مفاصل الكلام

يارجل سب الرجل في غيبته عيب = ولاهو لنا مذهب ولا هي عقيده
مصيب والا فيه سقة الاكاذيب = يحرم عليك بغيبته ما تكيده
في غيبته تبي تسوي بها ذيب = وتعد نفسك شهم وانك وليده
قابل بوجهك كان مابه عذاريب = اما يزيدك عيب والا تزيده
واخير منها شومة تشبعه ريب= ويكفيك عن حقك عقول رشيده
يا صرت طيب يحتمونك هل الطيب = من لا بتك والا من ايا بديده
يثنون بغيابك رجال المواجيب = من طاب يلقى الطيبين برصيده
مزبنين حظوظهم عالم الغيب =وعن ذم خلق الله تشطر بعيده
والي على عمياه خيله مهاذيب = الناس تدري وش وراه ويريده
اما قصير باع داني محاضيب = والا بجوفه من مداهم وقيده
اهل المسبه للمسبه معازيب = لو النظر فيما سمعنا نعيده
شذابة المقفي شجيعة مشاذيب= وتصير قدامه سواة الرديده
قبلي هجوهم با القصيد الواعيب = ما يحصي الي قيل فيهم زبيده
من عصر ابونا ادم وهارون وشعيب= وناس تجيد الهرج عن ما تجيده
والعفو عن سقط الخطا راي مصيب = وتسيد با الاحسان ما لا تسيده
مدامها ما غير حشة عراقيب = عسى كلامه في غيابك يفيده
لو كل ما نسمع مسكنا التلابيب = كم حلق هراج قطعنا وريده

صح لسانك وبيض الله وجهك

الشاعر الكبير
خالد الحصني
صح لسانك وعتلا شانك
شاعر راااااااااااائع يابو موسى
تحياتي وتقديري

صح لسانك درر وحكمه لله درك .

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر خاااااالد الحصني

صح لسااانك وصح فكرك

يشهد الله اني من المتابعين لك وانتظر ابداعك

تقبل تحياتي وتقديري

ياااااسلااااام عليك ياخالد الحصني

قصيدة رائعة وفيها رسالة قوية

لاهنت على هذا الحضور الرائع

وبارك الله فيك

صح لسانك اخوي خالد الحصني
كلام جميل
الله يعطيك العافيه
/
\

	المشاركة الأصلية كتبت بواسطة العنود.

	صح لسانك وبيض الله وجهك

الشاعره العنود صح بدنك شاكر حضورك

	المشاركة الأصلية كتبت بواسطة سعد المحمدي

	الشاعر الكبير خالد الحصني صح لسانك وعتلا شانك شاعر راااااااااااائع يابو موسى تحياتي وتقديري

هلا يا بو تركي صح بدنك ولا هنت على الحضور شهاده اعتز فيها طال عمرك