شكر وتقدير للأستاذ / صالح الصالحي الحربي " ابو عبد الرحمن"

مساء الخير ... مناسبة هذهـ القصيدهـ هي شكر خاص للأستاذ / صالح الصالحي الحربي " معلم في مدينة بريدهـ " على طيبه الذي غمرني به
واعود اليكم بهذا النص الذي اتمنى ان ينال على إستحسانكم فـ الشعور احيان
يكون اكبر من التعبير بالشعر .

ياهاجسي رتب من القيل ترتيب = ترتيب قيفان عليها العلامي
فيها الدّرر وسط القوافي تراتيب = براع الوفا نجل الرجال الحشامي
صالح سليل المجد راع المواجيب = دين وفا ومحنكٍ بالكلامي
مشكور ياراع النقا والتراحيب = مشكور ياقرٍ م على العز دامي
ياراعي النحوه حصان الاطاليب = ياراعي البيضا طويل الكمامي
انته سليل العز عطب المضاريب =قرمٍ فعولك كلها بالسنامي
تقول وتفعل والهقاوي بك تصيب = ياطيّب فعله على الطيب سامي
غمرتني بالطيب ياراعي الطيب = بالفعل ماهو بالوعد والكلامي
لانك من اللي ينطحون الاصاعيب = قرمٍ معرّب بين خال وعمامي
خليتني اشرب من احلا المشاريب = من عقب ماجوي كتام وعسامي
والطيب وهبه من كبار المواهيب = والله وهبك الطيب يابن الكرامي
واسلم وسلم لي على راعي الطيب = عبد الله اللي باللوازم حزامي
اثنينكم عندي من اغلى الاصاحيب = الشاهد الله يارفيع المقامي
وهذي شعوري صغتها بالاساليب = واقبل سلامي والشكر واحترامي

وسلامتكم / اخوكم : بدر القويضي العياضي

الأخ بدر القويضي العياضي

بيض الله وجهك وصح لسانك

يستاهل الطيب الذكر الطيب ويعطيك العافيه على الأشاده بأفعال الطيبين ومواقفهم المشرفه

تقبل اجمل التحايا

ودمت بخير

الله الله عليك

صح لسانك


قصيده رائعه وتستحق الاعجاب من شاعر متمكن


لاهنت


تقبل تحياتي

,
,
,

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

صح السانك يالشاعر المبدع

قصيده من عيون الشعر


هذه الجزاله بعينها


سجل متابعتي


ولك سلامي

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي