 |
 |
 |
| روائع شعريه |
| روائع الكسرات |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| الـــمـــلـــتـــقـــى الــــــــــعــــــــام [للنقاش الهادف والبناء والمواضيع الاسلامية والعامه] |
 |
|
|
أدوات الموضوع | انواع عرض الموضوع |
21-06-09, 12:37 AM
|
#1 | |
|
عــضــو
|
إقرأها فإن لم تؤثر فيك فاعلم أنه ليس عندك قلب ..
الله أكبر موقف مؤثر جداً ما ستقرأونه إن شاء الله بعد قليل .. وصلني على الإيميل وأحببت مشاركتكم قراءته .. والله إننا نخجل من أنفسنا ونحن نقرأ مثل هذ القصص التي تنبهنا من غفلتنا .. اللهم أعنا على بر والدينا بما نستطيع .. وإن كنا نعلم بأننا مهما فعلنا لن نؤدي جزءاً يسيراً من حقهما علينا البريد : ينبع _ مكه _ رايح جاي زميل وشخص عزيز طلب مني نطلع مكه ... واخبرني انه ناوي يؤدى عمره عن ابوه الله يرحمه .. قلت خير .. حتى انا باعتمر عن ابوي .. نخليها يوم الجمعه ونصلي الجمعه هناك إن شاء الله رحنا .. سوينا عمرتنا وإلي علينا بالخير .. وحنا راجعين إلا وصاحبي يهدي السرعة ... سألته : خير ؟ قال بدخل رابغ ( وهي قرية على الخط) سألته ليش ؟ ... ويش عندنا في رابغ ؟ قال .. بتشوف بعينك .. دخلنا البلد وانا مستعجب .. إلا وصاحبنا وقف جنب سوبرماركت وقال ... انزل شيل معي لو تبغى الأجر قلت اشيل ولا يهمك .. بس لمين ؟ قال اسرة هنا .. ابوي الله يرحمه كان يتولاها دائما .. وما حبيت ان الخير ينقطع بوفاة الوالد .. وماني رايح اقطع صدقات ابوي ولو انه مات .. فأنا ومالي ملك أبي .. حتى بعد موته الله يرحمه .. قلت الله يجزاك كل خير .. وين الناس التي تبر ابوها كذا بعد الممات ؟ .. البعض الله المستعان يقاطع حتى اعمامه بعد وفاة ابوه ... وانت ما شاء الله عليك ... حتى سعي ابوك على هذه الأرملة ما وقفته رحنا ودقينا على البيت ... خرجت امرأة عجوز .. سلم عليها صاحبنا وسلموا عليه الأطفال .. ( واضح انهم يعرفوه زين وانهم متعودين على جيته دايما ) .. وبعدين نزلنا الأغراض في الحوش ... واعطاها مبلغ من المال .. وجلست تدعي له ولأبوه بالرحمة موقف جدا رائع .. يهز القلب بحق مشينا .. كملنا الطريق ... إلا وقبل مستورة ( وهي قرية اخرى تقع على الخط ) بحوالي عشرة كيلو .. نشوف ونيت غمارتين متوقف على جنب .. وفيه رجال شايب كبير في السن يأشر بيده .. واهله داخل السياره !! هدينا السرعة ووقفنا خير يا عم ؟ وش فيه ؟ قال ابد .. الكفر مبنشر .. ظنيننا انه طالما كبير في السن ما يقدر يغير الكفر .. خاصة ان اكبر عياله اللي كانوا معه عمره حوالي 11 سنه قلنا طيب ... هات الكفر الأحتياطي نغيره لك قال ... حتى الإحتياطي مبنشر .. والعدة اللي ترفع السيارة كمان خربانه ... مدري ويش فيها مشكلة بمعنى الكلمة .. خاصة انهم منقطعين في الخط .. واسرة فيها نساء واطفال ... ويمكن حتى ماء ما معاهم هذا الموقف لأي مسلم ... هو كنز من الحسنات .. لأنه من فرج عن مسلم كربة من كرب الدنيا فرج الله عنه كربة من كربات يوم القيامة ... فما بالك باسرة كاملة في كربة !!! اخذنا الكفر ... وقلنا له بنروح نصلحه في قرية مستورة .. وخاصة ان بيننا حوالي عشرة كيلوا فقط تقريبا .... قال الشايب : طيب خذوا الولد معاكم !! قلنا له ... يا رجال ما يحتاج ... بعدين نتأخر ... ولا يصير ظرف تقلقوا عليه .. خلوه معاكم قال ابدا .. خذوه معاكم قلنا خير .. ناخذه معنا إلا والولد يسأل ابوه ؟ يبه .. ما عطيتني فلوس للكفر !! رد عليه وكأنه احرجه .. قال هاه ... نسيت الفلوس ... ما جبت معي فلوس .. رد خويي بسرعه .. اركب اركب .. بعدين وخير وبعد ما مشينا .. إلا وخويي يسأل الولد ما شاء الله عليك .. انت سنه كم ؟ قال .. اولى متوسط قال .. طيب ابوك وين شغال ... ( عرفت انه يبغى يتحرى عنهم .. هل هم من مستحقي الصدقات ... ام أن الأب بالفعل نسي الفلوس ) قال ما يشتغل .. مريض قال ... خير إن شاء الله وجلس يتحدث معاه احاديث جانبية ... حتى يتحرى عنهم أكثر .. وبعدين قال : الله يعينكم .. طيب .. ليه ما تغيروا هالكفر وترتاحوا ؟ .. ولا كل كفرات السيارة كذا ؟ رد عليه الطفل بضحكه بريئة .. كل الكفرات كذا .. هذا احسنهم .. وكل يوم ندور خمسة ريال عشان نصلح كفر ضحك صاحبنا بسرعه وقال خير إن شاء الله وصلنا لمستورة .. ووقفنا عند اول بنشرجي .. ونزلت انا الكفر من السيارة .. إلا وصاحبنا يقول للعامل : حط كفر جديد نفس المقاس .. إلا والولد يصرخ .. ليه جديد ؟ .. ما عندنا فلوس .. ابوي راح يذبحني رد عليه خويي .. اقول اسكت ولا كلمة .. انت معانا مجرد امانه لين نرجعك لأبوك .. والأمانة ماتتكلم ولا تهرج .. .. فاهم ؟ قال ... طيب وسأل العامل عن شئ ... وقال له العامل ما عندي .. ادخل البلد أكيد بتلقى !! ركبنا السيارة وانا ما ادري وين رايحين .. بس متأكد انه خير وقفنا عند محل زينة سيارات وقال لنا اصبروا في السيارة دخل المحل وخرج ومعاه عده لرفع السيارات ... واول ما ركب السيارة ... إلا والولد يسأل حتى انتم عدتكم خربانا ؟ إلا وصاحبي يرد اقول اسكت ولا كلمة .. انت معانا امانه .. والأمانه ما تهرج .. تراني عصبي رجعنا للمحل .. كان العامل ركب الكفر الجديد .. إلا وصاحبي يقول للعامل : اعطيني كمان ثلاثة كفرات جديدة .. نخليها اربعة مرة وحده إلا والولد قام يصارخ .. اربعة ؟ .. ياويلي من ابوي .. رايح يقول انا إللي قلت لك اشتريهم وبعدين نحاسبك طالع فيه خويي هالمرة بنظرة صارمة وقال ... انا كم مرة اقول لك اسكت ... انت امانه ... والأمانة ما تهرج ... ولا تقول كلمة .. فاهم ؟ .. تراني عصبي ... لا يغرك سكوتي .. سكت الولد وهو يطالع يمين و يسار .. ويناظر فيني يبغاني اتكلم .. بس سويت نفسي ماني شايفه وسكت جاني خويي وسألني .. معاك مية ريال سلفة أكمل حق الكفرات ؟ ... قلت .. آسف .. سلفه مافي .. تبي مشاركة في الأجر ... على عيني وعلى راسي قال ... يا ابن الحلال عيب عليك سلفني مية قلت ... آسف اسلفك لو وصلنا .. لكن هنا مافي غير مشاركه ناظر فيني وقال : يا ابراهيم .. هالمشوار من يوم لبسنا الإحرام وانا اسأل الله ان يكتب أجره لأبوي الله يرحمه يا ابراهييييييييم .. ليه تستكثر علي اني ابر ابوي .. ولو بكفر .. ويش هالقسوة إللي فيك يا خوي ؟! سكت ... ولا قدرت انطق بكلمة وقلت ابشر ... تفضل .. ويكفي اني مشيت معاك وشلت بيدي .. الله يجزاك كل خير ركبنا السيارة ورجعنا .. والولد ساكت ولا فتح فمه بكلمة ... إلا وبعدين قال بصوت واطي خايف من خويي ترى ما عندنا نعطيك حق الكفرات ؟!! رد عليه خويي .. ولا يهمك .. اول ما تخلص مدرسة وتتخرج من الجامعه .. وتتوظف .. اول ما تأخذ اول راتب اعطيني فلوسي .... . ولو ما لقيتني اعطيها لأمك زين .. بس هاه علمني .. انت تصلي ولا ما تصلي .. ترى لو ما تصلي ما راح اخذ منك ريال واحد قال .. والله انا اصلي ... واسأل ابوي حتى .. رد عليه .. خلاص اتفقنا .. وسكتنا ... لين وصلنا سيارة ابوه يوم شافنا ابوه من بعيد ... ابتسم وجلس يدعي لنا .. لكن يوم شافنا ننزل في الكفرات ... قام يصارخ في ولده انت مجنون ؟... انا قلت لك اشتري كفرات .. من وين لنا الحين ؟ إلا والولد يقول .. يبه .. والله قلت له .. بس كلما اكلمه يقول لي .. اسكت .. انت امانه ... والأمانة ما تهرج .. تراني عصبي إلا وخويي .. يقول يا رجال .. كلنا تصير علينا ظروف .. بالذات في الطريق تصدق ... من يومين بس .. كنت انا وخويي هذا رايحين المدينة .. إلا وخلص البنزين لاهو كان معاه فلوس ولا انا ... كلنا نسينا نشيل فلوس كل واحد معتمد على الثاني ... ولولا الله ثم رجال الله يستر عليه وقف وعبى لنا بنزين ... واعطانا خمسين ريال احتياط كنا ورطنا .. مثلك بالضبط .. ثم نظر لي وسألني : مو صح يا ابوعبدالمجيد ؟ طالعت فيه وانا مستغرب !! ... قلت ايه صح وبعدين قال ... ولو جيتك في البيت ابيك تذبح لي اكبر خروف عندكم قال ابشر وتعال الحين عشاكم عندنا قلنا الأيام جايه إن شاء الله ... وركبنا السياره على طول ... بدون حتى ما نرد عليه سألته ... متى رحنا المدينة وخلص علينا البنزين وما كان معانا فلوس ؟؟؟ قال الله يغفر لي .. ويش تبيني اقول .. هذه صدقة عن ابوي الله يرحمه !!! ما حبيت احرجه قدام الأطفال قلت طيب .. كنت خليتنا نرفع له السيارة ونركب الكفر !!! قال ... هذي مشكلة اكبر .. ساعتها بيجلس يدعي لنا ... وكل الحريم في السيارة رايحين يسمعوا .. طيب ليه نحرجه ونجرحه؟ .. نمشي احسن ... ونسأل الله ان يتقبلها وان يرحم ابوي مشينا شويه ... وكان باقي على صلاة العشاء دقائق لقينا سيارة تبيع مويه وبسكوت وشاهي وقهوه ... وعندها شاحنات واقفه ... وكل واحد وضع له سجاده لجل يصلي عليها .. والبعض ما معاه أي سجاد ويصلي على التراب قلت لخويي خلينا نوقف ونصلي جماعه وقفنا ... وحطينا السجادتين إللي معانا بالعرض ... لجل يصلي عليها إللي ما معاهم سجاد .. بعد الصلاة ... إلا وخويي يسال البائع .. ما عندك سجاد للبيع ؟ قال ... لا قال ... ولا بساط عادي ؟ قال ما عندي قال خير إن شاء الله ركبنا السيارة ومشينا .. ويوم قربنا على كوبري الرايس .. (وهي قرية صغيرة على الخط ).. إلا وصاحبنا يهدي السرعه ويطلع الكوبري !! سألته خير ؟ قال ... خير قلت ادري .. بس ليش هديت ؟ قال .. عمل خير قلت ... وين عمل الخير ؟!... حنا في صحراء ما عندنا احد ؟!! .. لاتكون تبي تدخل الرايس ؟ قال ... لا قلت ... اجل وين عمل الخير ؟ ثم تلى قوله تعالى : ( وهدوا إلى الطيب من القول وهدوا إلى صراط الحميد ) وقال : اسأل الله أن نكون منهم بنرجع مستورة سألته ... ليش غلطانين في حساب الكفرات ؟ قال ... أي كفرات الله يهديك هذا الموضوع نسيناه .. سألته .. اجل ليش نرجع ؟ قال .. تسلفني واقول لك ؟ قلت .. اما هذه كثر منها .. سلف ما راح تشوف لو تطلع عيونك .. انا شريك رسمي ... وانت لك أجر الشيل سألني .. شيل .. ايش ؟ قلت ما ادري .. بس احس ان السالفه فيها شيل .. من الصبح وحنا نشيل ولله الحمد رغم اني ما ادري ويش السالفه .. بس إللي شفته اليوم ... يخليني متأكد إن شاء الله إنه خير قال يا ابراهيم .. انت مستكثر اني اسوي لأبوي خير ؟!! قلت ... انت مستكثر اني احط لأبوي نصيب مع ابوك !!! من طيب اخلاقي ... ومن كرمي باخلي السالفه بالنصف بين أبوي وابوك ... عاجبك ؟ .. ولا روح دور لك على مكينة تصرف منها فلوس .. ويمكن تلاقي ... ويمكن ما تلاقي ... بس علمني .. ويش السالفه ؟ قال بنرجع مستورة .. ونشتري سجادات كبار .. وبنحطهم وحده عند السيارة اللي شفناها .. والثانية .. عند السيارة إللي مثلها بس وانت رايح على جده .. والثالثة بنحطها في الأرض ... ونحط حولها احجار كبيرة لجل يبان ان هذا مكان مخصص للصلاة .. وبنشوف مكان يكون مرتفع وقريب من الخط .. قال رسول الله صلى الله عليه وسلم : (من بنى لله بيتا ولو قدر مفحص قطاة بنى الله له بيتا في الجنة ) رجعنا مستورة .. واشترينا ثلاث سجادات كبار .. وجمعنا حجار كبيرة ... لجل نحدد المسجد إللي نبي نسويه رحنا للسيارات الي تبيع على الخط .. واعطيناهم السجاد .. ومبلغ من المال ... لجل يفرشوا السجاد وقت الصلاة ويهتموا بيه ... وأشهدنا الله عليهم ... وكفى بالله شهيدا بعد كذا بدينا ننزل الحجار من السيارة ... واسمع صاحبي يقول آية وحده يكررها طول الوقت : ( ربنا اغفر لي ولوالدي وللمؤمنين يوم يقوم الحساب ) ( ربنا اغفر لي ولوالدي وللمؤمنين يوم يقوم الحساب ) ( ربنا اغفر لي ولوالدي وللمؤمنين يوم يقوم الحساب ) وما ان ركبنا السيارة إلا واسمعه يقول : اللهم إن كنت تعلم ان هذا العَرَق نزل على وجهي لوجهك الكريم ... فحرم وجه ابي على النار الله أكبر على مثل هذا الدعاء ... كم باقي بيننا من الناس مثل هذا الشاب !!! قلت وانا احاول اخفف عليه ما شاء الله عليك .. كل هذا في يوم واحد .. اكيد انك مرتاح انك أديت واجبك نحو ابوك الله يرحمه قال يا ابراهيم .. ما حارتاح إلا لما اشوفه بعيني يدخل الجنة . والله إني خايف عليه ... وخايف منه !!! استغربت .. قلت خايف عليه وفهمتها .. لكن خايف منه ؟ .. ليش ؟!!! تنهد تنهيدة طويله ثم قال كلام .. عمره ما خطر في بالي ابدا يقول : يوم القيامه الواحد في عرض حسنة .. ( يوم يفر المرء من أخيه وأمه وأبيه ) اخاف يجيبني يوم القيامة قدام رب العالمين ويقول : يارب ابني هذا انجبته ... وانفقت عليه .. واحسنت تربيته .. كم من ليالي سهرت عليه ... كم مرة حرمت نفسي لأجل اعطيه ... وعلمته القرآن .. وعلمته الصلاة .. وكنت اخذه من يده للمسجد .. وعلمته حق الوالدين ... وأنك أمرت ببرهما .. فلما مت ما برني .. ولا أدى حقي .. ولا دعى لي .. فاقتص لي منه .. وأعطني من حسناته .. واطرح عليه سيئاتي ساعتها ... ويش اسوي .. ؟ وين اروح ... ؟ من مين أفر .. ؟ من أبي .. ؟ ام من رب العالمين .. ؟ أين المفر ؟؟؟؟؟؟؟؟؟؟؟ ثم بكى وانتحب وقرأ : ( يقول الإنسان يومئذ أين المفر * كلا لا وزر * إلى ربك يومئذ المستقر ) *** ختاما لو لك أب أو أم ميتين ... هل لك أن تتخيلهم تحت التراب .. في داخل اللحد وهم في حاجة ماسة إلى صالح دعاك . . فيرفع عنهم .. أو يزيد من نعيمهم قل يا أخي : ( رب ارحمهما كما ربياني صغيرا ) قووووووول .. ولو في سرك .. إن ربك لذو فضل عظيم قوووووول .. وربك كريم وإن كانوا أحياء ... فكل متع الدنيا ما تسوى .. لو خرجت من صدر أمك كلمة آه .. وأنت السبب فيها لو كلمتهم في الصباح .. كلمهم في المساء .. لا تقول فترة طويلة .. ما لحقت اشتاق لهم .. يمكن هم يا أخي إشتاقوا لك بالله ... ويش تسوى الحياة .. بدون سعادة أمي وابي ؟ لا تنتظروا الأيام تعلمكم ... لأن الثمن حيكون غالي جدا آية عظيمة أفر إلى قدم أمي ... لأنشد الجنة كلما قرأتها ( أيطمع كل أمرئ منهم أن يدخل جنة نعيم * كلا إنا خلقناهم مما يعلمون ) اللهم جازه خير الجزاء وبارك في عمله واغفر له ولوالديه ووالدينا وجميع المسلمين الأحياء منهم والميتين ــــــــــــــــــــــــ |
|
|
|
21-06-09, 12:48 AM
|
#2 | |
|
إداري سابق
|
اختى الفاضله الله يجزاك خير ويكتب اجرك على النقل المفيد
اللهم جازه خير الجزاء وبارك في عمله واغفر له ولوالديه ووالدينا وجميع المسلمين الأحياء منهم والميتين خالص التحيه |
|
|
|
|
21-06-09, 01:35 AM
|
#3 | |
|
عــضــو
|
ابن بصيص (الكخ) مشكور اخووي على مرورك يعطيك الف عافيه |
|
|
|
|
21-06-09, 02:24 AM
|
#4 | |
|
شـــــاعر
|
اختى الفاضله الله يجزاك خير ويكتب اجرك على النقل المفيد
|
|
|
|
|
21-06-09, 10:44 AM
|
#5 | |
|
إداري سابق
|
اختي سحيميه ماتهاب جزاك الله خير الجزاء على ماكتبتي |
|
|
|
|
21-06-09, 12:21 PM
|
#6 | |
|
كـــاتــب
|
جزاك الله خير الجزاء على هذا النقل الرائع
اللهم جازه خير الجزاء وبارك في عمله واغفر له ولوالديه ووالدينا وجميع المسلمين الأحياء منهم والميتين |
|
|
|
|
|
|
 |
 |
 |
العرض العادي
