فريد ابومديدة = قابل البشري

11-02-10, 05:20 PM

تقابلت مع الاخ العزيز فريد ابومديدة في حفل الاخ سامر المولد

في ثول 00ثم بعد ايام وجه لي بدع في منتدى ينبع المستقبل

اليكم مادار 00

فريد=

بعد إجتمعنا أنا و إياك=في ليلة الانس و المغنا
سلام شامل هنا و هناك=للكل و اللي حضر معنا
قابل=
يوم السعد يوم قابلنـاك=ومع مثلك الحظ جمعنا
ترحيب مده وفا ينصاك=نبديه والكـل يسمعنـا
فريد=
ليا الشرف التقي بشرواك=ياشاعر القيل و المعنـى
تبقى و عندي أمر يعناك=و إنت بهذا الامر تُعنـا
قابل=
العفو وانت الوفا مبداك=دايم علـى ماتوقعنـا
وانايميني على يمناك=بيّن لنا العلم واطلعنـا
فريد=
بين الهدب و العيون عـراك=و الوضع خالـف مطامعنـا
مدري السبب من هذاك و ذاك=و الا السبـب مـن مدامعنـا
قابل=
ماظن مضمونها يخفاك=لومن شقاكـم تلوعنـا
انت ألمها غزاك وجاك=ابحث سببها وراجعنـا
فريد=
وآ قلبي اللي عليـه شبـاك=سهم الآسى صاب و أوجعنا
حتى وقعنا في نشب و شراك=و من كاس الامرار جرعنـا
قابل=
اثبت ولايختلف ممشاك=ولاتقول زادت مواجعنا
حتى يجي للعقد فكاك =واللي عصانا يطاوعنا

11-02-10, 05:43 PM

صح الله السنتكم وادام عزكم وبيانكم محاورة رائعة من شعراء رائعين بيض الله وجيهكم
تقديري واحترامي للجميع

11-02-10, 06:45 PM

الاخ القديرقابل البشري والاخ فريدابومديده

صحت السنتكم وبيض الله وجيهكم

محاوره من بدع وايضا رد في قمة الجمال والروعه

تقبل تحياتي وتقديري

11-02-10, 08:07 PM

الاخ القديرقابل البشري والاخ فريدابومديده

صحت السنتكم وبيض الله وجيهكم

محاوره من بدع وايضا رد في قمة الجمال والروعه

11-02-10, 09:02 PM

دكتور ياقابل
صحت السنتكم
والله يـعـطـيـكم الـعـافيـــــــــــة
بيض الله وجيهكم