يسمون الثعل ضرغام ويسمى الحمار احصان

سلام عليكم قصيدة تشرفت بها من خالي الشاعر متعب محمد الطريسي

بديت ابذكر منزل سورة الانفال والعمران=عظيم الملك عالم كل نفسن وش عمايلها
بعد ذكره عطيت الضوء الاخظر هاجسن عطشان=على نظم البيوت للي تجملني واجملها
بيوتن قلتها في مناسبه والواقع البرهان=يعرف امناسبتها مستمعها من دلاايلها
حقيقه والحقيقه ماعلى من قالها نقصان=لياقيل الحقيقه قالو ابيض وجه قايلها
ظهر تال الزمان للي علاماته بعضها بان=ابذكرها وابرضي ناس لكن ناس ابزعلها
ولاتخفى على اهل العرف والمعروف واهل الشان=من ابرزها تهزت في خيار الناس اراذلها
نعم وقتن تشيب العين مما فيه ياسلطان=ظهربه ناس تزعل كل عاقل من فعايلها
يسمون الثعل ظرغام ويسمى الحمار احصان=عسى الله مايسلطها على خلقه ويرسلها
تسمابه رعاة الضان اهل سيف اوفرس وسنان=تنزل في منازل ناس عاليتن منازلها
وانا ماخص في ماقلت شخص افلان دون افلان=انا شاعر وللي وجهة نظر من حقي اوصلها

هلا يامرحبا فاالشاعر للي يبدع القيفان=بيوت الشعر ينقدها وينقضها ويفتلها
على معنى القصيدة نردف الالحان فالالحان=وانا شاعر وافك ارموز قيفانك وحللها
تعد الواقع الملموس وللي يجهله غلطان =لكن الاوله متربعه في كف طايلها
اذا بعض العرب عميان ماكل العرب عميان=يعروف اهل الخيل الاكاديش امن اصايلها
يدور الوقت ياخالي ويبقى الصح مهما كان=بشت الحق راع الحق قابلته وقابلها
لوان الوقت لمعله بيوتن مالها سيسان=مصير الشك يقدم لين يدخل مع مداخلها
على كف الصحيح يبين الفاضي من المليان=لسان الحق ناسن ماتجمل مايجاملها
ياخالي لو تهب الريح ماهزة جبال ابان=ابان للي يشيل احمول بقعاء ويتحملها
يبين راعي الحاجون من راع الحدب شامان=ترى العلم الصحيح اهل الدير تعرف مناهلها
ليامنه جحد فعل النشاما راعي البهتان=فعول الغانمين المجد فكتابه مسجلها
سواليف السعه راع السعه يطمربها الجرفان=وتبقى الاوله متربعه في كف طايلها

صح السانك وبيض الله وجهك

صح ألسنتكم وبيض الله وجيهكم
لاخلا ولا عدم
لك خالص التقدير

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك



قصيدة رائعه بروعة حضورك



لك تقديري

لله درك

صـح لسـانـك

ولاهنت يالذيب

تقبل مرووري

صح السانك وبيض الله وجهك على هذي القصيده الرائعه بروعة حضورك الغالي

لاهنت وصح السانك

تقبل التقدير والاحترام

وفقك الله

صح الله لسانك
ولاهنت
وسلم فكرك وبنانك
دمت برعاية الله وحفظة

لاهنت ولاهان هذا الحضور

صح لسانك يالذيب

تقبل تحيتي