دنيا ولا عمر امنها مستتبي - ولا دام فيها عز حتى الفراعين !!

السلام عليكم ورحمة الله وبركاته ..

مما بالخاطر ;; ولاتواخذوني ترى احيان اشطح ..

يانار في قلبي والاضلاع شبي=ولاعاد ياناري بصدري تخفين
تراي لرجوم الفنا قمت اذبي=تالي زماني والمخاليق لاهين
على شريط الشات والا بـ (( ببي=والا سباق ازين حفيدة بعارين
ياللعجب ياويل قلب المحبي=عقب العذارى صارن البل مزايين
والا قصيدة ياغرامي وحبي =والشاعر المغرور راع الدواوين
ومداح راع المال واخر يسبي =ومجاوب القمري على حب نادين
عن جيلنا التالي يغيب المربي =واجدادنا كانوا على العز رابين
والوقت مما به تغير لعبي =ولدري على وين المخاليق ماشين
لكنهم وان طولوا فــ (.....)=دارين والا ياهل العرف ساهين
هبي على مجراك يانفس هبي =لاتذخرين الجهد بالعسر واللين
من قبل ذعري بالضماير يدبي =واروح يم شهار بين المجانين
واسرح وجني ناقله وسط عبي =واضوي غريب ولابراسي مضامين
علي ياوقت العنا وش تخبي =واللي قريته بس روس العناوين
رحمتك يامن له عباده تلبي =في موقعن به واقعه حرب حطين
منك الفرج والا رياحن تهبي =على ثيابن لابستها شياطين
من بعد كانت للمباهر تربي =اليوم صارت في صدور الدواوين
لرزاق خلق الله جَـهدها تلبي= لو انهم فقرا ضعوف ومساكين
واهل الكروش بمليها والتعبي =مافاد فيها جريها والتمارين
شرهاتنا لامن لحقها تهبي =معها تزايد بارصدتها ملايين
واللافي اعلم عن دواعيه ربي=لكن عليه ارجيه لاقدر يعين
بيدين اراذلها دخلنا بغبي =وعقب المعزه صيروونا ذليلين
والزيت فوق النار دايم تصبي= والتفرقه سلمن جرى بالقديمين
لاشك تب لما صنعتي وتبي =ماهي على يافاجره ماتريدين
بالمقبلات ان عاصرتنا تنبي =واصدق نبا ماهو تخيّل وتخمين
ولاتفيد اللفلفه والتخبي =يالدايره لازم عليهم تدورين
اللي على بي ام عودي وعشبي =يرجع على ددسن ثلاث وثمانين
والا على حقن من الهجن ركبي =واليا اغتنـا زوّد سنامه سنامين
واهل القصور لعفشها تا تضبي = و تنكس على بيت الشعر وام قرنين
مير الرجا بالله وغيره نكبي= من دونكم حنا بربي غنيين
ياهرش ياللي للهداوي تكبي =اما تكلم زين والا اترك الدين
والا تبا فيها براسك تطبي =جهنم الحمرا جزى المستحقين
الدار يا اهل الدار قشرن ولبي =ملطوشتن من عام واحد وخمسين
لكنها وان طولت بالتغبي =شمس اغربت لابد ماباكر تبين
دنيا ولا عمر امنها مستتبي= ولادام فيها عز حتى الفراعين
مير المنى كل المنى لو تشبي =نطلع وحنا من عطبها سليمين

"

"

أطيب الأوقات ..

"

الله الله الله الله

صح السانك وأعتلا شانك يابدر الهبيري قصيده رائعه رائعه رائعه

لي عوده لقرأتها أكثر من مره

لاهنت ولاهان حضورك الراقي

ألاخ العزيز/ بدر

صح لسانك و بيض الله وجهك

قصيده راقية برقي فكرك و حضورك الجميل

و الله يعطيك العافية وبارك الله فيك ولك مني كل الاحترام والتقدير

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة فهد مطلق السليمي

	الله الله الله الله صح السانك وأعتلا شانك يابدر الهبيري قصيده رائعه رائعه رائعه لي عوده لقرأتها أكثر من مره لاهنت ولاهان حضورك الراقي

شاعرنا فهدالسليمي ..
ياهلا وحياك الله يالغالي , صح بدنك واشكرك
على ردك وثنائك .. صح بدنك ويامرحبا بك بأي وقت ..
ولا انت وعساك سالم وغانم ..

