هنا .. نضع جميع قصائد شعراء حرب الذين تفاعلوا مع قضية:خالد الحربي

تحية طيبة للجميع

اخواني الكرام

نضع هذه الصفحة لقصائد جميع شعراء القبيلة الذين تفاعلوا مع قضية السجين : خالد بن هزاع

بن فلاح العلوي الحربي . حول عتق رقبته من حد السيف و ذلك مقابل 30,000,000 ثلاثون

مليون ريال . فجزاء الله شعراءنا خير الجزاء و بيض الله وجيههم .. و هذا وقت الفزعة سواءً

بالمادة أو بالقصيد أو بحث جميع أفراد المجتمع المحيطين بناء أو نشر القضية بالنت سواءً

تويتر أو واتس أب .. أو أي وسيلة من وسائل النت المتعددة.

قصيدة للشاعر والإعلامي محمد المويعزي=
ياحرب ياساس الوفاء والشهامه= انتم لها ياحرب ياحرب .. ياحرب
حرب العسر واللين حرب الزعامه =تاريخكم شمسٍ من الشرق للغرب
كلٍ قراء تاريخ حرب .. ومقامه=تاريخٍ يشرّف . لماضيه والقرب
واليوم نبغى نعيد للطيب .. عامه =ونعيد حسب الجمع والطرح والضرب
هبّوا وقوموا قومةٍ في .. قرامه =القومه اللي شاش منها أطيب الذرب
قوموا.. وهذا وقت حذف العمامه =تكاتفوا للحربي اللي نخى حرب
(خالد) نخانا والقبيله .. حزامه =وامه برجوانا عسى ندفن الزرب
في كل لحظه تنتظر .. للسلامه=لا أكلها أكلٍ . ولا شربها شرب
غير الهموم اللي تزيد الندامه=وخدودٍ من الدمع محمرّه وجرب
عتق (رقبة مسلم) تساوي تهامه =لا والله الا تساوي الصين والغرب
وشلون لاصار اللي يقرأ .. عدامه=هو ابنكم والمال في يدينكم سرب
صحيح مبلغ فاق أكبر .. علامه=لكن مع النخوه تجي معجزة حرب
واللي سعى . لا . ماتجيه الملامه=ينلام من قام يتخثّع مع الدرب ..!!
ولو كل واحد حط ربع اهتمامه =والله ثم والله ان ينتهي الكرب
وان تفرح امه في لقاه وقيامه =هو ابنها الوحيد .. تكفون ياحرب
قصيدة للشاعر جوهر العلوي =
غاب العذر في حزة الواجب ونادانا الضمير =الواجب اللي يلزم شيوخ القبيلة والجبر
مافيه عذر ولا تراخي من صغير ومن كبير=ياحرب هذا اللي الموقف اللي مايجيه فيه العذر
ثلاث ماعنهن صدود ومن تعذرهن حقير=الدين والواجب وميقاف الحميا لا حضر
جزعة وفزعة من سلاطين الرجال وفعل خير=اللي مواقفهم بصفحات الزمن عز وفخر
الفرم قاد القافلة والناس من خلف الامير=اللي فعوله قبل قوله كل ماقال وشهر
بندر تليد المجد لاجى واجبة مايستشير =لادارت الدنيا على من يزهمه قام وظهر
حرز الثلاث البيض والا لاعتزى ماله نظير =له وقفةٍ تضرب بها الامثال واقوال وعبر
لعلها له ظل في يومٍ حسابه مستطير=يوم الحساب وشاهد ومشهود في يوم الحشر
واللي يقود الراي من خلفه يجي جمعٍ غفير=والمعضلات حلولها تبغى لها حلم وصبر
والا التكافل والتكاتف هو هدفنا والمصير=ولياتكاتفنا تبدل كل عسرٍ في يسر
ياحرب ياهل المجد من دار الكويت الياعسير=ياهل الحميا والتكاتف والمواقف والظفر
ياهل المناقب بالخوي والجار واللي يستجير=ياحماة مكة والمدينة يامدابيس الخطر
ياحرب ياللي شركم على العداء شرٍ شرير=ياحرب ياحرابة الدولة بعيدين النظر
ياحرب ياهل الحلم والوقفات والعلم الغزير=ياحرب ياعزوة ولدكم لانخاكوا وافتخر
ياحرب ياهل الشان والبرهان والمبداء المنير=ياحرب ياهل الحجة الغرا مزاريق القدر
ياحرب يابيت الكرم والجود والمد الكثير=ياحرب ياللي من زهمكم من وفاكم ماخسر
ياحرب هذا الموقف اللي يطلع الوجه السفير=حيث المواقف والبلاوي تمتحن صبر البشر
ترى الشدايد تطلع الطيب ومن حبله قصير=وتبين اللي معدنه من طين والا من صخر
