الجانب المشرق

السلام عليكم ورحمة الله وبركاته


الفكره بسيطه جدا وتهدف الى ابراز الجانب المشرق في ابداعات شعرائنا الكرام


متى ما وجدة قصيده او ابيات من القصيده لو حتى بيتا واحد ترى ان الشاعر ابدع به واتلى بفكره وصوره تستحق كلمة مبدع ما عليك الا طرحها بهذا المتصفح والتعليق عليها

ملاحظه مهمه

(يجب ان لا تطرح هنا الا الابيات التي تستحق الاشاده وهذا الامر يعكس ذوق الذي طرح الابيات فلنكون حريصين على تميز ذائقتنا)

ارجو من الاخوان التعاون فا انا قليل تواجد والنجاح يتطلب تفاعل وعمل جماعي

والاداره المرجو منها تثبيت الموضوع


تحياتي

اول الاختيارات قصيده لشاعر غازي الزغيبي

بعنوان ( الا يا هجوس القيل)

هذه من القصائد القويه ومعروف غازي الزغيبي با القوه في شعره

القصيده كلها جميله اعجبتني هذه الابيات

الا ياهجوس القيل عودي على العملاق=يبي عرضة الفلم الملون على الشاشه
تحت مجهر اللي فطنته وهبة الخـلاق=يصور هدفها فـي هواجيـس جياشـه

هنا منادات الهجوس التي دائما ما نجد الشعراء يناجونه وهنا مناداه وهناك فرق بين المنادى والمناجا

قد يكون المنادي لها اقدر من المناجي كونها تكون اطوع له


يبي عرضة الفلم الملون على الشاشه

هنا الابداع


في ان الهواجيس تعرض له فلما ملونا على شاشة خياله ويختار منها

تحت مجهر اللي فطنته وهبة الخـلاق

الفطنه الفطريه هي مجهر الشاعر وليس خبره ولا اكتسابا وهذا ابداع ايضا



يصور هدفها فـي هواجيـس جياشـه

في الشطر الاول عندما نادا الهواجيس وطاوعته اخذت تجوش في جاشه ومن هذا التزاحم الحاصل يلتقط لهدفه الصوره المناسبه التي يرى انها توصل رسالته بمقياس القوه التي يريد وابهامها عن ما لا يريد



ارى ان الشاعر ابدع بهذه الابيات وكل قصائده جميله ليس هذا الا اختيار من وجهة نظري الشخصيه

تحياتي

فكره رائعه اخي الباحث


هناك قصيده جميله لشاعره نوراس



ابيات جميله جدا عنوانها اخر الاخبار



عجبني بيت جميل وله فكره امل ان يحوز على ذائقتكم

صحيح ان العيون تشوف لكن اليدين قصار = تعبت ابرمج الواقع على كذبـه واصدقهـا

هذا البيت اجد فيه ابداعا با الفكره لا جيد الكلام كثيرا ولكن اجده بيت جميل جدا

شكرا يا محمد شاهر على التفاعل

ولكن هذا ليس بمكان الموضوع


الموضوع مكانه ملتقى الشعر ارجو من الاخوان ارجاع الموضوع الى مكانه هنا ليس با المكان المناسب

