ذوبان الجليد

اعزائي اليكم هذه المشاركه امل ان تحوز على رضاكم وهو الاهم

الدواة وريشة الطير وحروف(ن)جداد=والبذور وفجة النور وانفاس الوريد
تستعد لطاري الوجد واظروف الهجاد=لتنهض ناصع الحرف تلبس له جديد
عاذلي كفيت واوفيت واصهلت الجواد=وادري انك بالمتاهات والباسك حديد
بس انا ماشلت همك وتوك بالمهاد=لاتهقوى لين يبرالك الراى السديد
والا انا لقلت وابديت واظهرت الوكاد=تنحني لي غصب وتحيد وتروم وتسيد
الغرام احلام واوهام وشموعه سواد=الكيان يحوم بحماه ويذوب الجليد
هاشمية غيد ياعيد وينك والعياد=يوم نفرح فيه وايام تنقص ماتزيد
كل شاعر لبحر البوم يحري بالهداد=بس انا ماوهق الطير كود انه يصيد
بالفيافي سرب الشوف وانهار العتاد=والبلد ياناعس الطرف كني به بليد
كفي اوضح من مواريك واسراب الجراد=ماخبرته تاق وانساق لهداب الجريد
الشموخ وقاسي الوقت عشقي والمراد=لو حداني ماحدا الناس بالواقع شديد
وان تعالت هيبت النار تاليها رماد=صرخت(ن)لافدت منها ولامنها استفيد
ذعذعي يانود تكفين هبي بالبراد=يفعل الله مايشاء بالعباد ومايريد

ولكم تحياتي
اخوكم
عبدالله الوعد

صح لسانك ياعبدالله
وبيض الله وجهك
قصيدة رائعه بروعة تواجدك
لك منـي اجمل وارقى تحية


العبيدي

	المشاركة الأصلية كتبت بواسطة عبدالله الوعد

	اعزائي اليكم هذه المشاركه امل ان تحوز على رضاكم وهو الاهم الدواة وريشة الطير وحروف(ن)جداد=والبذور وفجة النور وانفاس الوريد تستعد لطاري الوجد واظروف الهجاد=لتنهض ناصع الحرف تلبس له جديد عاذلي كفيت واوفيت واصهلت الجواد=وادري انك بالمتاهات والباسك حديد بس انا ماشلت همك وتوك بالمهاد=لاتهقوى لين يبرالك الراى السديد والا انا لقلت وابديت واظهرت الوكاد=تنحني لي غصب وتحيد وتروم وتسيد الغرام احلام واوهام وشموعه سواد=الكيان يحوم بحماه ويذوب الجليد هاشمية غيد ياعيد وينك والعياد=يوم نفرح فيه وايام تنقص ماتزيد كل شاعر لبحر البوم يحري بالهداد=بس انا ماوهق الطير كود انه يصيد بالفيافي سرب الشوف وانهار العتاد=والبلد ياناعس الطرف كني به بليد كفي اوضح من مواريك واسراب الجراد=ماخبرته تاق وانساق لهداب الجريد الشموخ وقاسي الوقت عشقي والمراد=لو حداني ماحدا الناس بالواقع شديد وان تعالت هيبت النار تاليها رماد=صرخت(ن)لافدت منها ولامنها استفيد ذعذعي يانود تكفين هبي بالبراد=يفعل الله مايشاء بالعباد ومايريد ولكم تحياتي اخوكم عبدالله الوعد

شاعرنا العلم عبدالله محمد بن وعد الحربي صح لسانك يالجزل
لاهنت وافيه من راس وافي ياسلام روعه ورقي كما عهدناك اشكرك على هذه القصيده الرائعه يالمبدع
ولاهو غريب عليك يابو محمد الابداع والتميز لو شهادتي بك مجروحه يابن العم سلمت ودمت واسفرت وانورت
وملتقاك يرحب بك فاهلا وسهلا بشخصك الكريم بين اهلك وناسك اللي شرفتهم
بهذه الطله البهيه وتواجدك وتواجد كل جزل شرواك يسعد الجميع فباسم جميع اعضاء ملتقانا الشامخ اقول حياك الله وابقاك
وعلى الرحب والسعه ياعبدالله بن وعد الحربي

صح السانك قصيده حوة الشاعريه والجمال

قصيده جميله جدا لا هنت صح السانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك
..
..
أسجل اعجابي بالقصيدة
..
ويعطيك العافيه ..

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك لاهنت

الاخوه الاعزاء
العذر من الله ثم منكم لعدم ردودي والناتج عن انقطاعي الخارج عن الاراده نظرا لظروف خاصه ولكم الف شكر على مروركم واطرائكم الطيب وانتم اطيب
تقبلوا فائق تحياتي وتقديري
اخوكم
عبدالله الوعد