زومالة المواسيه من والرد من الحجوره 000000

14-03-12, 05:47 PM

حداية المواسيه من قبيلة البشور في زواج نواف نجل الشيخ محمد بن زارع البشري والرد من الحجوره :

سلامٍ أحلى من حليب الدر في طعمه و ذوقه=
وأحلى من العيسل ومن سكر نبات يصبّ فوقه=
مهداه لمحمد و ربعه والغلا دايم في سوقه=
(من قلب صافي مثل ما يصفى البياض من الحليب)=
وأغلى من الياقوت واللولو وعقد الماس طوقه=
للي يمد الطيب يوفي للرجال حقوقها والطيب شوقه=
واللي يكمل في حقوق الناس يوفونه حقوقه=
(مبروك يا نواف ونهنيك يالحر الأديب)=
بأنشدك عن زرعٍ ربا في ديرته فوّقّ عروقه=
أحدن ينمّي غلته وأحدن عجل يقطف عذوقه=
كلن على فكره يعيش وله لحن يتبع طروقه=
(واللي طلب ربي بعفوه لا رجع له ما يخيب)=

الرد من الحجوره :

بعداد ما دنّ الرعد وعداد ما ناضت بروقه=
ترحيب مثل الكيف للضيفان فنجاله نسوقه=
للي لفوا من ربعنا تكميل ما شيٍ يفوقه=
(من بال صادق والحقيقه شمس تبدي ما تغيب)=
راع الغلا يلقى غلا والصدق من نفسٍ صدوقه=
والحر في تكميل ماجوب العرب محدن يعوقه=
يكملّ الماجوب له نفسٍ على الطاله عشوقه=
(الله يبارك فالجميع وفالكم عقبه قريب)=
ياللي تسال اللي لهم فالشعر سيساناً وثوقه=
الزرع يربى فالوجيه اللي على العليا سبوقه=
أحدن عليه تلوق وأحدن لو عفاها ما تلوقه=
(والمسعد اللي يقتدي فأمره على هدي الحبيب)=

وسلامتكم