(اسم الشاعر موجود في القصيده ولاكن يحتاج شوية ترررررررركيز)

اعرض لكم هذه المساجله القديمه وهي اول قصيده اوجهها لشاعر من كبار شعراء قبيلة حرب
وهو الشاعر القدير :( ربيع عريمان الحربي )الذي استفت منه الكثيركما استفاد منه الكثيرين.
وسبب هذه القصيده
لأيقاف مساجله بين الشاعر :ربيع الحربي
وشاعر اخر (ورد اسمه في القصيد ولاااااااااااكن يحتاج لتركيزاكثر فالقصيده لمعرفته) كما ارفق لكم رد الشاعر على القصيده,,,,,

سر ياقلم واكتب حسينات الأشعار=والبيت لاينقص وحذرا يزودي
لك بصمةً(ن) تبقى مع الناس تذكار=تذكار لشعار وحفظ العهودي
ياراكب اللي تشبه الطير لاطار=من المطار مزوده بالوقودي
من مصنع الكفار وانتاج كفار= والي تفنن فاالقياده سعودي
اخذ السلام وبلغه يابن الاخيار=وده لبو خالد عريب الجدودي
نعم الرفيق وعز لضيف والجار=لاجى نهار(ن) فيه قدح الزنودي
خاله وابوه احرار من ماكر احرار= والحر في نسب الحرار معدودي
بنشدك عن جمع (ن) مايقبل تغيار=اعداد تبدى مثل عد النقودي
للي يغير جمعها اقل مقدار=ليا حظر كنه عديم الوجودي
لاوالله الا جاتنا بعض الأخبار=لبنان خانوها حمات الحدودي
تجاهلو ياشعب لبنان ماصار=انتم عرب منتم سوات اليهودي
بكره يجي واحد من الشعب غدار= ياكثر من يضحك وقلبه حقودي
الي غلط ماتنفعه بعض الأعذار=فعل الخطا محد(ن) عليه محدودي
رجوا اجتماع القمه لوظع الأشوار=يعلن جزاه لكل واحد جحودي
يشوف البروق شعيل ويلد الأنظار=لاكن مايسري وفيه القيودي
هذي نتيجة فورت الدم لافار=يانعنبوقلبٍ بدمه رقودي

رد الشاعر الكبير: ربيع عريمان الحربي

سر ياقلم واكتب حسينات الأثمار= اثمار ورد الشعر من غير عودي
بالحب سجلها على حرف الأسطار=من دم قلبي سجلتها جهودي
فيها السلام الي كما در الأبكار=اليا رعت عشب النفل بالنفودي
وده لشبل النمر في دار الأنمار=مع التحيه سلموه الردودي
على الدلال الي بها بن وبهار=في مجلسٍ ماصك قدم الريودي
من عقيها كبشٍ تشوفه على النار= ماقال والله ماتجيبه جهودي
في دار ابو فواز مافيه معذار=اسد ربى في عرينه أسودي
قالو شعر فواز به لد الأنظار=من فرحتي بش العرق في خدودي
وسهرت اناظر فيه لاحد الأسحار=حتى ظحاح الصبح جاله عمودي
ناشي وفكره من حسينات الأفكار=عقل وذكى عميت عيون الحسودي
جمع(ن) سألتم عنه محفوف باخطار=في وسط بير وقل عنه الورودي
من عقب مايقسم على سبعةأنهار=اليوم حارس راس ماله قعودي
خلك فهيم ولانبي كشف الأسرار=عن دار فيها مبرمات العقودي
راحو وراها قوم تسعين مشوار= وساس الخراب من الخراب مهدودي
ماباقي الا الصقر من ماكره طار=ناحر جبال فرست يم الهنودي
وحنا ترانا رجال والوقت جبار=لمالت السهله رقينا السنودي
ماهمنا لو قالو الوقت دوار= عشاق موت ولا علينا قيودي
صغارنا فالمعركه شر الاشرار= وكبارنا نار ورصاص وبارودي
ولانتابع الغلطه ولانقبل العار= ولانقول للماضي ياليتك تعودي
نبدي بحرف الطيب في راس مسبار= ولاجا الردى خنا جميع العهودي
فواز ابوك وجدكم واف الاشبار= علمبها الي يحسبنا رقودي
قله نحول في عميقات الابحار=وناصل لياهاب الردي والشرودي
من مات خلفه ربعتن تاخذ الثار=ومن عاش علمها صغار المهودي
فواز قدم طيب لو ربع قنطار=وابعد عن الحاسد ودار الحسودي
العلم خلا بالفضا وضع الأقمار=واهل الجلود ادور حول الجلودي
والهدهد انكر قال ماني بقبار=انكر سباء وايام عاد وثمودي
ياويلهم لابركن فوق الازوار= وجيب البعير الي يعظ البدودي
ياكم يمين تحط في راس شنكار=تقطع ليا وردو عليها الشهودي

تقبلو مني
صادق الوددددددددد والاحترام,,,

صوت وصدى


مليون صحة السنتكم

صحت السنتهم والله يعافيك على النقل الجميل

كل الشكر يافواز

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك مليارررررر وصح لسان البجر ابونمر ربيع

بدع ورد جزل من شعراء اهل الجزاله

وهذا الاسم اللى طلع معي يابو مراد

((( سليمان خبل لا تباريه ))

والله هذي اللي طلع معي يابو مراد

صحت السنتكم

قصائد جزله ومعبره


تحيتي

	المشاركة الأصلية كتبت بواسطة فايز المحيسن

	صح لسانك مليارررررر وصح لسان البجر ابونمر ربيع بدع ورد جزل من شعراء اهل الجزاله وهذا الاسم اللى طلع معي يابو مراد ((( سليمان خبل لا تباريه )) والله هذي اللي طلع معي يابو مراد

مافيك حيله يابو ماجد
ماشاالله عليك
الله يعطيك العافيه

اسعدني مروركم جميعاً
والله يعافيكم
وتقبلو فائق التحية والاحترام

صح السان كل من فواز والشاعر ربيع بن عريمان وننتظر جديدك
تقبل مروري

صحت السنتكم وسلمت قلوبكم
قصايد جزله من اهل الجزاله
ودي وتقديري