ديوان الشاعر :الشيخ:/ حسين مريع العبيدي

لغز من خيال المرسل


بنت فوق السما والارض دايم نراها يوجد الخير فيها واكثر الشرفيهــــا

فالسما خير ياما احترت ناظر قداها وشر فالارض مكروهة ولااحد بيها

رعيه المعزا على الضلعــــين
وفي ضلع ثالث متصل فيها
وان كان ولياها معيز وضـين
تزيد قيمة من يربيهــــــــــا
ماحد شراها كاش ولا ديــــن
زايد غلا ها عند مغليهـــــا

عود كبير وشايلن بنتين
وكل بنت ورعها فيها

العود يامحلاه باالثنتين
والورع جوف امه محليها

3- انشدك عن رجل ما يمشي وحنا اللي نمشيه = اما يمشى خطا واللا يمشى بالصوابــــــــــي

ياماهدم من بيوت عامرة والناس ترعـــــــيه = ويا ما ويا ما يعمرها وهي كانت خرابــــــي

يحكم مابين البشر والحكم مايمكن تعديـــــــه = من دون مشيه يضيع الحكم ويضيع الحسابي

الحارس اللي على باب الطريق يلف ويدور
يدخل اللي يبيه ويطرد اللي مايريـــــــده
يقضي على من يحبه بالعجل راضي ومســـــــــــرور
ومن لا يحبه سلم من بطشة الحارس وكيده

اذا مااردت الفخر فاذكر بلادنا = سعودية امجادها تتــــــــــــــــعدد
بلاد كفاها مفخر يوم تفــــــــــخر = بان بها البيت العتيق الممجـــــــــد
لقد حكموها الراشدون فارشدوا = ومن قبلهم عهد الرسول محمـــد
وكم قد اتى من بعدهم من مجدد = ولكنه عبد العزيز الــــــــــــمجدد
له في رسول الله شرع وقـــــدوة = وسيرة خير الخلق فيها الفوائـــــد
لقد نادى في شعب الجزيرة قائلا = هلموا الى الدين الحنيف ووحدوا
وجمع شمل الناس من بعد فـــرقة = واثمر مجهود الامام المجاهـــــد
لك الخلد ياعبد العزيز دعـــــاؤنا = ومامت اذ ابقيت ذكرا يخــــــلد
بلادي حماك الله ياخير موطـــن = ارى كل حر في ثرائك يولد
لقد جدت بالملك الامين وهاهو = يجود باغلى ماهنالك يوجــــــد
يقود مسيرتنا بعزم وقــــــــــوة = له في شئون الحكم راي مسدد
نكن له وسط القلوب محـبة = نرى حبه في كل يوم يجدد
واخوانه الاحرار يحذون حذوه = لهم في بناء الصرح فعل مؤكد
اقاموا كتاب الله في كل شرعة = لقد صدقوا ماعاهدوا حين عاهدوا
وصرت بفضل الله ثم بفضلهم = منارا وما ابهى البناء المشيد
ونلت على الاوطان افضل سمعة = تباهين بالاعمال والامن سائد
وينعم بالخيرات من جاء زائرا = يعيش عزيزا ضيفك حين يوفد
يجيئوا الكريم مرحبا بقدومــــه = بطيب الاقامة في ربوعك يسعد
ولا للطغاة الطامعين وسيلة = اليك ولا يقصدك للشر قاصد
تطول رقاب العابثين سيوفك = وبصلون نارا حرها يتوقد
فداك دماء الناذرين نفوسهم = نموت ولا تغزوا اليك المفاسد
ولاءا لرب البيت ثم بلادنا = شعار به كل الشفاه تردد
ولاءا لال سعود سمعا وطاعة = يقولون ماشاؤوا ونحن نؤيد

