اخذت انا من وقتنا عبرة

اخذت انا من وقتنا عبرة وباسوق العبر = اخذ عبر واعطي عبر مادمت في دنيا العبور
دارت بي الدنيا ومن دوراتها شفت القشر = دنيا تدور وكل كائن حي في الدنيا يدور
ان جيت اجاريها ولني مشتكي منها ضرر = ماهي على مانشتهي كل المعاني في حدور
مدري تدابير لبشر والا تصاريف الدهر = والا من الاثنين شفنا ذا التدني والقصور
تغيرت عاداتنا تغيرت كل السير = اللي فالاول زين صار اليوم مذموم محقور
حتى الرجال اللي من اول عندها بعد النظر = وتمحص المنطوق قبل يبين من وسط الصدور
اليوم راع المعرفة لوزاد عرفه محتقر = الهرج لاهل الثرثرة واللجلجة واهل الفجور
والياحضر وسط المجالس مايلاقي له قدر = ماعاد تصغي له اذان ولا احد ياخذ منه شور
لوجا يقدم مامعه قالوا تعدا ك القطر = حنا في طور وعلمك الي تذكره عنا في طور
وانت لياشفته تقول الله ياليته ماحضر = يهين نفسه بين ناس ماتفرق فالحضور
اول لياجا العارفة قا لوا حضرراس الخبر = الياحضر ماله معارض في تصاريف الامور
كان انتهى وقت القوايد وقتنا وقت الجبر = البومة الصقعا تغرد واختفى صوت الصقور
هذا وحنا مجتمعنا ماشكى جور الفقر = ينعم بخيراته ولا يشكي عنا والا عسور
يوم المجاعة في مجالسنا يجي طيب السمر = وايامنا رغم البساطة كلها افراح وسرور
تزاوجوا تراحموا يوم المخافة والخطر = ماهمهم بني البيوت ولا تكاليف المهور
واليوم زاد الخير راح الخوف والامن استقر = والناس تمشي مع بعضها فالبراري والبحور
لكن خلك مع رفيقك طول وقتك في حذر = اليوم خوفك من قريبك يبتليك بفعل زور
راح الوداد وفي وجيه الناس قد بان الكدر = ماعاد يضحك لك صديق ولا في بيتك لك يزور
وان كان عندك وقت ازيد اعطيك بيت من الشعر = صاحبك لاباين لزومك عن لوازمك معذور
اليا انكسر عظمك ترى عند العرب ماله جبر = ان مافزع لك ربك المعبود تذبحك الكسور
ذي ناحية والناحية الاخرى هي ادهى وامر = اقوال واعمال (ن) تسوى تغضب الرب الغفور
احد يسويها غبا واحد يسويها جهر = والوازع الديني يبين ماوراها من خطور
هذي تراها حال هذا الوقت مامنها مفر = وان قالو اثبت عندي الاثبات والعلم مخبور
يالله تحمانا من اعمال تودينا سقر = وتعيذنا باسمك من اعمال المعاصي والشرور
يارب تهدينا على طاعتك في طول العمر= وتعيذنا من فعل يرمينا على ويل وثبور
والخاتمة ادب ولدك وعلمه وقت الصغر = واحرص عليه من الدروب اللي توديه الشرور
اليا بنيته في الصغر ينفعك في حال الكبر = واجب عليك التربيه خلك على طفلك غيور
احرص عليه من الشلل واحرص عليه من السهر= ولياظهر من بيتك اعرف ماهي اسباب الظهور
وعلمه باللي يضر وعلمه باللي يسر = حرصك على التعليم واجب مثل تقديم الفطور
عن واجب الاولاد يالوالد ترى مالك عذر = ابذل لهم كل الجهد لاتغرك الدنيا الغرور
الياعنيته بالرعاية لا كبر شد الظهر = كل الحمول يشيلها وانت مريح ومعذور
الي زرع له زرع دايم يرتجي منه الثمر= لكن تكاليف الزراعة باهضة خلك صبور
الياعملت الي عليك ا بشر ترى دربك خضر = مريحا بالك ومن حولك تجارة ماتبور
وختم الكلام اقول صلى الله على سيد البشر= اعداد نبت العشب واللي فيه من طيب الزهور

الشيخ والشاعر الكبير

حسين مريع العبيدي

صح لسانك وعتلا شانك

شاعر كبير وجزل بمى تعنيه الكلمه

نص رااااااااااائع وهادف للغايه

هنا الشعر الجزل هنا بعد النظره

بيض الله وجهك

قصيده مميزه

الشيخ
الشاعر مريع العبيدي
صح لسانك مليون على الدره الثمينه
الف شكر على ايرادها لاهنت

الــــــي زرع لــــــه زرع دايــــــم يــرتــجــي مـــنــــه الــثــمـــر
لــكـــن تـكـالـيــف الــزراعـــة بـاهــضــة خــلـــك صــبـــور

صح لسـآنك وبيض الله وجهـك دمت مبدعـآ

	المشاركة الأصلية كتبت بواسطة سعد المحمدي

	الشيخ والشاعر الكبير حسين مريع العبيدي صح لسانك وعتلا شانك شاعر كبير وجزل بمى تعنيه الكلمه نص رااااااااااائع وهادف للغايه هنا الشعر الجزل هنا بعد النظره بيض الله وجهك قصيده مميزه

اخوي العزيز وشاعرنا العلم سعد المحمدي حياك الله
الشعر هونظمكم والجزالة والابداع ديدنكم ولا اخذنا زودعنكم
اخي كم شمخت هذه المتواضعة بمروركم
اشكركم على مروركم المشرف وشهادتكم وساما على صدري
تقبل خالص ودي وعظيم تقديري

	المشاركة الأصلية كتبت بواسطة الحيادي

	الشيخ الشاعر مريع العبيدي صح لسانك مليون على الدره الثمينه الف شكر على ايرادها لاهنت

حياك الله اخوي
صح بدنك وطال عمرك
الشكر لك اخوي على مرورك الذي اضاف عليها جمالا
تقبل خالص التقدير والاحترام

	المشاركة الأصلية كتبت بواسطة راعي الطويسه

	الــــــي زرع لــــــه زرع دايــــــم يــرتــجــي مـــنــــه الــثــمـــر لــكـــن تـكـالـيــف الــزراعـــة بـاهــضــة خــلـــك صــبـــور صح لسـآنك وبيض الله وجهـك دمت مبدعـآ

حياك الله اخوي
صح بدنك وطال عمرك ووجهك ابيض
تقبل الود والتقدير

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك
كلام جميل
الله يعطيك العافيه
/
\

رابح الجحدلي حياك الله
مرورك شرف كبير لي
صح بدنك وطال عمرك
تحياتي وتقديري