اخي الباحث
حسب طلبك رجعتها وثبتها ورجو عدم المواخذه يالمشرف اللي نقلتها سابق

ورجواتفاعل معها وبا شاركم بدون شرح على المشاركه وهي لمرشدالبذال

قالوا حكوا بك قلت وش هم يقولون=وش قيل فينـا يالوجيـه الفليحـه
شوفوا مردُ الهرج وش هم يطرون=حتى نعرف مزوره مـن صحيحـه
كان الكلام من المعادي على هـون=بعض المسبه بالمجالـس مديحـه
تجيـه عربـانٍ مـن الله يخافـون=عن الظليمـه ينصحونـه نصيحـه
لو كل خلق الله على الحق يمشـون=كان القلوب من الخطـا مستريحـه
كم واحدٍ بعروض الأجـواد مفتـون=وهو سلومـه يفضحنـه فضحيـه
وكم واحدٍ يطعن وهو فيه مطعـون=يذم ريح النـاس والشيـن ريحـه
بعض كلام الناس تهمات وضنـون=قـولٍ تنميـه الوجيـه الوقيـحـه
الظلم لو فازوا هله مـا يدومـون=راع الظليمـه لاتباطـى مطيـحـه
والناس هذا الناس من عصر ذالنون=كلن على دربـه ركابـه مشيحـه
مقرود يامن بـدل اللـون باللـون=بعض الكلام يحرفه عـن صحيحـه
والصدق هو والكذب ماهو بمقرون=كان إنها تدرس بلهجـه فصيحـه
مايمدح الرجـال بالشكـل واللـون=إبحث معه لينك تعـرف القريحـه
تراك تعرف عنه وأنتـم تهرجـون=يبين لك مـن كـل جـودٍ نضيحـه
المستريح اللي من الشـك مامـون=مع كل خلـق الله علومـه مليحـه
كم واحدٍ حيٍ لـه النـاس يثنـون=وإلا توفـى قـالـوا الله يبيـحـه
وكم واحد لو هو باالألحاد مدفـون=ذكراه عند الناس بيضـا صفيحـه
وكم واحدٍ يجمع ملاييـن وخـزون=مـالٍ تنميـه اليديـن الشحيـحـه
لا تشكره رملـى ولا فـك مديـون=ولا حل مشكلة النطيـح ونطيحـه
ولا له على جاره من الفضل ماعون=لو إن جيرانـه تشـوف الذبيحـه
وكم واحدٍ جيران بيتـه يحمـدون=للجـار ريـف وللجماعـه منيحـه
وكم واحدٍ منه العـوادي يخافـون=زبن المخيف اللي كثيـرن فحيحـه
ربعه نهار الضيـق فيـه يتـذرون=لا جا نهـارٍ فيـه لجـه وصيحـه
وبعض الرجال بهم شريفين وعفون=كلن علـى ماقـال يرجـع لكيحـه
وبعض الرجال بضحكهم يستغلـون=يجيبها مـن نـوع زلقـه بطيحـه
هذاك بين له من الهـرج مدفـون=خلـه إلا شافـك يزيـن سميحـه
الهرج لـه نقـال والـرد للشـون=مزح الجزع يثـر بكبـدك جريحـه
هذا وأنا ماني من النـاس ملسـون=لاشك أرفض مـن تزايـد جميحـه
قلته وكل الناس غيـري يقولـون=راع الظليمـه لا تباطـى مطيحـه

	المشاركة الأصلية كتبت بواسطة غازي الزغيبي

	قالوا حكوا بك قلت وش هم يقولون=وش قيل فينـا يالوجيـه الفليحـه شوفوا مردُ الهرج وش هم يطرون=حتى نعرف مزوره مـن صحيحـه كان الكلام من المعادي على هـون=بعض المسبه بالمجالـس مديحـه تجيـه عربـانٍ مـن الله يخافـون=عن الظليمـه ينصحونـه نصيحـه لو كل خلق الله على الحق يمشـون=كان القلوب من الخطـا مستريحـه كم واحدٍ بعروض الأجـواد مفتـون=وهو سلومـه يفضحنـه فضحيـه وكم واحدٍ يطعن وهو فيه مطعـون=يذم ريح النـاس والشيـن ريحـه بعض كلام الناس تهمات وضنـون=قـولٍ تنميـه الوجيـه الوقيـحـه الظلم لو فازوا هله مـا يدومـون=راع الظليمـه لاتباطـى مطيـحـه والناس هذا الناس من عصر ذالنون=كلن على دربـه ركابـه مشيحـه مقرود يامن بـدل اللـون باللـون=بعض الكلام يحرفه عـن صحيحـه والصدق هو والكذب ماهو بمقرون=كان إنها تدرس بلهجـه فصيحـه مايمدح الرجـال بالشكـل واللـون=إبحث معه لينك تعـرف القريحـه تراك تعرف عنه وأنتـم تهرجـون=يبين لك مـن كـل جـودٍ نضيحـه المستريح اللي من الشـك مامـون=مع كل خلـق الله علومـه مليحـه كم واحدٍ حيٍ لـه النـاس يثنـون=وإلا توفـى قـالـوا الله يبيـحـه وكم واحد لو هو باالألحاد مدفـون=ذكراه عند الناس بيضـا صفيحـه وكم واحدٍ يجمع ملاييـن وخـزون=مـالٍ تنميـه اليديـن الشحيـحـه لا تشكره رملـى ولا فـك مديـون=ولا حل مشكلة النطيـح ونطيحـه ولا له على جاره من الفضل ماعون=لو إن جيرانـه تشـوف الذبيحـه وكم واحدٍ جيران بيتـه يحمـدون=للجـار ريـف وللجماعـه منيحـه وكم واحدٍ منه العـوادي يخافـون=زبن المخيف اللي كثيـرن فحيحـه ربعه نهار الضيـق فيـه يتـذرون=لا جا نهـارٍ فيـه لجـه وصيحـه وبعض الرجال بهم شريفين وعفون=كلن علـى ماقـال يرجـع لكيحـه وبعض الرجال بضحكهم يستغلـون=يجيبها مـن نـوع زلقـه بطيحـه هذاك بين له من الهـرج مدفـون=خلـه إلا شافـك يزيـن سميحـه الهرج لـه نقـال والـرد للشـون=مزح الجزع يثـر بكبـدك جريحـه هذا وأنا ماني من النـاس ملسـون=لاشك أرفض مـن تزايـد جميحـه قلته وكل الناس غيـري يقولـون=راع الظليمـه لا تباطـى مطيحـه

