ديوان الشاعر / علي بن زيد الحربي

quote=ابوخالد الفريدي;922000]

وقلبي اللي وارد الهم لاعه =عقب انتحى المطلوب همه يلوعه
عقب الخوي اللي طويل ذراعه=اللي يجملني بطوعي وطوعه
اللي مماشيني بعزم ومطاعه = واللي تنور في طريقي شموعه
ويفيدني بالمرجله والصناعه = وفيه الجماله مع حليه ونوعه
وهبه من الله ماخذيته شجاعه = لين انه اصبح باليات فروعه
ماعاد عندي عقب فارق مناعه=وابكي عليه ومستحيل رجوعه
يرجيه طفل عقب سن الرضاعه=ويرجيه طالع في بداية طلوعه
واللي ماجرب غيبته وانقطاعه= العلم مقبل لاتغره دروعه
لابد من يوم يرد الوداعه =وتبدا اغصونه تنفصل عن جذوعه
مايفيد طب ولاتفيد الشفاعه = ليا بدت تظهر علامة ركوعه
كل ليامنه تمزع اشراعه = تبدا قطوعه لين تبلي قطوعه
يابن عتيق ان كان عندك قناعه =نبغى الكلام اللي ثبات وقوعه
ترى الكلام الصدق ممكن ضياعه =عند الهتول اللي تقلل سنوعه
وانته برايي من كبار الجماعه = رجال عرف وزاكيات طبوعه

[/quote]


استلامك والمعذره على القصور لاهنت

قدر ومقام المعتبر باالرفاعه=اللي يتل السبق تل بطلوعه
عانق شعاع الشمس حزت شعاعه=مع الحرار النادره والبتوعه
يعانقه طربان له بندفاعه=ويقلده في هدته وبشلوعه
يفداه قلب المرجفه والرعاعه=اللي لميع الشمس لا المع يروعه
سمعت منه اللي يليق استماعه=وبعطيه علمن يقبلنه اسموعه
مالي بدعوا ما شتكيت استطاعه=خصمك خصيم المجتمع في جموعه
واللي يجيه ايقول سمعن وطاعه=مقدام قطاع النفس عن ضلوعه
ومثلك يزود مزهبه من متاعه=وياخذ حصيله مثل خيرة ربوعه
يوفي على ماقيل مده وصاعه=ويقلط على خير الرطب من قدوعه
والكل لا بده مقطب شراعه=والدرب واحد لو تفرع فروعه
الكل يب ياتي رحيله بساعه=شين مقدر مستحيلن رجوعه
يروح والتركه الغيره اقلاعه=انكان ماهو لقمته قد جوعه
وماراح راح ولا يعود طماعه=ويبقا وقاره ثابتن مع نجوعه
يا الله عسا لك يا الفريدي شفاعه=عند الرسول بيوم تحشر جموعه
صلو على اللي ذايع الحق ذاعه=المصطفى نهج الهدايه شروعه

/

ياهل الكرم وهل القلوب الصحاحي = ياهل الوفا ياهل العقول النظيفه
ياللي وفيتم من جميع النواحي = ياكاسبين الطايلات الكليفه
انا عزيز النفس وافهم صلاحي = ومالي ومال المرجفات المخيفه
ابحث عن الراحه وهذا ارتياحي = والنفس عن بعض المواقف عفيفه
كفيت عن بعض الليال الملاحي = اللي بها النفس العفيفه ضعيفه
إلا إن صارت في المحل السياحي = اللي بها المضيوف يفرح بضيفه
وإن جيت أطير ولا نهض بي جناحي = خليتها بالعام مره طريفه
مايرد غير السانيه بالمناحي = ولا الرجل يمشي مماشي شريفه
يا مرددين اللي له اسنين ماحي = الرجل للصاحب ستار وسقيفه
وأنا ترايه قبل عامين صاحي = مار انتظرت ايلين جت للنصيفه
واليوم نور الفجر بين ولاحي = ولحقت نفسي والاصابه طفيفه
شفي وقمة فرحتي وانشراحي = ليا طاب من حطيت بعدي خليفة
ياللي نقلتم جيشكم للضواحي = عودوا ترى الدار القديمه مريفه
موفقين الخير وابغى السماحي = الله لايفر ق وليف ووليفه
أنا هجرت الدار داري مراحي = وترى المسايل ياجماعه خفيفه
سلمت وإستسلمت خوذوا سلاحي = ولا ارد بن شداد لو شال سيفه
والمعذره ياهل القلوب الصحاحي = انتم رجال وتفهمونه الوظيفه

