عجل ترا ما عاد باقي لي صبر

21-03-08, 01:33 AM

السلام عليكم ورحمة الله وبركاته
أخواني أعضاء منتدى قبيلة حرب
أعتذر عن انقطاعي ولكن لظروف الدراسة أحكام
أقدم بين أيديكم هذه المتواضعة عسى أن تنال إعجابكم

عجل ترا ما عاد باقي لي صبر = ضاقت ولا باقي لنا فيها مجال
لا تعتذر لو تعتذر مالك عذر = ما دامنا في هالزمن والليل طال
نشكي على ذاك القمر يومه بدر = والليله اصبح من شكاوينا هلال
والمشكلة في هالعمر كل ما يمر = يحول الأحوال من حالً لحال
نمشي مع إن دروبنا ماهي خضر = نشكي مع إنا ما بنا حيل لجدال
نبغى اليسر لكن تولانا عسر = حتى غدينا لعبه تحط وتشال
ياليل وين النور عجل بالفجر = هالليلة الظلما عن طوال الليال
طالت ومالت وابدلت فوق بحدر = وارخت علينا سدولها والحظ مال
واشكي سهرها من عذابً مستمر = واشكي حقيقة هم لا ماهي خيال
بين السما والارض بعيوني شبر = ضاق الفضا والهم فوق الاحتمال
نبقى نعيش وعصرنا آخر عصر = اختلت الكفة مهو بأي اختلال
وقتً به العالم على نفس القدر = تلقى به العالي مع الناس الذلال
لو قيمة الخيمة مثل قيمة قصر = ما عشقت الغيمة طويلات الجبال
ما تنزل الرحمة على ديار الكفر =وإليا انزلت ماهي عفو لكن ضلال
يا وقتنا اللي من ربح عندك خسر = ذوقتنا اللي هدّم الشم الطوال
ياللي لياليك الطويلة عن عمر = لا تحسبنا قانعين وما نسال
حنا سكتنا ما سكتنا من صبر = لكن سكتنا يوم ما فيها مجال

وسلامتكم