ديوان الشاعر (ابو طلق )

	المشاركة الأصلية كتبت بواسطة ابو طلق

	السلام عليكم ورحمة الله وبركاته هذه أول مشاركة لي في هذا القسم لذا أتمنى من إخواني الشعراء أن لا يبخلوا علي بإبداء ملاحظاتهم او انتقاداتهم إن رأوا في القصيدة مايستوجب ذلك وابشركم الصدر واسع والنقد البناء يفيد الجميع ان شاء الله وهذي القصيدة بقصتها.. كنا في المقبرة لدفن احد الاشخاص رحمه الله ورأيت أحد احفاده الصغار الذي أثـّـر في كثيرا عندما رأيت علامات الحزن وعدم التصديق على وجهه ورأيت مكابرته على البكاء في هذا الموقف فراقبت حركاته لدرجة أنه أشغلني عن المشاركة في الدفن واسم هذا الولد " البراء" فقلت : في عيونك يالبرا دمعة برية = شفت في برّاقها حزن الطفولة يالبرا لا تحسب الدمعة خفية = لو كسا الوجه التصبّر والرجولة شفت دمعة فيها عجز المقدرية = وبانت فوجهك تعابير الذهولة في شفير العين دمعتك الأبيّة = وتنظر الجثة على اكتاف إمحمولة وشفتك تحاول تطاول لو شوية = البشر حوله وشوفك مايطوله ثم وقفت فصمت يحكي عن شكية = يوم حانت فالقبر ساعة نزوله نزّلوه وميّلوه بكل روية = وقيل بسم الله وعلى سنة رسوله كنّي بك وانته تنادي " وش بيديه" = ودك تفرق جموع الناس حوله كنّك تقول للملا.. "ردّوه ليه" = والملا تدفنه ياخيّي عجولة " ردّوا جدّي والله لاعطيكم هدية" = ياطفل كل البراءة في حلوله وكني اسمع صوت صيحتك القوية = " كيف تحثون التراب بهالسهولة" إغمضت عينك كما اللي حس كية = وناخ رمشك عقب مازادت حموله وسالت الدمعة..بعد كانت عصية = إندفن معه الأمل في شوف زوله عزّي لعينن تمثل مسرحية = فاز فيها الدمع بادوار البطولة في دموعك ذكريات الجد حية = والحكي صارت ركايبه إمعقولة ورحت تبكي جنب أخيينك يا أخيّه = وانها الدمعات فأعينهم جفولة وسرت حاير.. بين روحة وبين جية = ذود فكرك فاقدن راعي رحوله الخدود بدمع عينك مسقوية = والحزن دِقّت حوالينك طبوله يعلم الله يالبرا ويشهد عليه = ما ألومك في مصيبتك المهوله لكن اسمع يالبرا وإحسن إليه = من كتاب الله الكلام اللي بقوله كل نفسن وارده عد المنية = وكل إنسانن بيُسأل عن فعوله ماتفيده هذي الساعة حمية = ولا يفيده هو من أيتها حمولة إدع له يرزق ثبات ومغفرية = حين ما يُسأل عن الشرع و اصوله منهو ربه ؟ وشهو دينه ؟ من نبيه ؟ = إدع له يحسن جوابه مع قبوله واعرف إن من راح منها يا هنيه = ريّحه ربي من همومن تنوله لا يغرك ورد ..هالدنيا الدنية = وردها ماله ضمانة عن ذبوله دنيتك مضمار وأعمالك مطية = والممات تباري البارق ذلوله لا تدور تحت شمس الموت فيه = تحت شمسه كل نجم اُعلن أفوله والله إنك يالبرا أثرت فيه = وانتفض بركان شعري من خموله والدليل إسهابي فحالتك ذيه = كيف ما استقصرت قافي زاد طوله كفكف دموعك من العين الشقية = وإرث في حالي بعد حالك رثوله ضد أمر الموت ما تِرفع قضية = وما تردّه لا وساطة ولا عمولة وإن تجمّعنا وتآزرنا سويه = محدن يرد المقدر عن حصوله عظّم الله أجرك ونحّى الأسية = يا جِعل حبل الحزن يِقطع وصوله والله يرحم منهو ولـّى وغاب ضيه = وعل فالفردوس مرتعه ورفوله . . . اخوكم \ ابو طلق . .

http://www.m-harb.net/vb/showthread.php?t=58629

	المشاركة الأصلية كتبت بواسطة ابو طلق

	اليكم هاللغز الخفيف و اللي ماهو صعب ان شاء الله . جات للمرسول فاقة = وماتردد فالإجابة راح لأصحاب النِفاقة = عقب ماتم انتدابه لكن بحكم العلاقة = زل و اشـّر في خطابه وعاد بالدس لرفاقه = الحيا والخوف صابه شد نفسه في وثاقه = وحرّم أكله مع شرابه حالف إمّا الموت ذاقه = ولاّ يـِتقبّـل متابه تاب ربّي عن مـِساقه = وانزل آيه في كتابه لغز واضح من سياقه = ماغطـَيْته فاكّ بابه قلته بساعة رواقه = وراجي من الله ثوابه وان بغيت الانطلاقة = هاك تلميح لجوابه لاتخلـّي فيك طاقة = ودوّره ضمن الصحابة .

