العام ذا ماهو كما ذيك الاعوام

العام ذا ماهو كما ذيك الاعوام = كثرت خلافاته وعتم ظلامه
من عاش هذا العام يبكي على العام = من كثر مافي وقتنا من ملامة
للي سال بعطيه عنا خبر هام = من واحد لاقال ثبت كلامه
ياما وياما صار في قدم الايام = من الشجاعة والكرم والشهامة
ياما دخلنا البحر سابح وعوام = ونعلم اللي مايعرف العوامة
وياما مشينا في البراري بالاقدام = مع الطريق ولا نغير نظامه
نجني ثمار فالشجر مثل الاكمام = ونشم من ريح السكب والخزامه
ويوم السماء صافي ولادونه اعسام = ننظر وناخذ من نجومه علامة
وليا بنينا بنية حظنا قام = دا يم نتممها على الاستقامه
الجد الاول كان للخط رسام = نمشي على خطه ونتبع رسامه
ديرة حروب وعمها دين الاسلام = دار مشى فيها النبي بالسلامه
تحدها البيتين من قبله وشام = وتمتد شرق وغرب حتى تهامه
قبيلة وحده ولاراحت اقسام = ماتقبل التفريق والاانقسامه
قانونهاواحد له احكام والزام = قوه وعزه واحترام وكرامه
قلته وانا ماشي على خط وانظام = قضيت عمري في بيوت الزعامه
لاشفت طيب كنت للطيب خدام = المحترم يفرض علي احترامه
ماهمني غير الصفا بين الاقوام = هذا هوى قلبي وغاية مرامه
ياقلب هون ماصفاراح قدام = جيل السعد عشناه ذروه سنامه
واليوم طبقنا الدفاتر والاقلام = رفعت وخلوها رجال القوامه
بعد اختلف سالم مع اخوه همام = وش عاد نبغى من رجال الفخامه
هذا ظلم هذا وذا صار نمام = الحرب دارت والنتبجه ندامه
مدري عواصف تنتهي مثل الاحلام = ولاعلامه عن قيام القيامه
لو كان حكم الدار في يدين حكام = اولاد من مولاه علا مقامه
حكام عدل وخيرهم فالوطن عام = والكل منهم عزوته من حزامه
والنعم باللي حطموا كل الارقام = ماباقي الارقمهم فالجهامه
ذكر الله العالي لها مسك وختام = والمصطفى ذكره تمام الختامة]

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

رابح الجحدلي
شكرا احي على المرور
ولكم تحياتي

الاخ العزيز ابو فياض النويمي
جيا الله اخوي على هذا المرور المميز والشعور الطيب
مع قبول تحياتي

هذا ظلم هذا وذا صار نمام = الحرب دارت والنتبجه ندامه
مدري عواصف تنتهي مثل الاحلام = ولاعلامه عن قيام القيامه

الله يكفينا شر الظلم والظالمين

صح السانك على الجزالة

قصيدة راائعة

الاخت الشاعرة الكبيرة الكحيلة
شكرا على مرورك وصح بدنك
ولك تحياتي

لاهنت وصح السانك

تقبل التقدير والاحترام

وفقك الله

قصيدة جزلة من شاعر جزل ومتمكن
صح لسانك مدد بلا عدد
ودي واحترامي

اخي الجرح
صح بدنك ولكم تحياتي