محاورة الشاعر منور فضي المعمري والشاعر ناصر الشميلاني

منور فضي المعمري

سـلام ردّه مـن طناخـة راس فارضـهـا افـتـراض
للمنتـدى وأعضـاه وضيوفـه بحسـب وصولهـا
تعال ياجنيه الشعر مالي على الاسم اعتراض
لـكــن فــيــه مـلاحـظــه وحــــده لــــزوم اقـولـهــا

ناصر الشميلاني

يامرحبابـك مـن ضميـرٍ مـن بدايـتـك استـهـاض
عنـي وعــن ربــعٍ عـلـى المـاقـف تـحـث خيولـهـا
إشرب نهر واسبح بحر والضاميه ترد الحياض
وملاحـظـتـك ان قلـتـهـا تـبـشـر بـكــل حـلـولـهـا

منور فضي المعمري

الـلــي يـعـرفـك بالـمـديـنـة مـايـعـرفـك بـالـريــاض
حـتــى سفـيـنـة نـــوح دورنـــاك مـانـتـه حـولـهـا
ياصاحبي ناصر ترى عندي على العلم احتفاض
وانــــا ادري انــــك قــدهــا وتـقـولـهـا وتـطـولـهــا

ناصر الشميلاني

انـتـه ركـبـت الـبـاخـره وانـــت بـدويــاً بالـفـيـاض
وانـــا تـرانــي عــفــت مــــن ركـابـهــا ومـاسـولـهـا
كان احتفظت فجوج الارض لمن بغا المسرا عراض
وان ضقت ماضيّقت الارض بعرضهـا مـع طولهـا

منور فضي المعمري

اليا انتفضنا المرجلة تبغا مواقـف وانتفـاض
والـنـاس تـعـرف ياوسـيـع المعـرفـة بفعـولـهـا
اطلع على الاجواء وتلقى جاذبيه وانخفاض
والله يبـارك بالجمـال اللـي تشـيـل احمولـهـا

ناصر الشميلاني

بالماقف الغصاب وجهي مايحوش الا البياض
ولا اظن تنسى الوقفه الـي ماانتهـى مفعولهـا
تـرى الحقيقـه مثـل بــرّاق المخيـلـه يــوم نــاض
وانكـان ابـو ياسـر معـه ذمّــه يـقـول اوصولـهـا

منور فضي المعمري

قدم على ارض وقرض كان البنك احل الاقتراض
والنـاس ماتكسـب رضـاهـا لــو تبـعـت ميولـهـا
صـادق ليـا قلـت المخيلـه خيلّـت والسيـل فـاض
مـــن الـبـحـر لـيــن الـبـحـر كـــلاً يـعــد اسيولها

ناصر الشميلاني

بنيـاً بـلا سيسـان يامنـور سـريـع الانقـضـاض
والـنــاس اخاطـبـهـا واعامـلـهـا بــقــد عـقـولـهـا
كانك سلمت من الخطر من درسك اخذ الاتعاض
تــــرا الـمـخـايــل مـاتــهــل الا الــبـــرد بـثـعـولـهـا


دائماً مشرف يابوياسر والله يبيض وجهك

ومااقول الا صح لسانك واعتلاء شانك .

شكرا على النقل
اسمه منور فضي
صحت السنتهم

اخي سلمان
كما وضح الطالب
مشكور على النقل

اشكركم على التنويه

وجل من لا يسهو