مرثيه بالغالي علينا جميعاَ الشاعر الكبير : عبدالله بن عتيق الحنيني رحمه الله

السلام عليكم ورحمة الله وبركاته

رحم الله ابو خالد رحمتاَ واسعه الحقيقه كلمني رحمه الله قبل وفاته باسبوع وانا مقصر معه

والرجل واجهته مره واحده بزواج الاخ الشاعر : خالد الحصني وتعرفت عليه معرفه شخصيه غير اني كنت اعرفه بالنت وبس . والرجال كل اسبوع يكلمني يقول زورني بالبيت يا ابو شطيط واقوله ابشر بس والله اني مشغول لامن فضيت باذن الله تزورني وازورك قال كان اننا من الحيين ابزورك بس انت الحين طب محلي قلت ابشر يابو خالد باقرب وقت ارد لك خبر ولا تدري الا وانا اقولك ولم الفنجال
والحقيقه ماجرا بيني وبينه هو الذي اثر فيني بزياده والمرثيه سويتها بعد وفاته بوقت قليل جات عفويه عسى الله يرحمه ويجعل قبره روضه من رياض الجنه :

مرثيتي بالشاعر الكبير المرحوم باذن الله تعالى : عبدالله عتيق الحنيني

الموت حق ولالنا عنه صده = مهما نسوي كلنا ميتينا
من خلقة الدنيا نزولاَ وشده = من اول الدنيا ليا اخر سنينا
ما عمرها دامت على شي مده = الدايم الله والله انه يعينا
والحزن هد الحيل بالحيل هده = ولو طاح فوق طويق بكره يلينا
يخلي الرجال ينباح سده = ويبينه بالوجه لينه يبينا
خبر وفاة اللي نعز ونوده = يبى يهل الدمع في كل حينا
سافر ولكن سفرتاَ دون رده = ومن روحو دربه ماهم راجعينا
يالله للجنه عن النار وده = واغفر ذنوبه والبشر مذنبينا
يالله وسع قبره اللي بقده = واجعله مع عبادك الصالحينا
كم حدت الدنيا علي وتحده = ويقول لابدك نجيك وتجينا
وده ازوره وسط بيته ووده = يزورني مير الزمان يحدينا
يقول وقتك لاتعذر تمده = واقول صبرك بس لامن فضينا
رجلا خلقه الله وصل وموده = يحب صلة الرحم عاده ودينا
رجلا من يعرفه بمزحه وجده = يموت ماسبه ولاشاف شينا
والموت حق ولاش حيله نرده = ماباقينله غير نرفع يدينا
ومافيه حي الا ولله مرده = مهما نسوي كلنا ميتينا

والله يرحمه انشاء الله ويسكنه فسيح جناته وهذا قليل بحقه فكم وكم اوفى معنا بحياته رحمه الله

¨°o.O ( ×××××××) O.o°¨


لاحول ولاقوة الا بالله



رحم الله ابن عتيق وغفر له واسكنه فسيح رضوانه

الله يغفر له ويرحمه ويتجاوز عنه
واحسن الله عزاكم

الله يجزاكم خير ويتقبل دعواتكم

وعسى الله يرحمه ويغفرله ويسكنه الفردوس الاعلى

تحياتي وتقديري

صح لسانك يابدر

و رحم الله فقيدنا جميعا الغالي/ عبد الله بن عتيق و اسكنه فسيح جناته

و اسأل الله العلي القدير ان يصلح ابناءه ة يرعاهم برعايته

حقيقة ماشاهدت مثل طيبة القلب عند الراحل/ عبد الله ابن عتيق و صدق النية

و الله ماقابلته إلا مرة واحده باحد المناسبات ... و كان بيننا اتصالات مستمرة

و اغلب الاتصالات و المواصل من ابو خالد رحمه الله .

و كان دائماً يطلب مني زيارته بالدليمية و ان اطب محله الجديد و كنت اقول

له ابشر بس عطنا فرصة يا ابو خالد.

و لكن حقه منا الدعاء له بظهر الغيب.

رحمه الله و اسكنه فسيح جناته

صح لسانك اخوي بدر
والله يرحم فقيدنا الشاعر عبدالله الحنيني
ولايفتنا بعده
الله يبارك فيك ويطول عمرك انت

صح لسانك اخوي بدر
والله يرحم فقيدنا الشاعر عبدالله الحنيني
اما معرفته لي ومعرفتي له فهي من الف وربع ميه وحدعشر الى الفوربع ميه 33

والله مالحقت له مدا بكل اعلوم الرجال

وعندي كلام كثير ولاكن انا مغيم علي حزنه رحمة الله عليه

صح السانك ياخوي بدر العريمه



أما ابوخالد لاأعرفه ولايعرفني لكن من كلام الاخوان وكلام الناس ونعم به وانا احببته دون أن اراه


الناس شهداء الله في ارضه

صح السانك يابو شطيط

رحم الله الفقيد عبدالله عتيق الحنيني

تعرفت على الفقيد الغالي أبوخالد من ملتقى حرب وكان ونعم الرجل رجل وافي بكل ماتحمله الكلمه من معنا

كثير مايبادرني بالأتصال والسؤال كان مثال في الأخلاق وحسن التعامل مع الأخرين للأسف أني ماقابلته وكثير ماكان

يدعيني لزيارته بالدليمية

أنشهد أني فقدت أخ وزميل ورفيق عزيز

وأنشهد أن الحزن بلغ مابلغ عندي

ولاكن هذا الطريق كلنا ماشينه

ونسأل الله أن يحسن لنا خواتيمنا

ونسأل الله أن يرحم الشاعر الكبير عبدالله عتيق الحنيني بواسع رحمته أنه سميع ومجيب الدعاء

الله يغفر له ويرحمه ويسكنه فسيح جناته

صح السانك اخوي بدر على هذه المرثيه

ويعلم ان وفاته مصاب جلل ولكن لابد ان نرضى

بقضاء الل وقدره ولعل هذه الايه تخفف من مصابنا الجلل

{وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} [البقرة: 155-157].