قصيدة سالم ابن مناع بقبيلة حرب بالكويت

اقدم لكم هذه المتواضعة قلتها في ملتقى قبيلة حرب بالكويت وبثتها بعض الفضائيات واللتي لاقت استحسان ابناء العمومه لعلها تلاقي الشيء البسيط من رضاكم
في هذا المنتدى الراقي

دعـونـي بـنـي عـمـي وانــا حـالـفٍ ماغـيـب=واحــضـــر قـصــيــدة بـالـمـهـمـة وارتـبــهــا
وانـــا لادعـونــي طيـبـيـن الـعــرب مـانـيــب=أخــالـــف لـدعــواهــم ألـــبـــي وأوجــبــهــا
سـوا هـم بـنـي عـمـي او ان كـانـوا اجانـيـب=مـــن الـواجــب ان اهـــل الـوفــا مانجـنـبـهـا
وانــا لاحـضـرت بواجـبـي مالحـقـنـي عـيــب=اعــد القصـيـده وادهــش الـــروس واطـربـهـا
أجـيــب الـقـوافـي وأتـخـيّـر بــعــد وأجــيــب=بشـعـر النـبـط مــن اجـمـل لـحـون واعذبـهـا
بحفـلـة قبيـلـة حــرب مـاعــاد بـــه تجـنـيـب=انــا كـيـف اجـنـب اطـيــب الـنــاس واقـربـهـا
هـــلا مـرحـبـا وأهـلـيـن يامـرحـبـا تـرحـيــب=عـلـى الحفـلـة الـلـي كــل حـربـي معـزبـهـا
علـى الـعـز والنـومـاس والمرجـلـه والطـيـب=تـلاقــت قـبـيـلـة حــــرب مــاغــاب غـايـبـهـا
تحـت ضـي زينـه وبالمباخـر يـسـاق الطـيـب=عـلـى وجـيـه سفـريـن المخالـيـق وأطيـبـهـا
وتـسـاق الــدلال الصـفـر هـيـل يــا شريـيـب=مــن الـبـن الاشـقـر مــد يـمـنـاك واشـربـهـا
وكـبـار المفـطـح نصـبـت بالصـحـن تنـصـيـب=مـن خيـار غالـي الـسـوق تـرخـص لواجبـهـا
على حساب ربعي حرب يفضى رصيد الجيب=كـرمـهـا علـمـهـا فــــي ولــدهــا وشـايـبـهـا
قبيـلـة كريـمـة مسـيـسـه مـعـربـه تـعـريـب=عـريـقـة وعمـيـقـة بالـمـنـاسـب منـاسـبـهـا
ماهـو قصـور فــي حــق القبـايـل ولاتعيـيـب=عـن الشـيـن تـكـرم فــي لحـاهـا وشواربـهـا
لكـن حـرب حرابـة دول غصـب مـاهـو طـيـب=لـــولا فـعـلـهـا وفـرسـانـهـا مــــن ينـصـبـهـا
وزمــان مـضـى مـابـه قـنـوات فـيـدو كلـيـب=ولا بـــــه صـحــافــي بـالـمـجـلـة يـلـقـبـهــا
هـذاك الزمـان اللـي يخلـي الرضيـع يشـيـب=يــومـــن الـقـبـايــل مــاتــومــن جـوانـبــهــا
رسـت حـرب بالافعـال مـن دون شـك وريـب=رســـت بالـهـنـادي واحـمــر الـــدم خضـبـهـا
حــرار تعـشـت مــن لقـاهـا عــرب واعـريــب=حــــــرار قـرانـســيــن حــــــدادٍ مـخـالـبـهــا
ولانـي بقايـل مــن ذبحـنـا بسـهـل وشعـيـب=مانـبـغـا الـفـتـن مـادونــا الــنــاس نغـضـبـهـا
تـدوس الخطـر حـرب الحرايـب لوانـه صعـيـب=يلـيـن البـيـارق فــي عــلا الـمـجـد تنصـبـهـا
على اللازمه والطيـب ترمـي الهـدف وتصيـب=عـلــى الـسـلـم ولا كـــان شـبــت حرايـبـهـا
لـنـا الشـاهـد الله والقـبـايـل عـــن التـكـذيـب=وشهـد متـحـف اسطنـبـول والكـتـب تكتبـهـا
وحــل الـزمـان الـلـي بــه حكـومـه وتـرتـيـب=ولازال حــــرب تــفــوز بـأعـلــى مـنـاصـبـهـا
اهـل ديـن واهـل علـم والحربـي دايـم ذيــب=يـســد بـلـزومـه واكـثــر الــنــاس يكـسـبـهـا
وتحـت ضـل اخـو مريـم صبـاح الوفـا والطيـب=امـيــر الـكـويـت الــلــي يـحـقــق مطـالـبـهـا
صباحـيـيٍ مـجــرب مايـحـتـاج لـــه تـجـريـب=سيـاسـي مـخـضـرم والسـيـاسـات يتعـبـهـا
وولــي العـهـد نــواف وجــوده يـســد يـنـيـب=بطـيـبـه عـجـيـب وكـــل الـكـويــت يعـجـبـهـا
نعـاهـد قيـادتـنـا عـلــى مـواصــل الـتـدريـب=وخـدمــة بـلـدنــا نـعـتـلـي فــــي مـراتـبـهـا
ونـفـدا بدمـانـا دونـهـا عـــن هـــل التـخـريـب=نـعــادي الـعــدا ونـصـاحـب الـــي يصاحـبـهـا
وصـــلاة مـــن الله عـالــم مـاخـفـا بـالـغـيـب=عـلـى محـمـد الـهـادي مـاهـلـت سحايـبـهـا

وسلامتكم

صح لسانك ياسالم قصيده عصماء وتستحق الاشاده
وبانتظار جديدك

شاعرنا الجميل
الاخ/ ندا الغيداني اشكرك على هذه الاشادة واعتبرها تشجيع لأستمراري وشهادة من شاعر فذ بحجمك صح بدنك وأوعدك بالجديد ياغالي والشكر لك على المتابعة
اخوك سالم ابن مناع

أخي الكريم : سالم

صح لسانك و بيض الله وجهك ...... قصيدة وافية من وااااااافي

الاخ الكريم /حميدان العوفي
اشكرك على الاشادة والتواصل ولاشك لتواجدك هنا الاثر البالغ والمشجع لي
صح بدنك وماعليك زود والفوفا منك وفيك يالغالي
تقبل تحياتي

صح لسانك ياسالم قصيده عصماء وتستحق الاشاده

الشاعر الكبير غازي الزغيبي
شهادتك وسام لي وتشجيعك لي واشادتك تجعلني لاابحث الا عن مايرضاه ذوقك الشعري
تقبل تحياتي وصح بدنك

صح الله لسانك
ولاهنت
وسلم فكرك وبنانك
دمت برعاية الله وحفظة

سالم صح لسانك
بيض الله وجهك
تقبل تحياتي

تدوس الخطر حرب الحرايب لوانه صعيـبي لين البيارق فـي عـلا المجـد تنصبهـا
على اللازمه والطيب ترمي الهدف وتصيب علـى السلـم ولا كـان شبـت حرايبهـا
لنا الشاهـد الله والقبايـل عـن التكذيـب وشهد متحف اسطنبـول والكتـب تكتبهـا

بيض الله وجهك على القصيده