عديت في راس الطويل وسقت فكري بالهدو = مبزت انا الدنيا ولاها بالعجايب مذهلة
فكرت في حال البشر لاشرقو لاغربوا = احد علومه مقفية واحد علومه مقبلة
اللي يحبون التسامح للسماحة مهدوا = لين اصبحت في دارهم كل الصعاب مذللة
واللي يحبون المشاكل في مشاكلهم غدوا = يولعون النار من كثر الحسد والبلبلة
بعض البشر ساروا على درب الهداية واهتدوا = واللي سلك درب الهداية ما حد عنها حوله
الياذكر رب البرية بالشهادة وحدوا = والله عطاهم حاكم(ن) عادل في قوله واعمله
حكم الملوك الي على نهج العدالة قد مشوا = يستنبطون الحكم من شرح الايات المنزلة
من عدلهم نالوا سعادتهم وللناس اسعدوا = والشعب مرتاح الضمير ولا هموم(ن) تشغله
هم بسهرون الليل يوم ان المخاليق ارقدوا = والامن سايد والعرب متمرجلة بالمرجلة
لافيه لا سارق ولا مفسد ولا ناس اجحدوا = حق اليتامى والفقير ومال قاصر وارملة
والبعض الاخر من جهلهم قالوا انتم يالبدو = مثل الغنم يرعاكم الراعي وهو فوق جمله
وحنا سعدنا بالحضارة نقتبس منها القدو = نختار حاكمنا ولامنا نوينا نفصله
نحدد المدة ويقبلها وحنا له رعو = نحرفه ونصرفه ونطلعه وننزله
قلت البداوة للعرب من قدم لو راحوا وجو = نعتز باحوال البداوة والعلوم مجملة
تاريخنا مشهور من عهد الجدود اللي مضوا = مانقبل الفوضا ولا نقبل فعايل مخجلة
حنا قبايل والقبايل بالقوانين اقتدوا = وليا بدت بعض النوايب ياخذون الاولة
البدوا دايم يحفظون العهد لامن عاهدوا = ثورة ونقض عهود قطعا مالها معنا صلة
حنا بدو والبدو في كل المواقيف اصمدوا = دون اللوازم ننثني من مرحلة لا مرحلة
حنا حلال الله حللناه والناس اشهدوا = وما حرمه ربي حرام ولا احد منا حلله
حنا لياقلوا ولاة الامر طيعوا واسمعوا = قلنا لهم سمعا مدام ان الامور معدلة
والملك لامنه تنصب كل شعبه رددوا = ماهو غريب الياجلس حاكم على كرسي هله
جكامنا بالفعل جابوها ولاجتهم هدوا = من شانها داسوا على كل الامور المعضلة
هم عزنا هم درعنا لاجات عدوة من عدو = حامي حما يرعى الحما و الدار ماهي مهملة
الياحكو حكامنا كل المناعير اسكتوا = واليا ارتفع راس الملك كل الرؤوس منزلة
ارواحنا واموالنا لملوكنانعم الفدو = والشعب دايم خير حكامه يعم ويشمله
بني بنوه ملوكنا منه البشر تعجبوا = لاقال بسم الله بدى مبناه لين يكمله
وانتم ليا طال البنا جوه الطغاه وهددوا = تظاهروا ثم دمروا ماعمروا بالقنبلة
ثم انهبوا مال (ن) مجمع في بنوكه واشردوا = ويعايرون اهل العلا حي نزل فالمسفلة
والله مانشمت بهم لكنهم فينا بدوا = قالوا حكم رجعي وهو جا من رسالة مرسلة
ياهيه وين انتم وحنا وين يالربع اركدوا = شتان مابين العلوم الغانمة والمهزلة
ماانتم كمانا ياهل الثورات هيدوا واهجدوا = الفرق شاسع بيننا واهل البصر ماتجهله
اهل المواقف في مواقفها ولا عنها حدوا = واهل المشاكل غارقة من مشكلة في مشكلة
يالله يالمعبود كيد الحاسدين اليا احسدوا = واللي يعادي امة الاسلام يالله تخذله
ودار العروبة صونها من كل شر وكل سو = واحفظ بلدنا ما تجي فيه الفتن والزلزلة

Quote=حسين مريع العبيدي;1162591]

