(( مرثيــــــــــــــ في والدي رحمه الله ـــــــــــــــــــــــــــــــــتي ))

11-05-08, 12:47 PM

اعزّ رجال

اشتاق للديره ولو هي تعذيــــــــب =يــوم اتذكّر منـــــــــزل اعــــزّ رجال
بقي الشجر وجبال صم ومراقيــــب=يازينها الوقفه على ذيـــــــك الاطلال
ادعي بها يارب لدعايــــه تجيــــــب=وتسكن المرحـــــــــــوم جنات وظلال
اللي فقدته طفل معرف مكاتيـــــــب=وودعته اضحك ليـــن ما فراقنا طال
في ليلتن شفنا بها شئ مريـــــــــب= يوم دفنـــــــوه وبعضنا ضعاف جهّال
يوم دفنووه ومسّكوني لعابيـــــــــب=ويـوم امسحوا دمعي ببسكوت وريال
يوم تركوني خلفه القى الصواعيب=والقى بدال السهل مركــــــوزه جبال
الله ياعمر الشقا والمتاعيـــــــــــب=ياضحكتن من ســـــدها الدمع همال
والله ماهو نقص مال ومطاليــــــب=والنعم باخــــــوٍ قدّهـــا وعمّن وخال
بس الفراق يشيّب الطفل ويشيــــب= ويهد نفس انسان ويخيّـــــــــب آمآل
وين انت ياراع الكرم والمواجيـــب=وين انت ياللي تنضرب فيك الامثال
وين انت يارمز الوفا ومنبع الطيب=يفداك قبل المال يابـــــــويه الحــــال
وين انت ياللي عادي اقول له جيب=ما استثقل الكلمه له آســــآل وآسآل
عشرين عام تغيب عنهم ولاتغيـــب=عن عيني وصورتك ما تفارق البال
ناديت لين ادركت ويش المكاتيــــب=وقلــت البقــا للخالــــق ورب الانفال
مابقي شئ الا طلب لاهل الطيــــــب= قولو عسى الله يرحم ابويه((عقال))

فاصله:
اللهم اسكنه فسيح جناتك واغفر له ولجميع موتى المسلمين ياكريم ياغفور يارب العالمين[/size][/align]