الشاعر
بدر الهبيري
صح لسانك على القصيده الجزله
والجزاله ماهي غريبه عليك
تحياتي وتقديري

صح لسانك يابدر

صح لسانك




ابدااااااااااااااااااع




تقبل خالص الود يا غالي

ابن عباس اليوبي ..

هلابك اخوي وحياك الله وصح بدنك ..

اشكرك على الحضور ..

	المشاركة الأصلية كتبت بواسطة بدرالهبيري

	السلام عليكم ورحمة الله وبركاته .. مما بالخاطر ;; ولاتواخذوني ترى احيان اشطح .. يانار في قلبي والاضلاع شبي=ولاعاد ياناري بصدري تخفين تراي لرجوم الفنا قمت اذبي=تالي زماني والمخاليق لاهين على شريط الشات والا بـ (( ببي=والا سباق ازين حفيدة بعارين ياللعجب ياويل قلب المحبي=عقب العذارى صارن البل مزايين والا قصيدة ياغرامي وحبي =والشاعر المغرور راع الدواوين ومداح راع المال واخر يسبي =ومجاوب القمري على حب نادين عن جيلنا التالي يغيب المربي =واجدادنا كانوا على العز رابين والوقت مما به تغير لعبي =ولدري على وين المخاليق ماشين لكنهم وان طولوا فــ (.....)=دارين والا ياهل العرف ساهين هبي على مجراك يانفس هبي =لاتذخرين الجهد بالعسر واللين من قبل ذعري بالضماير يدبي =واروح يم شهار بين المجانين واسرح وجني ناقله وسط عبي =واضوي غريب ولابراسي مضامين علي ياوقت العنا وش تخبي =واللي قريته بس روس العناوين رحمتك يامن له عباده تلبي =في موقعن به واقعه حرب حطين منك الفرج والا رياحن تهبي =على ثيابن لابستها شياطين من بعد كانت للمباهر تربي =اليوم صارت في صدور الدواوين لرزاق خلق الله جَـهدها تلبي= لو انهم فقرا ضعوف ومساكين واهل الكروش بمليها والتعبي =مافاد فيها جريها والتمارين شرهاتنا لامن لحقها تهبي =معها تزايد بارصدتها ملايين واللافي اعلم عن دواعيه ربي=لكن عليه ارجيه لاقدر يعين بيدين اراذلها دخلنا بغبي =وعقب المعزه صيروونا ذليلين والزيت فوق النار دايم تصبي= والتفرقه سلمن جرى بالقديمين لاشك تب لما صنعتي وتبي =ماهي على يافاجره ماتريدين بالمقبلات ان عاصرتنا تنبي =واصدق نبا ماهو تخيّل وتخمين ولاتفيد اللفلفه والتخبي =يالدايره لازم عليهم تدورين اللي على بي ام عودي وعشبي =يرجع على ددسن ثلاث وثمانين والا على حقن من الهجن ركبي =واليا اغتنـا زوّد سنامه سنامين واهل القصور لعفشها تا تضبي = و تنكس على بيت الشعر وام قرنين مير الرجا بالله وغيره نكبي= من دونكم حنا بربي غنيين ياهرش ياللي للهداوي تكبي =اما تكلم زين والا اترك الدين والا تبا فيها براسك تطبي =جهنم الحمرا جزى المستحقين الدار يا اهل الدار قشرن ولبي =ملطوشتن من عام واحد وخمسين لكنها وان طولت بالتغبي =شمس اغربت لابد ماباكر تبين دنيا ولا عمر امنها مستتبي= ولادام فيها عز حتى الفراعين مير المنى كل المنى لو تشبي =نطلع وحنا من عطبها سليمين " " أطيب الأوقات .. "

بدربن عيدالهبيري..المفاجأة الساره..لهذا اليوم

اشتقت اليك كثيرا ايه الشهم النبيل والشاعرالحكيم..

قد يعتقد من يقرأ شعرهذا اليدرالحربي أنه لمكتهل تشبع

بتجارب السنين..رغم أنه لازال في ربيع العمر..والشعراء

الشباب كثر..وهم مثقفون ومتعلمون ولكن بدربن عيد

يتميز على هؤلاء بحكمة الشيوخ والتي لايملكها كل مثقف..

والحكمة وليدة التجربه من المواقف الا ان بدر قطفها ممن

حوله وممن يجالسهم..ويمكن معرفة قرنائه من خلال شعره..

لله انت يابدر..فكم هو الفارق شاشع بينك وبين شعراء جيلك

فهم يتخيلون أنهم صرعى الطرف..وانت تمارس المكارم ولا

تخل بالعرف..حفظك الله دائما والسلام..