إلى مضاوي؟.......................إلى مضاوي بنت شيخ المهماات

السلام عليكم ورحمة الله وبركاته

احدا قريباتي موضفة واستشارتني
ويش اعمل بالراتبين وقدمت لها كذا نصيحة
ومعجبنها ابد ههههه المهم قلت خلاص روحي
سفرة وتمتعي في هذه الاجازة
والنصيحة الكل موضفة مو مضاوي فقط
اختي استفيدي من فلوسك وبلاش تصيري
زي النملة تجمع ومن حظ البعير كما قالت جدتي
والى النصيحة هههه

إلى مضاوي بنت شيخ المهماات=نصيحة اللي مرضيٍ والدينه
العمر فاني واليالي مقيمات=واللي مضى من عمرنا فاقدينه
عليك بالحاضر ولا لك من الات=الموج يطرق ماتعثرة سفينه
كلٍ يبا ياخذ نصيبه رهاوات=واللي مقدر غصب ناخذ يقينه
مار اسمعي قدام لاتفوت الافوات=قصي تذاكر لسفر ياذهينه
التركيا قدام زحمة لجازات=وخوذي بها لفة مدينة مدينه
واليا خلصتي عرجي للامارات=وشوفي وش يناسبك ثم تشترينه
رحلة سفر عيشي بها اجمل اوقات=مع من تحبينه ومن تهتوينه
قصي تذاكر وعمليها مفاجات=لبو يزن قدام تمضي سنينه
ولا يتهور يلتفت للبنيات=ترا العواقب يا مضاوي حزينه
يمكن تمنينه غدا ضمن الاموات=ولاشفتي عيون المهاء له خدينه
وتاخذ بك الغيرة عقوم ومطبات=وممكن من حساس القهر تقتلينه!
انا نصحتك وانتي ادرابها الذات=شوفي وش يناسبك لو تعملينه
نصيحتي تكتب على ضلع ابانات=من شان تحذر كل عذرا فطينه
مايومن الرجال لو صلى الاوقات=نزوات نفسه مع فعوله تدينه
واكبر دليل اللي ذكر بالحكايات=امام صلى وسط سوق المدينه
وقبل لايقرا الفاتحة والتحيات=كبر واقل الصدق يابنت وينه
هذا وقالو في كثير الروايات=الرجل عقله دائمٍ وسط عينه
تمت وصلى الله زكي الصلاوات=على الحبيب اللي نشر خير دينه

اللهم صلي وسلم على نبينا محمد
ما نصحتيها تسافر بزوجها الا لتركيا ههههههه عز الله مانصحتيها
السنه الجايه بيوديها لاهلها ويسافر لحاله ولاقيل وين قال مكه
صح لسانك يالكحيله

اللهم صلئ وسلم علئ اشرف خلقك

مايومن الرجال لـو صلـى الاوقـات نـزوات نفـسـه مــع فعـولـه تديـنـه
ههههه من قلب لكن صح لسانك

صح السانك ياكحيلة حرب

ابداع من اهل الابداع

عقوم ومطبات


صح لسااااااااااانك يالكحيله

	المشاركة الأصلية كتبت بواسطة بدرالهبيري

	اللهم صلي وسلم على نبينا محمد ما نصحتيها تسافر بزوجها الا لتركيا ههههههه عز الله مانصحتيها السنه الجايه بيوديها لاهلها ويسافر لحاله ولاقيل وين قال مكه صح لسانك يالكحيله

من لايخاف الله لن يخاف من بشر سوا هنا ولا في اي مكان
بعدين ليش النظرة الخاطية لسفر
السفر كله فوايد اقل فؤايده هي تجديد حياة الانسان ونشاطه
صح بدنك لاهنت
شاعرنا الفاضل

لا والله ماهي نظره خاطيه ولاقصدت انا عدم مخافة الله
القصيده بالاساس فكاههيه وانا اطلقته كرد ساخر مجاراه للقصيده
من باب التفاعل مع القصيده فقط
شكرا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

وافر الشكر والامتنان
الكل من شرف مروره
اعضا وزوار

	المشاركة الأصلية كتبت بواسطة عيسئ المحمدي

	اللهم صلئ وسلم علئ اشرف خلقك مايومن الرجال لـو صلـى الاوقـات نـزوات نفـسـه مــع فعـولـه تديـنـه ههههه من قلب لكن صح لسانك

من قلب الا وااقع

صح بدنك لاهنت