{ .. يمكن يصيبك شي فوق احتمالي .. }

السلام عليكم ورحمة الله وبركاته

اسعد الله مسائكم بالخير والمسرات ...

نص متواضع يَ اخواني للتواصل ..

لو كنت يا جدي على الارض موجود=يمكن يصيبك شي فوق احتمالي
خابرك ما ترضى من الناس منقود=على سلوم ابآك ترقى المعالي
لكن تغير عقبك الوضع ياالعود=ضاقت علينا عقب وسع المجالي
تقدر تقول إن الأمل شبه مفقود=راعيه ماطاق الحمول الثقالي
دام التواصل قلّ والطيب مجحود=والمصلحة سادت على كل حالي
وحبل الرفاقة بين مرخي ومشدود=والي يبي يشده بخشم الريالي
وحيل الذي يبغى النواميس مهدود=وجده على ذيك السنين الخوالي
واليوم جفت قدّمه اعدود واعدود=وتلّ الرشا عوّد به العدّ خالي
طلع لنا في ذا الزمن شلقة قرود=أهل العقول الي دخلها الهبالي
ولقوا لهم تأييد من ناقص الفود=عطاهم التقدير .. بأول وتالي
فعلً ينرفزني ومن زود في زود=ومشيً على غير الطريق العدالي
راحوا هل النخوه وفتتهم الدود=أهل الجمايل محتمين التوالي
غنيهم يبذل على الطيب مجهود=ما شحّ ماله لو تدور الليالي
وفقيرهم يكرم لو الدخل محدود=ولو هو على بساط الفقر ما يبالي
يرقون في روس الطويلات بسنود=حاميهم الله ذو الفضل والجلالي
راحوا يا جدي مثل ما رحت بلحود=( وآ عزتالي صدق وآ عزتالي )
شيً طرى يا جد مع هبة النود=ماهو على ماقيل نسج الخيالي
تقدح به أفكاري كما قدح بارود=بعيد عن نظم البيوت الهزالي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك ......

ابداااااااااااااع بلاحدود

الشاعر القدير
سامي الوسيدي
الله يرحم جدك
ويبيض وجهك على النص الرااااااائع
حقيقه قالها شاعرنا وحط النقاط على الحروف
للله درك من شاعر متمكن وعذب
تحياتي وتقديري

دام الـتـواصــل قـــــلّ والـطــيــب مـجــحــود
والمصـلـحـة ســـادت عـلــى كـــل حــالــي
وحـبــل الـرفـاقـة بـيــن مــرخــي ومــشــدود
والــــــي يـــبـــي يـــشـــده بــخــشــم الــريــالــي

هذي المشكله ياسامي الوسيدي

صح السانك على القصيده الجميله والرائعه التي لربما كان التواصل في أيام العيد سبب في طرحها

بارك الله فيك على هذه الدره الثمينه

ولك ودي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة

لاهنت وصح السانك

تقبل التقدير والاحترام

وفقك الله

صح الله لسانك

وافي وقصيدك وافي لا عدمتك وتواجدك بينا هو غاية امانينا


تحياتي

اخوك

قصيده وافيه ومن راس وافي
لاهنت ولاهان هذا الحضور
تقبل تحيتي

صح لسانك يالشاعر