وراع الكذب للخير نفسه بخيله
عند اللوازم لا يخيب الرجاء فيك=وما للوفاء غير الوفاء هو سبيله
والجار له حقٍ ولو كان موذيك=بالصبر والاحسان تشفي غليله
وبنت الردى ولو كان بالزين ترضيك=حذراك منها تتخذها حليله
ماتستوي لغيرك ولا تستوي ليك=وتلقى التعاسه في جناها نزيله
من ما يعيّب ياابيض الوجه تسقيك=وبين الرجال اسمك يقيّد هبيله
عليك باللي من حياها تشافيك=عليك في بنت الرجال الأصيله
تحفظ لك فراشك وتحيا وتحييك=وتصبر على سود الليالي الثقيله
تمت ويانفسي انا اليوم بوصيك=قبل الجميع ان كان عقلك دليله

ناصربن مصلح

[url]http://www.albiladdaily.com/news.php...show&id=117139

ياسلام ياسلام عليك يابو مشاري
عز الله كلام فالصميم
خمسه نجوم
ماشاء الله عليك

الشاعر
ناصر بن مصلح الاحمدي
مصافحه جزله الله يبيض وجهك
تحياتي وتقديري

الله يحييك ياناصر وبيض الله وجهك .. الحقيقة توقفت عند بعض الابيات اللي تستحق الوقوف عندها وحفظها في الذاكره... ولوما ماتستاهل الاشاده ماكان علقت على النص في وقت ماكل مايقرى من الشعر يسمى شعر .. لي بعض الملاحظات البسيطه ومن حرصي وخبرتي المتواضعة ارجوا ان تتقبلها والاختلاف فالراي لايفسد للود قضية .. كل البيوت اللي تبتدي بالواو يكون الواو حرف زايد على الوزن وليس على البيت نفسه .. وفي الحاله هذي ازالته لايخل بالوزن ويكون افضل من وجوده .. مثال

وعـنـد الـلـوازم لا يخـيـب الـرجـاء فـيــك=ومـا للـوفـاء غـيـر الـوفـاء هــو سبيـلـه

لو قلت البيت بدون الواو مايختل الوزن لكن يكون افضل حسب راي .. وانا ماخترت البيت هذا الا لوجود ملاحظه اخرى تزيدة جمال

عـنـد الـلـوازم لا يخـيـب الـرجـاء فـيــك=مـا للـوفـاء غـيـر ( الـوفـي يرتكيله )

وفقك الله .. هذا راي اتمنى منك تقبله بصدر رحب وانا ماعرفك يمكن تكون اكبر مني سنناً وشعرا .. لكنه يشهد الله انه من القلب الا القلب .. تحياتي وتقديري

	المشاركة الأصلية كتبت بواسطة جميل بن حميدان

	الله يحييك ياناصر وبيض الله وجهك .. الحقيقة توقفت عند بعض الابيات اللي تستحق الوقوف عندها وحفظها في الذاكره... ولوما ماتستاهل الاشاده ماكان علقت على النص في وقت ماكل مايقرى من الشعر يسمى شعر .. لي بعض الملاحظات البسيطه ومن حرصي وخبرتي المتواضعة ارجوا ان تتقبلها والاختلاف فالراي لايفسد للود قضية .. كل البيوت اللي تبتدي بالواو يكون الواو حرف زايد على الوزن وليس على البيت نفسه .. وفي الحاله هذي ازالته لايخل بالوزن ويكون افضل من وجوده .. مثال وعـنـد الـلـوازم لا يخـيـب الـرجـاء فـيــك=ومـا للـوفـاء غـيـر الـوفـاء هــو سبيـلـه لو قلت البيت بدون الواو مايختل الوزن لكن يكون افضل حسب راي .. وانا ماخترت البيت هذا الا لوجود ملاحظه اخرى تزيدة جمال عـنـد الـلـوازم لا يخـيـب الـرجـاء فـيــك=مـا للـوفـاء غـيـر ( الـوفـي يرتكيله ) وفقك الله .. هذا راي اتمنى منك تقبله بصدر رحب وانا ماعرفك يمكن تكون اكبر مني سنناً وشعرا .. لكنه يشهد الله انه من القلب الا القلب .. تحياتي وتقديري

ابقاك الله يابن حميدان ووجهك ابيض يالغالي
اسعدني وشرفني مرورك وكلامك الجميل خاصة عند قراءتك للقصيدة بتمعن وهذا هو المطلوب وإبدآء اي ملاحظه وهذا يدل على وعيك وحرصك ونقدك الهادف والمفيد هو مكان تقدير وشكر لك على ما فيه.
وملاحظتك سليمه و في محلها وانا مقتنع جداً بها حتى ولو كان الواو لا يخل بوزن الابيات حسب وجهة نظري ولكن كما ذكرت انت حفظك الله عدم وجوده افضل هذا في حالة اذا اخذنا كل بيت على حده ولكن عندما تقرأ القصيده بمجملها فكل بيت بالواو معطوف على البيت الذي قبله خاصة انها قصيده بالنصح وترتبط بعض الابيات بالمعنى ببعضها او تكمل المعنى المطلوب ومتسلسله هذا حسب وجة نظري . لهذا انا اشكرك جداً واحترم وجهة نظرك القيّمه والمفيده وانا جداً سعيد بأي نقد هادف وبنّاء يصب في مصلحة الشاعر والشعر بوجه عام ويعطي النص جمال اكثر .

شكرا لك ايها الشاعر الجميل

	المشاركة الأصلية كتبت بواسطة صقر المراقيب

	ياسلام ياسلام عليك يابو مشاري عز الله كلام فالصميم خمسه نجوم ماشاء الله عليك

تسلم وتعيش يابو عبيد وكلك ذوق طال عمرك

اسعدني وشرفني مرورك يالغالي

شكرا لمرورك العطر وكلامك الجميل

	المشاركة الأصلية كتبت بواسطة سعد المحمدي

	الشاعر ناصر بن مصلح الاحمدي مصافحه جزله الله يبيض وجهك تحياتي وتقديري

الشاعر القدير سعد المحمدي
تسلم وتعيش يابن العم ووجهك ابيض ان شاء الله

اسعدني وشرفني مرورك يالغالي والجزاله انت من اهلها وحقيقة انت من الشعراء الذين نفتخر بهم في قبيلة حرب وبدون قصور في جميع الشعراء فقبيلة حرب حافلة بالكثير من الشعراء الذين يرفعون الراس مثلك وشرواك . ولا اخفيك انني احد المعجبين بك منذ زمن بعيد واتمنى من الله ان التقي بك في يوم من الايام واتشرف بالتعرف على شاعر قدير مثلك عن قرب ان شاء الله

شكرا لك اخي سعد على مرورك العطر وكلامك الجميل

تسجيل تواجد في منبر الجزاله
والله يحييك
وصح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

ارحــــــــــــــــــب

صح لسانك

قصيده وافيه

وشاعر وافي

تحيـــــــــــــــــــــــ أخوك ـــــــــــــــــــــــاتي