مجاراتي للشاعر الكبير / عبدالله بن زويبن

يا مـل قلـبٍ هواجيسـه يسجنـه =سج النضا بالمطـارق والمشاعيبـي
هن ودهن كل روضٍ زيـن يرعنـه =وهم ودهم بالمساء عـند المعازيبـي
يوم انتهاء كل ما بالخـرج والشنـة =تواعدوا بيـت نطـاح المواجيبـي
شيخٍ صدى صوت نجره كل ما دنـه =يقنب بروس النوازي قنبـة الذيبـي
يرخص خروفه ولا يبخل على بنـه =ويشكر ويذكر ليا عدوا هل الطيبـي
تريحـن وأمرحـن يومنهـن جنـه =وأنا الهواجيس تسرحبي وتسريبـي
راحن بقلبي ولا أدري ويـن ودنـه =أخذت في جوهـن غفـوة وتغييبـي
سجيت معهن علـى فلـمٍ يعرضنـه =عن غيب بعض القرايب والأصاحيبي
ابليس لـولاه كـل النـاس بالجنـة =لاكـن يلعبـنـا راع التلاعيـبـي
يا شين بعض الأوادم لو ضحك سنه =يضحك بوجهي ويشذب في عراقيبي
واللي ليا غبت غوجه للطـرد عنـه =وجرد سيوفه عطيبات المضاريبـي
هجرت كل الـدروب اللـي يمرنـه =أخير لي من مجيه ، عنـه تجنيبـي
ولو ما أقتدي في كتاب الله والسنـة =خليت كلٍ على دينـه يصلـي بـي

وهاذي مجاراتي

يامل قلبً هواجيســــــه يدكنـــــــه = كما تدك الفيافي شمخ النيبــــــــــــــي
إبلٍ ليا قوطرت تسمع لها حــــنــــه = من يوم ماتنطلق وردٍ قواصيبــــــــــي
ضمين و وردن على عدٍ يخبرنــــــــه = عدٍ يبدد ضماهن بالمشاريبي
ميرادهن لابدن في حسبة الكنــــــــه = نقروح صافي ولا فوقــــه غثاريبـــــــي
ثم صدرن وأخشعن من عقب وردنه = وأنا هواجيسي الصلفه محازيبـــــــــي
شافن خفوقي ورى أضلوعي وساقنه = لين أركبن بسرته فوق المراكيبـــــــــي
وقامن على صاجة الواقع يملّنــه = حتى أبتدا يتعبة عرض المكاتيبي
الناس لو تحسن المكنون والظِنـــــــه = ماشفت في وسطها شكاك ومريبــــــــــي
أحيان بعض العرب تظهر لها خنـــــــــه = وأحيان ترمي على الغايب نشاشيبــــــــــي
و(ابن زويبن) تجنب سيرها لـَـنـــــه = يشوف في سيرها بعض العذاريبــــــــــي
وأنا بعد عندي الهرّاج ماكنّـــــــــه = يشفق على غيبتي من شان يحكيبـــــــــــي
رافع حدود النظر في ذمتي عنـّــــه = ولاني معلي مقامه في تعاقيبـــــــــــــــــــي
ولو إن كل ٍ يمشيني على فنــــــــــــــه = رميت في سلة الماضي تجاريبــــــــــي

صح السانك يابن مطلق
قراة قصيده جيده جداٍ
الناس لو تحسن المكنـون والظِنـه ماشفت في وسطها شكاك ومريبـي
أحيان بعض العرب تظهر لها خنـه وأحيان ترمي على الغايب نشاشيبي
و(ابن زويبن) تجنب سيرهـا لَنـه يشوف في سيرها بعض العذاريبـي
وأنا بعـد عنـدي الهـرّاج ماكنّـه يشفق على غيبتي من شان يحكيبي

وصح السانك مرةٍ اخرا

و(ابــن زويـبـن) تـجـنـب سـيـرهـا لَـنــه = يشـوف فـي سيرهـا بـعـض العذاريـبـي
وأنــــا بــعــد عــنــدي الــهـــرّاج مـاكــنّــه = يشفق على غيبتي من شان يحكيبي
رافــع حــدود النـظـر فــي ذمـتــي عـنّــه = ولانـــي مـعـلـي مـقـامـه فـــي تعاقـيـبـي
ولــو إن كــل ٍ يمشـيـنـي عـلــى فـنــه = رمـيـت فــي سـلـة المـاضـي تجـاريـبـي


لله درك يابومطلق صح لسانك وسلم بنانك

والله يبيض وجهك ويازين الابل وطاري الابل .

الناس لو تحسن المكنـون والظِنـه= ماشفت في وسطها شكاك ومريبـي
أحيان بعض العرب تظهر لها خنـه= وأحيان ترمي على الغايب نشاشيبي
نص رائع وصحت السنتكم شعار متمكنين من الشعر

والجزالة

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر الكبير

فهد مطلق صح لسانك وبيض الله وجهك على المجاراه


الراااااااااااااااااائع بروعة شاعرها

اخي الغالي القصيده قمة ومن اروع ماقريت

وقصيده تستحق الاشاده

ياناس ياهل الشعر اذا ماهاذي القصيده

مجاراه ميه بالميه لقصيدة ابن زويبن

كيف تكون المجاراه

اقولها بالفم المليان

جزله جزله جزله

من راس جزل

صح لسانك اخوي
لا عدمنا ابداعك

صح السانك وبيض الله وجهك
قصيده جزله وشاعرها جزل
دمت ودام بداعك
تقبل التقدير والاحترام

الله اكبر عليك يابو مطلق شاعر داهية

والله مجاراه رائعه

اقف لك احترامآ على هذه القصيده التي افخر بها وبشاعرها

ولو إن كل ٍ يمشينـي علـى فنـه رميت في سلة الماضـي تجاريبـي


صح لسانك

لو ان ماقلت الا هذا البيت لكفاك


تحياتي لك