(((( عتاب لأحد الاصحاب ))))

بسم الله الرحمن الرحيم
السلام عليكم ورحمة الله وبركاته
هذه قصيدة جديدة بعنوان (( عتاب لأحد الاصحاب ))
آمل أن تحوز على رضا الجميع في هذا الصرح الشامخ
ملتقى قبيلة حرب وأعتذر عن طول الغياب يالوافين,,,,

يا لصاحب اللي خذاك إبليس في كمّه=أركد ولا تنجرف يا طيـر حورانـي
وأبحث عن الحق لا تخطيه وتخمّـه=ترى الركاده لها عند العرب شانـي
وإن جاك نمام ينقل لك ولـو نمّـه=فقل أسترح لين أشوف العلم يا فلاني
لو كان لـلآش لا خالـه ولا عمّـه=ولا نتب عن الحق يا رجال عمياني
الحق يا صاحبي فـي ذمتـي ذمّـه=ما يجهله غير من يغويـه شيطانـي
أمّا من الأنـس وألا الجـن يختمّـه=ويحط له بالردى منهـج وعنوانـي
لكن بعطيـك رأيـي كـان بتضمّـه=جنّب عن اللآش لا يلحقك نقصانـي
جنّب عن اللآش لا يا تيـك بمطمّـه=وتخسر مكانتك عند أطوال لأيمانـي
وخاو الذي خوّتـه ترقيـك للقمّـه=ترى الخوي يا فتى له دور وكدانـي
أمّا تعليـت وألا طحـت بـا لجمّـه=ومن طاح ما ينفعه ربـع ٍ وخلانـي
من طاح يا صاحبي كل ٍ ترى ذمّـه=يصبح هدف للبشر لأقصين والداني
هاذي نصيحة من اللي وضعك أيهمّه=سطرتها لجل عينـك يـا كحيلانـي
سطرتها وأبتدي الموضـوع وأتمّـه=من هاجس ٍ للمعانـي دوم طربانـي
يطرب لعز الصديق وللعـدو سِمّـه=سِم ٍ يعيق العـدو لا مـال عقبانـي
أكويه قدم العـرب والنـاس ملتمّـه=ولا همّني من يشيل السيف شاما ني
سيفي صقيل ٍ يقص الرأس ويزمّـه=ويداوي الشره كـان إنـه تحدانـي
والصادق اللي يعد الصدق ما همّـه=قول الحقيقة يعدّه ويـن مـا كانـي
وصلاة ربي على المبعـوث للأمّـه=محمد المصطفى من نسـل عدنانـي

صح الله لسانك ملايين
والحمد لله على عودتك
لاهنت يالذيب
قصيده جزله من رجال جزل
بيض الله وجهك

صح لسانك وعلا شانك
والله يعطيك العافيه على القصيده الجزله
بيض الله وجهك ومن طول الغيبات جاب الغنايم
والحمد لله ابوسياف دايم يطمنا عليك
يالله حيه بالغالي

صح الله لسانك ملايين

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

صح لسانك

وسلم بنانك

صح الله لسانك

ولاهنت

وسلم فكرك وبنانك

دمت برعاية الله وحفظة

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

صح لسانك على هالرائعه

بيض الله وجهك