مرشدالبذال



الله الله

والله الشعر

هذا البذالي كان معي علم


مشكور يا بو طلال


لكن فكرة الباحث عن قصائد شعراء الملتقى كما فهمت من مقدمته لكن ما يمنع مثل هذه الشامخه

الله الله

والله الشعر

هذا البذالي كان معي علم


مشكور يا بو طلال


لكن فكرة الباحث عن قصائد شعراء الملتقى كما فهمت من مقدمته لكن ما يمنع مثل هذه الشامخه

من الشعراء الذين ينشرون قصائدهم في ملتقى حرب الشاعر خالد الحصني


وجدت له هذه القصيده التي مزج بها الابداع والحكمه


لن اوفيها حقها با التعليق

الصراحه ميزة الناس الصريحه = با الامور الي صراحتها مباحه
لو تضيق راعي الكف الشحيحه= تنصف الي راح عمره في كفاحه
مايحارب صادق القول وصحيحه = غير ناسٍ موتها قول الصراحه
لو توردها على مبدا النصيحه = كنك الي يمهم شاهر سلاحه
ما ذكر اعلاه مدخل للقريحه = يوم زاد الكيل واغرقني طفاحه
انهمل وبل الخفوق ابوقت فيحه = خافقٍ ما طاب الاول من جراحه
كل ما ضاق الفضاء ينطق فصيحه = والسجين ابداخله يطلق صراحه
من سلوك الوجد ينسجله مليحه = في تثني عودها يلقى استراحه
عن مغثة كلمة مقدس ضريحه = يستريح البال في مثنات واحه
كان جاملته بها ياهي فضيحه = وكان علمته طلع لك شيخ ساحه
والمجامل ما يجمله قبيحه = كان مازود قباحتها قباحه
حكمها حكم الرديه والنطيحه = لا تضحي له ولا تمنح مناحه
يازمانٍ فيه لتطبيل صيحه = كل طيرٍ ترفعه رفة جناحه
ما خلق با الناس ناسٍ مستريحه = ولا بها الدنيا مكانٍ فيه راحه
مار تبي العلم سرك لا تبيحه= والتلافي والحياد من الرجاحه

مايحارب صادق القول وصحيحه = غير ناسٍ موتها قول الصراحه
لو توردها على مبدا النصيحه = كنك الي يمهم شاهر سلاحه
ما ذكر اعلاه مدخل للقريحه = يوم زاد الكيل واغرقني طفاحه

بدايت الحكمه ومدخل رائع

انهمل وبل الخفوق ابوقت فيحه = خافقٍ ما طاب الاول من جراحه
كل ما ضاق الفضاء ينطق فصيحه = والسجين ابداخله يطلق صراحه
من سلوك الوجد ينسجله مليحه = في تثني عودها يلقى استراحه

هنا الشعر بقمة توهجه

عن مغثة كلمة مقدس ضريحه = يستريح البال في مثنات واحه
كان جاملته بها ياهي فضيحه = وكان علمته طلع لك شيخ ساحه
والمجامل ما يجمله قبيحه = كان مازود قباحتها قباحه
حكمها حكم الرديه والنطيحه = لا تضحي له ولا تمنح مناحه

الابداع با الفكره والصورة معا

في البيت الاول منها بيان ما دفعه لكتابت القصيده بكلمتين فقط وهي بلاغه بلا شك


قمة الابداع با الفكره والصوره

يازمانٍ فيه لتطبيل صيحه = كل طيرٍ ترفعه رفة جناحه

كل طير ترفعه رفة جناحه


حكمه وتحدي مقبول مع فئه معينه

ما خلق با الناس ناسٍ مستريحه = ولا بها الدنيا مكانٍ فيه راحه

نعم والله لا يوجد هناك احد مستريح


يقال ان احمد ابن حنبل ساله ابنه متى يرتاح الانسان قال اذا وصل الجنه

مار تبي العلم سرك لا تبيحه= والتلافي والحياد من الرجاحه

قمة الحكمه والصياغه والتوضيف الحقيقه ابداع بهذا البيت قل وجوده

	المشاركة الأصلية كتبت بواسطة غازي الزغيبي

	اخي الباحث حسب طلبك رجعتها وثبتها ورجو عدم المواخذه يالمشرف اللي نقلتها سابق ورجواتفاعل معها وبا شاركم بدون شرح على المشاركه وهي لمرشدالبذال

الف شكر الشاعر غازي الزغيبي على التعاون


وشاكر للاخوان على التعاون والتفاعل