زومالة عبدالعزيز وفواز الزويهري في زفاف انس القريقري

هذي الزوماله لعبدالعزيز الزويهري وفواز الزويهري في زفاف انس عبدالله القريقري يوم الاربعاء

الموافق 25/10/1433هـ والرد من عرابي القريقري وعبدالكريم القريقري ومحمد القريقري

وعطيه القريقري وفواز القريقري

البدع =
سلام نبعه من وفاء وتقدير منا للحشام =
أعداد من كبر وصلى وحج بيت الله وصام =
لربوعنا اللي في المواقف كاسبين الاحترام=
جينا نهني بالفرح والله يبارك للجميع =
والثانيه في البارق اللي لابرق يمنن وشام =
تلقى محاصيله سواة النور في قلوب الانام =
مير اللي حكمه لاصدر يأخذك لدروب الظلام=
وبدال لاينصف حقوق الناس خلاها تضيع =
الرد=
يامرحبا في مرحبا ياللي تردون السلام =
ترحيب غالي بالكرام اهل الوفاء عند الكرام=
انتم وحنا فالمواقف كاسبين اغلى وسام =
الله يحييكم لفيتونا مع الباب الوسيع =
الثانيه حنا سوا مافيه خله وانقسام =
واليا برق برق السعد حنا نخيله بأهتمام =
واللي على وضح النقا مشيه على حسب النظام =
مايميل ميزانه ليا منه شراء ولايبيع =

سلمت يا ابو فيصل على هالنقل

و الله يوفق انس و يرزقه الذريه الصالحه . . و بيض الله وجيهكم على التكميل يا اهل الوفا

و ربنا يديم عليكم الافراح

دمت بخير

صحت السنتكم

وبيّض الله وجيهكم



تقبلا تحيتي وتقديري

الله يـعـطـيـك الـعـافيـــــــــــة على الاخـــتيار المــوفــق
وصحت السنتهم
بيض الله وجهك