( ياسامعٍ كلّ نجوى=يامنتهى كلّ شكوى )

/
/
/
/
/
/
/
/
/
/
/
/
/
/
/
/

لله شكواي ترفع=من بامره الشّر يدفع
يغفر ذنوبي ويشفع=( ويلطف بحالي وياوي)
ياسامعٍ كلّ نجوى=يامنتهى كلّ شكوى
يافراجٍ كلّ بلوى=(ماتخيب فيك الرّجاوي)
عبدك من ارض المدينه=يدعي ويرفع يدينه
طالبك فضل وسكينه=(ونجّيه كلّ البلاوي)
وانت العدل في قضائك=في ارضك وفي سمائك
ياليت نكسب رضائك=(واللي رحمته غناوي)
عبدك مقدرّ مصيره=وقسمتك للعبد خيره
ولاتاخذه بالجريره=( وتعلم وش المرء ناوي)
سبّوح قدّوس منّان=ياخالق الانس والجان
لجل العباده يارحمان=(يامنزل الغيث راوي)
ولحنا عبدناك ياالله=حقّ العبادات والله
لاكنّ عفوك لشفناه=(نلقابه الخير ضاوي)
افرج هموم الذي شاف=فالوقت ميلات واخلاف
ولاجاته النّاس بانصاف=( عايش حياته خلاوي)
لويشتكي من همومه= النّاس فيها تلومه
ولحدٍ يعاقب ظلومه=(والميل حال الشّقاوي)
والمرء وان قلّ ماله=حاله عليها ميّاله
ومحد ايتلذّذ دلاله=(وتكثر عليه المساوي)
ماتصدقّ النّاس قوله=ولا ودّها تشوف زوله
لوهو زعيم الرّجوله=(منبوذ ماله مخاوي)
والقاف جبته لغايه=فبدايته والنّهايه
طالبك منك الهدايه=(تهديبها كلّ غاوي)
واطلبك ميتة شهاده=على ثبات وعباده
ترضيك عنّي زياده=(وتغفر ذنوب الهواوي)
ولاتخزنا يوم نحشر=في يومٍ اصعيب واقشر
يظهر به الخير والشّر=(وفيه اقتصاص ودعاوي)
وصلّي على اللي يحبّك=وانت اصطفيته بحبّك
ويحب منهو محبّك=( ذكره دوى يالمداوي )

الشّاعر / خالد بن عبيد بن معتوق ألأحمدي

صلى الله عليه وسلم
ابتهالية ولا اروع
صح السانك لاهنت

خالد صح الله لسانك يابن العم على هالرباعيّه الجزله من الجزل
وللجميع تحياتي

اللهم صلى على نبينا محمد
نسأل الله العظيم في ملكوته
الكريم في عطائه الحليم في
عبده الوهاب لسائله اللذي لاتسئمه
كفوفٍ السائلين ولا تعجزه معجزات
ومره بين الكاف والنون اذا اراد شيئاً
ان يقول له كن فيكون ان يفرج كربة
كل مسلم ويزيل الشر عن كل مبتلا
ويرزق كل محتاج من المسلمين انه سميع
مجيب صح لسانك

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

الكحيله
اشكرك على مرورك وصح بدنك

الكحيله
اشكرك على مرورك وصح بدنك