ياحرب قوموا قومةٍ من بعدها بشرى البشير=ترى ظلام الليل مهما طال يجليه الفجر
لابد من يوم النجم والفوز للي يستخير =قوموا ولله المساعي كلها من كل امر
لياحان واجبنا نجي مابه غني والا فقير =والمال كله في سبيل الله غناه بلا فقر
الياجتمعنا كلنا يصير شي مايصير =نسوي اللي مستحيل وكل موقف له خبر
يشهد لنا فعل مضى واليوم حاضرنا ظهير=مجد ظهيره مجد والحاضر من الماضي زخر
اسهامنا باعلامنا حاضر وماضي مستنير =ودوارنا واخبارنا بالمجد في كل اثر
في كل اثر من ماء الذهب ومطرزينة بالحرير=ومتوجن في منبر التاريخ نقشن في حجر
هذا نداي الاول الاول ولاهو بالاخير =لعل ماعندي وصل لو ان تعبيري قصر
واجب واقوله واثقٍ من قلب ولسان وضمير =ماعاد ياسعنا عن الواجب سكات ولا عذر
قصيدة للشاعر محمد بن عبد المحسن الجميلي=
ياحرب ياللي تحتمون اللزومي =في حاضر الدنيا وفالماضياتي
وياحرب ياهل الطايلة والسلومي=إسلومكم وأفعالكم بيناتي
وياحرب ياللي بالمواقف قرومي =وقفاتكم دايم وهن طيباتي
وياحرب ياللي تكعمون الخصومي=حريبكم جمعه يعود شتاتي
وياحرب ياللي من وفاكم نزومي =تضربنا الأمثال طول الحياتي
فينا الوفا فطرة وفعل مختومي=منا البلالي فعله أكبر ثباتي
وياحرب حنا بالخوي مانسومي =خوينا دونه نحب المماتي
منا نويشي والنقاش محسومي =فعله مدون والكتب شاهداتي
وأمجادنا ماتنحصي كالنجومي =لكن شواهد تدعم المفرداتي
واليوم به علمن يبا اللي يقومي=القومة اللي عاقبتها حسناتي
ياحرب أنا شاعر وهاذي علومي =خالد موصيني وهاذي وصاتي
ينخى قبيلة حرب وأهل العزومي=يقول تكفى قبل فوت الفواتي
اللي بقى ماغير تسعين يومي =ياعزوتي ماعاد فيها سكاتي
أنا السجين اللي غزته الهمومي=وأنا الأسير اللي يريد النجاتي
ترجيني أمن قلبها لي رحومي=ويرجيني إخواني وترجي خواتي
وأنا أدعي المعبود مجري الغيومي=يفرج لخالد كربته ثم يآتي
يآتي لهله وتسعده بالقدومي=أنت الذي بامرك تسير الحياتي
قصيدة للشاعر متعب بن مطلق بن نحيت=
شوال لا من هل سياف فرقاه =وش عذركم ياحرب وأنتم تشوفون
في ساحة ن والراس يخنع لمثواه=وش نعتذربه عن ثلاثين مليون
لا للتراخي وأنتم الوجه والجاه =دام الأمل موجود لا لا تراخون
هبوا يدن وحدة ترى المد لله=دفعة بلى والعمر ماهو بمضمون
كم واحدن يصبح ولايشوف ممساه=شف المقابر كم بها شخص مدفون
ماتدفعه خيره وأجره وحسناه =كم من خطايا يحطها وأنت مديون
عندك حساب اللي لنا كل رجواه=والآخرة واحسابها وغد مكنون
ماتدفعه تلقاه ما يضيع تلقاه=أما قريت انفاق مما تحبون
وحديث ماتدري شماله بيمناه=هذا مثاله واسأل شيوخ يفتون
أقولها تذكير ما أقولها أوصاه=وأنتم هل المدات ياحرب والعون
بوجيهكم ياحرب قتله أو إحياه=بمشيئة الي بأمره الكاين يكون
صغير سن ولو عرف عظم بلواه=ماكان في حقه قصاصه ومسجون
يتيم أب وفاقد أم ن تحراه=والأم ثكلى وترفع الصوت تكفون
ما تنام ليل الناس من حر فرقاه=هاذي ثلاث سنين وأنتم تنامون
وإذا غفت من سدرة الحزن الآه =دقايق وتصرخ من الحلم بجنون
تشوف خالد يوم قادوه باخطاه =ثم بركوه ودنق الراس ومتون
تشوف سياف وجماهير واقضاه =في ساحة ن فيها لخالد يقصون
الله يكون بعونها يوم لقياه =اللي بيادي حرب وأقول مضمون
نامي قريرة عين هودي عن ابكاه =خلفك قبيلة حرب بالدم يقفون
ويالله ياللي مالنا غيرك إلاه =ولا حول لا قوة إلا بك تكون
يسر ولا تعسر على حرب دعواه=وانه يصوم الشهر مع من يصومون

