قصيدة لاحد الاسرى في امريكا

بسم الله الرحمن الرحيم"..

السلام عليكم ورحمة الله وبركاته .....

حبيت انقل هذه القصيده المؤثره واتمنى لكل من يقرأها ان يدعو لكل اسير .......

اللهم فرج كربة المكروبين اللهم احفظ اسرانا في كل مكان ...................

هذه القصيدة لاخونا في الله / نايف اليوسف

( نسأل الله العلي القدير أن يعجل بفك أسره )

المسجون بسجن / لايمون .... بولاية : كلورادو الأمريكية " منذ اكثر من ست سنوات "

..كتب هذه القصيدة المبكية لشدة شوقه ولهفته على والدته المكلومه ..

والتي تنتظر عودته لها بفارغ الصبر

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

سادس سنه في ديرة الغرب مسجون

سجن الغثى والبهذله والأذيه

سجانهم قلبه من الكره مشحون

عنده حياتي أو مماتي سوية

هذا رمضان أقبل وأنا فيه محزون

يارب هون مشكلاتي عليه

وسط السجن مابه معي من يصومون!!

مسلم ومن حولي وجيه أجنبيه!!

دايم حزين وضايق الصدر مغبون

مليت من جو السجن والأسيه

يمه كفاية وقت الأفطار تبكون!

تبون نايف مالكم مقدريه

ودي يايمه بينكم بس وشلون!!

ودي بتمره من يدينك هنيه!!

يمه فطوري خالي الطعم واللون!

مشتاق للمرقوق والمحلبية

مشتاق للمسجد مع اللي يصلون!!

أصلي الأوقات صبح وعشيه!!

ودي معي في ليلة القدر تدعون

يفك قيد اللي حياته شقيه!

يالله يارحمان ياخالق الكون!!

تغفر لعبدك كل ذنب وخطيه

وصيتي تكفون لامت مدفون!!

في دار أبومتعب ديار الحمية
"..نسأل الله يفرّج كربته وان يفرح نظرته برجعته للوطن واهله ..!!
وجميع أسرى المسلمين ....

تكفون لا تنسونهم من دعواتكم..


منقوووووووووووول
من مواضيعه في المنتدى

صح لسانه ... ومشكور على النقل


و أسال الله أن يفك أسره و جميع أسراء المسلمين المضطهدين في معتقل غوانتامو

و غيرها ... و أن يردهم إلى ذويهم سالمين غانمين

الله يفك اسره واسر كل مظلوم مسجون

ويصبره ويصبر امه ويرجعه لهله سالم يارب

اشكرك اخوي على مشاعرك الانسانيه تجاه اخواننا المظلومين

شكرا لك اخوي على النقل
والله بصراحه قصيدة موثرة الله يفك أسره واسر كل مسلم

\
/
ودي يايمه بينكم بس وشلون!!
الله يفرج عنهم ويفكـ أسرهم
\
/

الله يفك اسره


واسرا جميع المسلمين