ابطى علينا الغيث زلت حراويه = والارض من جور الدهر ماتجودي
يبس الشجر والعد جفت مراويه = وان مارحمنا الله تباح السدودي
والجو دخان المصانع مغطيه =هواه لاجانا يعقب لهودي
يالله من مزن (ن) يجي من مناشيه =مثل الهضاب النايفات الحيودي
نواض براقه بدا في معاليه = وينزل لحد الارض مثل العمودي
وليا برق قمنا على البعد نرعيه= وانقول ياربي تحل العقودي
نسبح الخالق ونطلب وندعيه = ونقول غثنا ياصمد ياودودي
هبت له الغربي وجتنا تمشيه = واقبل خياله في سمانا يقودي
وليا وصل وقفت هبوب تباريه = ركز علينا واستمر الركودي
ياخذ ثلاثة ايام مدة لياليه = اليالمع برقه يدن الرعودي
واليانقص وبله منشيه يحييه= هتان وبله كل ساعة يزودي
ماينقطع عنا بقدرة منشيه = يالين تروى العالية والمهودي
خير(ن) بلا شر(ن) يجي في قوافيه = سقياه سقيا رحمة للوجودي
يسقي ديار(ن) تطلب الله وترجيه = غيث(ن) يعم جبالها والنفودي
الشعب سال وضاق بالسيل واديه = سيل(ن) حدر من عاليات السنودي
نبت المراعي بان مازل ثانيه= والما تكون في جميع السدودي
والزرع خضر ثم طالت نواميه = والارض صار النفع فيها يسودي
والعد جم وكل من جاه يرويه = ولاعاد يشكي من كثير الورودي
والجو صافي والكدر مايجي فيه = زالت سموم (ن )جعلها ماتعودي
راح الغبار وكل ماكان نشكيه = وجانا هوا يبري عليل الكبودي
نستنشق انسامه ونرعي سواريه = انسام مخلوطة بعطر الورودي
ماهمنا الا نشكر الله ونرضيه = احمدك ياربي ولا ني جحودي

[/quote]

=حسين مريع العبيدي;1158435]

اخذت انا من وقتنا عبرة وباسوق العبر = اخذ عبر واعطي عبر مادمت في دنيا العبور
دارت بي الدنيا ومن دوراتها شفت القشر = دنيا تدور وكل كائن حي في الدنيا يدور
ان جيت اجاريها ولني مشتكي منها ضرر = ماهي على مانشتهي كل المعاني في حدور
مدري تدابير لبشر والا تصاريف الدهر = والا من الاثنين شفنا ذا التدني والقصور
تغيرت عاداتنا تغيرت كل السير = اللي فالاول زين صار اليوم مذموم محقور
حتى الرجال اللي من اول عندها بعد النظر = وتمحص المنطوق قبل يبين من وسط الصدور
اليوم راع المعرفة لوزاد عرفه محتقر = الهرج لاهل الثرثرة واللجلجة واهل الفجور
والياحضر وسط المجالس مايلاقي له قدر = ماعاد تصغي له اذان ولا احد ياخذ منه شور
لوجا يقدم مامعه قالوا تعدا ك القطر = حنا في طور وعلمك الي تذكره عنا في طور
وانت لياشفته تقول الله ياليته ماحضر = يهين نفسه بين ناس ماتفرق فالحضور
اول لياجا العارفة قا لوا حضرراس الخبر = الياحضر ماله معارض في تصاريف الامور
كان انتهى وقت القوايد وقتنا وقت الجبر = البومة الصقعا تغرد واختفى صوت الصقور
هذا وحنا مجتمعنا ماشكى جور الفقر = ينعم بخيراته ولا يشكي عنا والا عسور
يوم المجاعة في مجالسنا يجي طيب السمر = وايامنا رغم البساطة كلها افراح وسرور
تزاوجوا تراحموا يوم المخافة والخطر = ماهمهم بني البيوت ولا تكاليف المهور
واليوم زاد الخير راح الخوف والامن استقر = والناس تمشي مع بعضها فالبراري والبحور
لكن خلك مع رفيقك طول وقتك في حذر = اليوم خوفك من قريبك يبتليك بفعل زور
راح الوداد وفي وجيه الناس قد بان الكدر = ماعاد يضحك لك صديق ولا في بيتك لك يزور
وان كان عندك وقت ازيد اعطيك بيت من الشعر = صاحبك لاباين لزومك عن لوازمك معذور
اليا انكسر عظمك ترى عند العرب ماله جبر = ان مافزع لك ربك المعبود تذبحك الكسور
ذي ناحية والناحية الاخرى هي ادهى وامر = اقوال واعمال (ن) تسوى تغضب الرب الغفور
احد يسويها غبا واحد يسويها جهر = والوازع الديني يبين ماوراها من خطور
هذي تراها حال هذا الوقت مامنها مفر = وان قالو اثبت عندي الاثبات والعلم مخبور
يالله تحمانا من اعمال تودينا سقر = وتعيذنا باسمك من اعمال المعاصي والشرور
يارب تهدينا على طاعتك في طول العمر= وتعيذنا من فعل يرمينا على ويل وثبور
والخاتمة ادب ولدك وعلمه وقت الصغر = واحرص عليه من الدروب اللي توديه الشرور
اليا بنيته في الصغر ينفعك في حال الكبر = واجب عليك التربيه خلك على طفلك غيور
احرص عليه من الشلل واحرص عليه من السهر= ولياظهر من بيتك اعرف ماهي اسباب الظهور
وعلمه باللي يضر وعلمه باللي يسر = حرصك على التعليم واجب مثل تقديم الفطور
عن واجب الاولاد يالوالد ترى مالك عذر = ابذل لهم كل الجهد لاتغرك الدنيا الغرور
الياعنيته بالرعاية لا كبر شد الظهر = كل الحمول يشيلها وانت مريح ومعذور
الي زرع له زرع دايم يرتجي منه الثمر= لكن تكاليف الزراعة باهضة خلك صبور
الياعملت الي عليك ا بشر ترى دربك خضر = مريحا بالك ومن حولك تجارة ماتبور
وختم الكلام اقول صلى الله على سيد البشر= اعداد نبت العشب واللي فيه من طيب الزهور