الله يـعـطـيـك الـعـافيـــــــــــة
بيض الله وجهك

حميدان العوفي
بيض الله وجهك فكره رائعه
اتمنى من شعراء القبيله التفاعل مع قضية الجميع
قضية اعتاق رقبة ابننا خالد

	المشاركة الأصلية كتبت بواسطة رابح الجحدلي

	الله يـعـطـيـك الـعـافيـــــــــــة بيض الله وجهك

مشكور يارافع الفزعة و الحميا على مرورك

و الله يابو نواف اعتقد ان الحربي ماله عذر

و من تخلف عن هذا الموقف لانعتبره حربي

الاخ الغالي
حميدان العوفي
مشكور على جمع القصائد في متصفح واحد
الله يكون في عون اخينا خالد وجميعنا غير معذورين
لازم الجميع يساهم باللي يقدر عليه

الله لا يهينك ياحميدان وصحة السنت الشعراء
وخالد محتاج ان ندعو الله يفرج له هو من بيده كل شي ومحتاج لوقفة هل الخير من حرب وغير حرب
الامر الاخر الاحظـ ان قضية اعتاق خالد محصوره او شبه محصوره اعلامياً بقبيلة حرب وهي موضع انساني واحساني مفتوح
لكل اصحاب الخير وتعميم الموضوع على حرب وغيرهم يخدم القضيه , حتى القصائد اغلبها ان لم يكن مجملها
موجهه للقبيله ,,,, كذلك اغلب الحمله يلاحظ انها على شبكات الانترنت وبعض القرى فيها شيبان مالهم بالنت ناقله ولاجمل ,,, والتبرع كذلك عن طريق الايداع وبعض اهل المناطق يبغالهم مشوار حتى يصلون للبنوك والصرافات والانترنت ,,, يعني هم بحاجه لمن يساعدهم على تقديم مساعداتهم سواء كانو من حرب او من خارج حرب لكن يجب
ان يكون هذا الامر مضبوط بطريقه لا تسمح بأستغلال قضية خالد لغير صالحه بمعناء ان الاشخاص القائمين بجمع التبرعات يجب ان يكونون معروفين لناس ومحل ثقة واي منطقه او قريه يزورونها لهذا الغرض يكون وجهتهم اميرها وايمام مسجدها ويزود الامير والايمام بما تم جمعه من منطقتهم كذلك مناسبات الافراح على الابواب يجب ان تستغل لحث الناس ومساعدتهم على تقديم المساعده وذلك بجمع ما تيسر خلل الحفل والاعلان عنه بنفس الحفل وايداعه عن طريق النت بنفس الحفل من حساب واحد

هذا رايي الشخص
ان أصبت فمن الله تعالى وان أخطأت فمن نفسي والشيطان
وان لم يكن كلامي في محله ولا يخدم القضيه فلامانع من حذفه
كذلك اخي حميدان عنوان هذا الموضوع لو كان ( قصائد الشعراء الذين تفاعلوا مع قضية خالد ) بضني انه افضل
وان شاء الله اذا تم الفرج لخالد من عند الله يجب ان لا يجير هذا الموضوع للقبيله وحدها لان فاعلين الخير ان شاء الله كثر ومن التعاون على البر والتقوى ان لا يتحول الموضوع العام الى موضوع خاص وهذا الكلام موجه لشعراء والاعلاميين بالدرجه الاولى
امل ان لايزعل مني احد فالموضوع اجتهادي ويا اخي حميدان اذا رأيت ان ردي ذو جدوى فلا مانع لدي ان تجعله مضوع مستقل

استدراك / انا اعلم ان كل من يقدم عمل خير لوجه الله لا ينظر الى امور الدنيا

من اعلام وغيره ولكن هذا لا يعني ان كلامي السابق غير منطقي حسب اعتقادي كذلك لا اشك بنية احد
ولا اقول ان احد يقصد استغلال احد ولكن اقول ان الحماس والاندفاع الزايد قد يفقد الشخص شي من الصواب والله اعلم

