إعادة برمجه؟؟؟

02-12-10, 10:20 AM

لي شهر مدري علامي عن العالم عزوف=وندز افكاري يبيله إعادة برمجه
اتوجّد بالقصائد وترتيب الحروف=لجل يسلى القلب عن هجس هم مزعجه
عيب للرجال كثر الندامه والحسوف=والحياه اقدار باحكام ربه مدرجه
مالك الا ماكتب لك وذا شيء معروف= واين ماساقتك الاقدار مع درب اتجه
لاتكثر بالشكاوي تراها للضعوف= اطلب الله واستخيره بنهج تنهجه
لاتهين النفس مهما تحدتك الضروف= ذلة الرجال مشيه طريق يحرجه
عش عزيز رافع الراس من فوق الكتوف=نعنبوا راس مع الرؤس يمشي بعوجه

02-12-10, 10:30 AM

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

02-12-10, 10:40 AM

مالك الا ماكتب لك وذا شـيء معـروف
واين ماساقتك الاقدار مـع درب اتجه
صح السانك
قصيده معبره

02-12-10, 11:34 AM

صح لسانك وبيض الله وجهك يالنشمي

لك خااااالص التقدير

02-12-10, 01:25 PM


	المشاركة الأصلية كتبت بواسطة رابح الجحدلي


	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
اشكرك على مرورك
لاهنت

02-12-10, 01:32 PM

الأخ الشاعر القدير عيسى العوفي
صح لسانك على هذا الأبداع
لاهنت

02-12-10, 02:56 PM

عش عزيز رافع الراس من فوق الكتوف ::: نعنبوا راس مع الرؤس يمشي بعوجـه

شمووخ وعزت نفس
روعه قصيده جزله
العوفي عيسى
صح لسانك وعلا شانك
امتعتنا بهذي الشامخه
سلمت يمناك
لاهنت

02-12-10, 04:26 PM

صح الله لسانك
ولاهنت
وسلم فكرك وبنانك
دمت برعاية الله وحفظة

02-12-10, 10:50 PM


	المشاركة الأصلية كتبت بواسطة رابح الجحدلي


	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وطال عمرك
اشكرك على مرورك

02-12-10, 11:07 PM

صح لسانك
ياعيسى

جزله من يمين جزله