اعماس كيف ولا بهاراً بثومي

السلام عليكم ورحمة الله وبركاته
اسعد الله جميع اوقاتكم
مشاركة متواضعه امل ان تنال رضاكم

عقب العساسه عن هاك الدرب خيرت= اعماس كيف ولا بهاراً بثومي
اليابغيت امشي على الدرب نورت=وعرفت وش قدمي بليلا ً كتومي
واليا عرفت اللي على الدرب واسفرت=وقريت لوحاته وشفت الرقومي
اما معه سافرت ما عاد شاورت=والا جلست ولا السفر بمحتومي
اوشفت اخيراً منه غيره وغيرت=حتى لو اني كد دفعت الرسومي
ارجع مدامي غادياً لو تخسرت=والعرف نوب من الخسارة يقومي
ولصافي الرفقه من الناس دورت=شبلاً سنافياً حكيماً فهومي
لن جيت له سرك ولن جاك سررت=عندك حشيماً وانت منه محشومي
بمرافقه كنك لحاجتك وفرت=اصفى ذهب واغلاه عما عمومي
دامه حزامك لشواهيق شهرت=حراً ولد حراً حريراً سمومي
ما هو الذي لا قست عقله وعايرت=لقيت مسكيناً لنفسه يزومي
الرجل لا ما اوحيت قوله وفسرت=الثوب ما ماليه غير الجرومي
لا تنخدع بجروم ناساً تكابرت=نوب ترى الجوهر يصير معدومي
ماكل من شفته لعنتر تصورت=قبل الدلايل لا تصدر احكومي
لا تقول وانت من الزلل ما تحذرت=تصبح على قولك وعلمك ندومي
تراك لا ما اثبت قولك وبررت=فتحت باباً للخطا والخصومي
ورجعتك ما هي هينه لا توعرت=ولو احصلت ماهي على ما ترومي
وش عاد لاونك عقب جيت غادرت=لأفضل انك ما تجي بك وهومي

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة ابومشعاب الحربي

	صح لسانك كلماتك غايه في الروعه أحييك على هذا البوح المتميز دمت ودام شعرك وبوحك

صحت بدنك
وكتملت روعة القصيده بمرورك الكريم

احييك واحيي مرورك المشرف

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ملايين
وشكرلك حضورك المستمر والمتميز والمشرف
وبيض الله وجهك

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

راعي الحناكيه

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

الشاعر عامر الحربي

صح لسانك
قصيده جميله ووافيه من وافي

مِــدادكَـ .. غـشـاهـا .. الـ صـدق ..


وأحـاطـهـا .. الـ نـقــاء !!


صـ لسـانـكـ ـح ..

صح السانك ولاهنت



قصيده رائعه من رائع

لك تحياتي