	المشاركة الأصلية كتبت بواسطة ابوخالد الفريدي

	مجاراة الشاعر/ عبدالله بن زويبنيـــ يا مــــل قــلــبٍ هـواجـيـسـه يـسـجـنـه=سـج النضـا بالمـطـارق والمشاعيـبـي هــن ودهــن كــل روضٍ زيــن يـرعـنـه=وهـم ودهــم بالمـسـا عـنـد المعازيـبـي يـوم انتهـى كــل مــا بالـخـرج والشـنـه=تـواعــدوا بــيــت نــطـــاح الـمـواجـيـبـي شيخٍ صدى صوت نجـره كـل مـا دنـه=يقـنـب بــروس الـنـوازي قنـبـة الذيـبـي يرخـص خروفـه ولا يبخـل عـلـى بـنـه=ويشكر ويذكـر ليـا عـدوا هـل الطيبـي تـريــحــن وأمــرحـــن يـومـنـهــن جــنـــه=وأنا الهواجيس تسرح بي وتسري بي راحـــن بقـلـبـي ولا أدري ويــــن ودنــــه=أخــذت فــي جـوهــن غـفــوة وتغيـيـبـي سجـيـت معـهـن عـلـى فـلــمٍ يعـرضـنـه=عن غيب بعض القرايب والأصاحيبي ابـلـيـس لـــولاه كـــل الــنــاس بـالـجـنـة=لاكــــــــن يـلــعــبــنــا راع الـتــلاعــيــبــي يا شين بعض الأوادم لو ضحك سنه=يضحك بوجهي ويشذب فـي عراقيبـي واللـي ليـا غبـت غـوجـه للـطـرد عـنـه=وجّـرد سيـوفـه عطيـبـات المضاريـبـي هـجــرت كـــل الـــدروب الـلــي يـمـرنــه=أخيـر لـي مـن مجيـه ، عنـه تجنيبـي ولو ما أقتـدي فـي كتـاب الله والسنـه=خلـيـت كــلٍ عـلـى ديـنـه يـصـلـي بـــي وهذه مجاراتي دن القلم وابيض القرطاس لي دنه =مادام ياصاحبي حضروا مناديبي قلب العناء به هواجيس يلوعنه =لوعة سموم الشمال لشمّخ النيبي ليا ثوّر اغبارها في لاهب الكنه = مع الظما لاعهن حر ولواهيبي هواجس القلب للعسره يحدنه = وانا تحمّلتهن حتى كثر شيبي جابن لي الهم في قلبي ووصنه =يلعب بقلبي ويقبل بي ويقفي بي ليا صدّرن راجعن قلبي وعادنه= واجري مع الهم والايام تجري بي ولاكل راي من اهل الهرج يرضنه =حرص على البعد عن عفن المشاريبي بعض العرب كان ماجيته على ظنه=يقول قصّرولاكمّل مواجيبي مهما تردى له المعروف والمنه = ما يعدّلنه عريضات المصاليبي ابليس يركب على الانسان ويعنه =بالمكر يلعب على بعض اللواعيبي كم شخص مغرور عيلاته يحدنه =في طاعة ابليس يارد للمغاريبي وابن زويبن جزيل القول من فنه = للشعر مدرك ورايه دايم يصيبي يابن زويبن هدفك ومقصدك كنه=يشرف على الناس من عال المراقيبي بينت لك راي كنت اخفيه واكنه= من خوف لايبحث الهراج عن عيبي والناس في وقتنا بالهرج منجنه = يدورون المشاكل والعذاريبي

والسلام عليكم ورحمة الله

كلفت في علم تنفيذه ماهوعادي=يلزمني البحث فيه ولاعنه صدّه
تحية مع دخون العود تنقادي =مني لبو فارس اللي صادق وده
طلبك يا صاحبي ياذخر الاجوادي = اذا قدرته بحيل الله ما ارده
الشاعر اللي ضعيف وحادر وادي=يكذب ويظلم ولاياقف على حده
يسب يمدح وهرجه تايه غادي = ويشوف نفسه وشوته خارج القده
يوجهه للمشاكل حظه الرادي=على المشاكل وظلم الناس وشحده
والثاني اللي براسه كبر وعنادي= جميع باب يجيه بفايده سده
توجهه للسنع ماهو بينقادي =تبني له البيت ويحسب انّك تهده
يصيح وينوح ويصفق مع النادي=وعن ضيعة الراي لوتنهاه ماترده
والشاعر اللي يقول النصح وينادي=ويكثر القول لوانه ماهو قده
واللي كلامه بعشقه غير متقادي =ماجا بباله قبل ما ينقده عده
كم شاعر لو طمع بالصيد ينصادي =وكم شاعر يعتبر من ينصحه ضده
الشعر يبغى الامين الصادق الهادي =ما هو بخمّة كلام هاته ووده
الشعر يحتاج له شاعر ونقادي =والنقد للشعر يكشف هزله وجده
واختم كلا مي بدهن العود والكادي=للي ليا مد مده يحسن المده