	المشاركة الأصلية كتبت بواسطة ابـ حرب ــو

	الله لا يهينك ياحميدان وصحة السنت الشعراء وخالد محتاج ان ندعو الله يفرج له هو من بيده كل شي ومحتاج لوقفة هل الخير من حرب وغير حرب الامر الاخر الاحظـ ان قضية اعتاق خالد محصوره او شبه محصوره اعلامياً بقبيلة حرب وهي موضع انساني واحساني مفتوح لكل اصحاب الخير وتعميم الموضوع على حرب وغيرهم يخدم القضيه , حتى القصائد اغلبها ان لم يكن مجملها موجهه للقبيله ,,,, كذلك اغلب الحمله يلاحظ انها على شبكات الانترنت وبعض القرى فيها شيبان مالهم بالنت ناقله ولاجمل ,,, والتبرع كذلك عن طريق الايداع وبعض اهل المناطق يبغالهم مشوار حتى يصلون للبنوك والصرافات والانترنت ,,, يعني هم بحاجه لمن يساعدهم على تقديم مساعداتهم سواء كانو من حرب او من خارج حرب لكن يجب ان يكون هذا الامر مضبوط بطريقه لا تسمح بأستغلال قضية خالد لغير صالحه بمعناء ان الاشخاص القائمين بجمع التبرعات يجب ان يكونون معروفين لناس ومحل ثقة واي منطقه او قريه يزورونها لهذا الغرض يكون وجهتهم اميرها وايمام مسجدها ويزود الامير والايمام بما تم جمعه من منطقتهم كذلك مناسبات الافراح على الابواب يجب ان تستغل لحث الناس ومساعدتهم على تقديم المساعده وذلك بجمع ما تيسر خلل الحفل والاعلان عنه بنفس الحفل وايداعه عن طريق النت بنفس الحفل من حساب واحد هذا رايي الشخص ان أصبت فمن الله تعالى وان أخطأت فمن نفسي والشيطان وان لم يكن كلامي في محله ولا يخدم القضيه فلامانع من حذفه كذلك اخي حميدان عنوان هذا الموضوع لو كان ( قصائد الشعراء الذين تفاعلوا مع قضية خالد ) بضني انه افضل وان شاء الله اذا تم الفرج لخالد من عند الله يجب ان لا يجير هذا الموضوع للقبيله وحدها لان فاعلين الخير ان شاء الله كثر ومن التعاون على البر والتقوى ان لا يتحول الموضوع العام الى موضوع خاص وهذا الكلام موجه لشعراء والاعلاميين بالدرجه الاولى امل ان لايزعل مني احد فالموضوع اجتهادي ويا اخي حميدان اذا رأيت ان ردي ذو جدوى فلا مانع لدي ان تجعله مضوع مستقل استدراك / انا اعلم ان كل من يقدم عمل خير لوجه الله لا ينظر الى امور الدنيا من اعلام وغيره ولكن هذا لا يعني ان كلامي السابق غير منطقي حسب اعتقادي كذلك لا اشك بنية احد ولا اقول ان احد يقصد استغلال احد ولكن اقول ان الحماس والاندفاع الزايد قد يفقد الشخص شي من الصواب والله اعلم

الأخ حميدان العوفي بيض الله وجهك على جمع القصايد اللي تخص قضية عتق خالد العلوي الحربي
ومشكورين الشعراء على هذه البادرة الطيبة , ولكن اتمنى أن توجه القصايد لعموم فاعلي الخير وحثهم
على المشاركة في هذه القضية الأنسانية , وليس حرب وحدها , حيث المبلغ عالي جدا , ويجب أن يصل
الخبر إلى محبي الخير ومن لديهم القدرة المالية , ويجب أن يعرض هذا الأمر على خادم الحرمين الشريفين وهو أول من يحب الخير وعاداته عتق الأرقاب , النقطة الثانية يجب ان يقوم في جمع التبرعات منهم قريب من خالد , كما يفضل أن تكون التبرعات عن طريق شيوخ القبائل , ويجب الإعلان شهرياً عن المبلغ كم وصل : هذا ماعتقدت انه صواب والله اعلم

مراقبنا وشاعرنا القدير
حميدان العوفي
بيض الله وجهك وحرب ماتقصر
والعيد راح يصير عيدين بأذن الله جل جلاله

اهل الخير واهل النخوة مايقصرون

ولاتقصر يدين حرب عن الطايلة
وبيض الله وجه بندر الفرم يوم يواجه ربه
وبيض الله وجه كل من تبرع ولو بريال من كان يكون.
تشكر على الموضوع .
نقطة هامة
نواجه حرب لكترونية الهدف منها التاثير على المتبرعين
حتى المواقع النسأئية ماسلمت من الامر
يجب نقل اخبار التبرع اول بول حتى الكل يكون على بينه
ولانسمح للمغرضين بفشال الحملة

الله يـعـطـيـك الـعـافيـــــــــــة
بيض الله وجهك

الاخ الغالي
حميدان العوفي
مشكور على جمع القصائد في متصفح واحد
الله يكون في عون اخينا خالد وجميعنا غير معذورين
لازم الجميع يساهم باللي يقدر عليه