بين الشاعر على الحصني والشاعر العملاق

الشاعر علي الحصني

ياللي من العارض مشيتم محادير=تريضولـي ليـن أرتـب كلامـي
تريضولـي ساعـة يالمناعـيـر=وتجملوبـي والحقونـي مرامـي
وخوذوا سلام مثـل در الاباكيـر=في ضف من يثنون دون الجهامي
ودوه يم مصخر القـاف تصخيـر=تكفـون ودوا للزغيبـي سلامـي
وليا لفيتو عند غـازي خطاطيـر=كولو كرامتكـم بيـت الكرامـي
تلقون شغمـوم يديـر المباهيـر=ويكثـر الترحيـب والاهتمامـي
وتلقون بالمجلس ضيوف ومسايير=وكل على التقديـر والاحترامـي
ياثالث الاثنيـن مسيـت بالخيـر=ولاني بمكلـوف بعـد الاسامـي
خايف يصير بصافي الجو تعكيـر=وتصير دعوانا فطـور الصيامـي
والشك زايل يازبـون المخاسيـر=ولاني امبرق في جنايب حزامـي
والله ماغبط اللي يشيل البواكيـر=مادام لي سيف يقص العضامـي
لو حسب الزراع غزوا العصافيـر=ماقام ياغـازي بـزرع النوامـي
لي قصةٍ كثرت عليهـا التفاسيـر=وحرم بها جايز وحلـل حرامـي
قصة تحير صاحب العقـل تحييـر=واصبح لها في كل سوق ازدحامي
وانا مصدرها من الفكـر تصديـر=ورافع علمها فوق روس الزوامي
لاكن عليها يطرقـون النواظيـر=ناس تيـدم فـي محـل اليدامـي
في غيبتي يطلع لها طابـع غيـر=ويطلع لها راعي حميـه يحامـي
ونشت من القبله مزون مزابيـر=حي السحاب اللي يروي الضوامي
والثانيه عمهوجةٍ سنهـا صغيـر=طلـت علـي املثمـه باللثامـي
غندورةٍ ماهـي مثـل الغناديـر=منها كبر حلمي وعـزت مقامـي
واخذت وقت وصار بالجو تغييـر=وعود شوي شوي يجلا الغمامـي
وصورت لك ماصار بالفكر تصوير=وارسلت مكتوبي وبصمة بهامـي
ياشاعر شعرك يشوق الجماهيـر=عساي معك أقوم في نصف زامي

الرد من الشاعر العملاق

حي الكتـاب اللـى لفانـي بتقريـر=من شاعر يشبـه رشيـد الزلامـي
رشيـد لأرسـت بالبحـور البوابيـر=فـارس مياديـن الأدب والنظـامـي
قلته شهادة حق مـن غيـر تزويـر=توثيقهـا أشـادتٍ لأبــو رامــي
حربت هجوم المنتخـب والمغاويـر=وأليا الشرف عضويتـي وأنظمامـي
أيدت ماقاله ولاحكـم علـى الغيـر=قد قيـل غايـات البشـر ماترامـي
ياعلى أبو فارس هلا يامسـا الخيـر=والله يسلـم مـن يـرد السـلامـي
يامسنـد اللـى يتعـبٍ المـداويـر=فيهن ثـلاث بنـود والكـل سامـي
بنـد المديـح يهيـج الفكـر ويثيـر=ومنك أعتبر ماقلـت ليـه وسامـي
والبند الاخـر بـه بلاغـه وتشفيـر=وأحلاهن اللى قيـل حقـه الزامـي
يغني لك الله عـن كنـوز الدنانيـر=وقـف لهلهـا باقيـه ماتسـامـي
وللطير رزقٍ ياخذه غصـب ويطيـر=والحرص مايخيب نصيـب الحرامـي
والقصـه اللـي شبهـت بلأساطيـر=لا مطلـع فيـهـا ولا بستـلامـي
اهل البلاغه والرها تشـار وتشيـر=والحـق الأبلـج مايبيلـه محامـي
يمكن معـك تبريـر ولـذاك تبريـر=ماكـل مايرضيـك يـرض لأنامـي
والواجب انـك لاضبطـت المعاييـر=واحكمتها مـن كـل يمـه احكامـي
تعرف مضاريـب التيـل بالخوابيـر=وتبرم على روس البراغـي لحامـي
حتى ولو بان الصـدى بالمواصيـر=ماتنزعـج لأن القواعـد تمـامـي
وياعلى حث الركب ثم واصل السيـر=وأخذ الحذرمـن زاحفـات الهوامـي
لو مأنت في حاجة وصايـا وتحذيـر=ماتطمـع الا فـي فقـار السنامـي
سيفٍ يهدي مـن براسـه زعاطيـر=ياطيـب السمعـه بعيـد المـرامـي
واليا حصل من بعض لاصحاب تقصير=احسـم مداهـا دامهـا بالزمـامـي
وأليا انتهت لو يرسلـون النواطيـر=اكثر شقاء الدنيـاء يجيـب ألأثامـي
وتـرا المناحـر تتقيـه الهوامـيـر=اللـى مواكبهـا تهـز الحـوامـي
وأن شفت حبلك واصل جمـة البيـر=وغربك تموحه من غزير الجمامـي
ياعلى في بعض المشاريـع تبذيـر=ماتحسبنٍ بالخلـق جايـع وضامـي
من غير مشفـوحٍ يضـف الفواتيـر=لو يملـك الدنيـاء وبـال وملامـي
واللي من القبلـه ردم نـوه عصيـر=حـروه مجيـه والخلايـق نيـامـي
يالله عسا وبلـه حقـاق الشخاتيـر=يالين غثـو السيـل يرقـا العدامـي
وأخر بنـود السالفـه قصـة الزيـر=قسمٍ كمـن دائـي وقسـمٍ درامـي
شوكة سلم بين اللحـم وألاضافيـر=مـع التحيـه بعدهـا وحتـرامـي
يابـن الرجـال مخرميـن الطوابيـر=يشهد لهـم تاريـخ حيـد الردامـي
من دون لأنقص في حقوق المشاهير=كل أبلجن يروي شبـات الحسامـي

الشاعر العملاق

والشاعر على الحصني

صح السانكم

على

القصيدة الجزله

صح السان الشاعر العملاق غازي الزغيبي
والشاعر على الحصني

ويعطيك الف عافية اخوي حمد

تحياتي

صح السان الشاعر العملاق غازي الزغيبي
والشاعر على الحصني

وبيض الله وجهك اخوي حمد

تحياتي وتقديري
عاشق بريده

/
.


السلام عليكم


صح لسان الشاعر / غازي الزغيبي
صح لسان الشاعر / علي الحصني

والف شكر لك اخي حمد النويمي
على هذا الجهد المبارك


تحياتي لك



:
.

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

الشاعر العملاق ابوطلال غازي الزغيبي

صح لسانك

وصح لسان شاعر المحاورة على الحصني

وبيض الله وجهك يالغالي

والف شكر لك اخي حمد النويمي على النقل

اخوك
سلطان

صح لسان الشعار

بيض الله وجهك

اتمنالك التوفيق إن شاء الله

أخيك ابوروان

0
/

صح لسان الشاعر العملاق


و مشكور يالنويمي

/
0