[/quote]

transparent" bkimage="" border="none,4," type=2 line=0 align=center use=ex num="0,black""]
poem=font=",7,white,normal,normal" bkcolor="transparent"

bkimage="" border="none,4," type=2 line=0 align=center use=ex num="0,black""]

يانجر ياللي للتراحيب ضروك = مدك يجي للضيف في كل ساعة
قبل القرا للضيف يانجر بدوك= انت المبدا والشحم لك تباعة
يانجر لامن الخطاطير سمعوك= ارهو على بيت الوفا والسباعة
يانجر ياللي للمناداة دقوك = لابان صوتك لم كل الجماعة
يانجر فالمجلس هل الجود حطوك = ما حلاك في بيت الكرم والشجاعة
يانجر يوم ان الرجاجيل عزوك= الليل كله ماتعرف الهجاعة
باغلى ثمن يانجر تعبوا وجابوك= لوكان تلحقهم بخوص ومجاعة
يانجر يوم الناس فالبيت رزوك= واللي صنع وانشاك وقت الصناعة
يانجر هم للبن والهيل ربوك = في غيرها يانجر مالك طماعة
واليوم ذا يانجر منسي ومتروك= واين انت عن مجلس منفح شراعه
يانجر ليش اهل المروات خلوك= وين المعاني وين ذيك الولاعة
اليوم عن ذيك الدهاليز دسوك = للنجر والمحماس جات انقطاعة
يانجر قلي واين الاجواد ودوك=وانت في دق البن عندك براعة
يانجر بالله من ردى يوم خلوك = واللا رجال الكيف جتهم قناعة
للدلة الرسلان جاا بن مشكوك = في مصدره مدري من اية بضاعة
مطحون ومحرق وفالكيس مدكوك= له وقت جاهز في محل البياعة
ماهو بحمس مصلح الكيف مبروك=اللي لدق النجر طالت ذراعه
يانجر بعد الناس صدوا وكفوك= والزين من خلاك مثل الوداعة
اليوم نشرب بن منهي ومهلوك = والياشربنا منه شفنا الوجاعة

[/poem[/poem]][/QUOTE]