قالوا مريض وقلت طبيعة الوقت

.
.

قـالـوا مـريـض وقـلت طـبيعة الـوقت
------- الآدمـــي مـــا هــو بــدوم امـتـعافي
لـــروح الـجـمعه لـفـا عـقـبه الـسـبت
------- فـــي دورة الايـــام مـهـنا اخـتـلافي
لاشـــك مـــن دورات وقـتـي تـعـلمت
------- شف السمان وشفت ذيك الضعافي
ولـقـيـت قـــل الــهـرج لــمـن تـكـلـمت
------- تـلقى عـن اعـوجة الـسوالف عـوافي
حـذرك ضـعيف الـجنب لمن تحيزمت
------- لــو شــاش لــك لـبـد فـيـه انـتكافي
والـصاحب الـي ما يسرك اليا قمت
------- شـطب عـليه وحـط صاحب اضافي
مــــــلا يـــقـــدر خـــوتـــك لــتــولـمـت
------- نـسـناس جــوك مــع هـكالبر كـافي
اثـقـل بـمـشيك بـيـن الاجـناب لـزرت
------- وبـين الـجماعه خـل مـشيك خـفافي
تـرى الـمراجل مـا كـسبوها هل النت
------- والا مـــن يــركـب قـــذول الـعـفـافي
الطيب صعب وتكسب الطيب لشمت
------- وعـوج الـسوالف مـا عـليها اعترافي
ود الـفـروض وسـامـح الـناس لـنمت
------- تـلقى الاجـر عـند الـعظيم الـمشافي
الـــــي خــلــقـك ويـقـبـلـك لـتـنـدمـت
------- مـكسيك لـبسٍٍ عـن هواء البرد دافي
-
-
عبدالله عيد الحنيني

صح لسانك وسلم فكرك
قصيده جزله من شاعر جزل

اسجل اعجابي وتقديري
اخوك نبع القوافي

صح لسانك وبيض الله وجهك
ابن العم قصيده جزله

صح الله ابدانكم
لكم جزيل الشكر على المرور العطر

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك قصيده جميله يعطيك العافيه

السلام عليكم ورحمة الله وبركاته



صح السانك


موهبة الشعر عندك واضحه ما شالله عليك


ولي عوده على. القصيده. اعجبني جدا مشد القصيده.

صح السانك لاهنت
نص ابداعي
لاشك

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك وبيض الله وجهك
قصيدة رائعة