http://www.m-harb.net/vb/showthread.php?t=73991
.
الحل: الصحابي ابو لبابة رضي الله عنه
.
وهذي قصة ابو لبابة
من موقع اسلام ويب
.
قال تعالى :
( يا أيها الذين آمنوا لا تخونوا الله والرسول وتخونوا أماناتكم وأنتم تعلمون ( 27 ) واعلموا أنما أموالكم وأولادكم فتنة وأن الله عنده أجر عظيم ( 28 ) ) سورة الأنفال
.
قال الزهري والكلبي : نزلت الآية في أبي لبابة ، هارون بن عبد المنذر الأنصاري ، من بني عوف بن مالك ، وذلك أن رسول الله - صلى الله عليه وسلم - حاصر يهود قريظة إحدى وعشرين ليلة ، فسألوا رسول الله - صلى الله عليه وسلم - الصلح على ما صالح عليه إخوانهم من بني النضير ، على أن يسيروا إلى إخوانهم إلى أذرعات وأريحاء من أرض الشام ، فأبى رسول الله - صلى الله عليه وسلم - أن يعطيهم ذلك إلا أن ينزلوا على حكم سعد بن معاذ ، فأبوا وقالوا : أرسل إلينا أبا لبابة بن عبد المنذر ، وكان مناصحا لهم ، لأن ماله وولده وعياله كانت عندهم ، فبعثه رسول الله - صلى الله عليه وسلم - ، وآتاهم ، فقالوا له : يا أبا لبابة ما ترى أننزل على حكم سعد بن معاذ؟ فأشار أبو لبابة بيده على حلقه أنه الذبح ، فلا تفعلوا ، قال أبو لبابة : والله ما زالت قدماي من مكانهما حتى عرفت أني قد خنت الله ورسوله ثم انطلق على وجهه ولم يأت رسول الله - صلى الله عليه وسلم - وشد نفسه على سارية من سواري المسجد وقال : والله لا أذوق طعاما ولا شرابا حتى أموت أو يتوب الله علي فلما بلغ رسول الله - صلى الله عليه وسلم - خبره قال : أما لو جاءني لاستغفرت له فأما إذا فعل ما فعل فإني لا أطلقه حتى يتوب الله عليه ، فمكث سبعة أيام ، لا يذوق طعاما ولا شرابا حتى خر مغشيا عليه ثم تاب الله عليه ، فقيل له : يا أبا لبابة قد تيب عليك ، فقال : لا والله لا أحل نفسي حتى يكون رسول الله - صلى الله عليه وسلم - هو الذي يحلني ، فجاءه فحله بيده ، ثم قال أبو لبابة : يا رسول الله إن من تمام توبتي أن أهجر دار قومي التي أصبت فيها الذنب وأن أنخلع من مالي كله ، قال النبي - صلى الله عليه وسلم - : " يجزيك الثلث فتصدق به " ، فنزلت فيه "

	المشاركة الأصلية كتبت بواسطة ابو طلق

	السلام عليكم ورحمة الله وبركاته . هذه مراسلة جرت بيني وبين اخي مخلد الحجيري ولقيتها بالارشيف . . اتقبل النقدر بصدر رحب . مخلد= حلفت ما اخون الرجال الوفيين= لو صرت ما املك في حياتي سواهم لا حدني وقتي على المر والشين = لقيتهم ضلعن يذري ذراهم أرقى سنود ولا احسب للمعادين = وليا ضميت اشرب من عدود ماهم نسل الرجال اللي تضد السلاطين = وقت الجهل والجور يعرف حماهم لاجيتهم وهموم فكري ملايين = صدّرت منهم والسعد في حراهم زماني علمني وقال افتهم زين = بنك الرجال ولا بنوك الدراهم .= .= ابو طلق= وانا معك ياعزوتي حالف يمين = ياللي على العليا مشيّد بناهم حنا سند لك ياسفير الشجيعين = ربعك غطا لك مثل مانته غطاهم إرقى سنود .. وتك ..واشرب فناجين = مادونك ألاّ رجال تفدى دماهم لك ولنا في صفحة المجد تدوين = حروب والتاريخ يثبت نباهم يامرحبا لا جيتهم تبهج العين = وابشر بصدرن مايضيق بسلاهم ربعك ماتشري صحبة الطيب بالدين = وانته في بنك الطيب اكبر مساهم . .

http://www.m-harb.net/vb/showthread.php?t=80552

	المشاركة الأصلية كتبت بواسطة ابو طلق

	حظّي سرى في ليل ماله مسرى = شايل حذاته في يده ومهبّق مستاجر العاصي دينـّه قشرا = بوديـّها كله زيوت مدبّق قاطع بها المقرود اشارة حمرا = واقف وراها عسكري ومطبّق صيّح عليه العسكري من قهرا = لابارك الله فيك لبّق لبّق صكـّه قسيمة لجل ماله عذرا = وش عذره اللي عن كفره مسبّق دايم يعوّد بالوريقة الصفرا = وآنا اكوّم فالورق واطبّق

http://www.m-harb.net/vb/showthread.php?t=81831

	المشاركة الأصلية كتبت بواسطة ابو طلق

	هذي محاولة بسيطة مع الربع واللي له ملاحظة لا يبخل علينا . يا ( وِزا لهفه ) تبدّت بالرياض = يوم شفت إنسان في سوق الذهب بيننا واقف سبب والبرق ناض = شايلن ستة نجوم ولا تعب كان تفكيرك رجع خالي الوفاض = أو جهلت الحل مافيها عتب ناد أبو هليل إذا ما الكيل فاض = يكشف اللي عن عيونك إحتجب . ولايهونون باقي الاخوان .

	المشاركة الأصلية كتبت بواسطة ابوهليل

	عد نبتن لاح في وسط الفياض=بعد مزنن ساق سيله وانسكب مرحبا ترحيب يغشاه البياض=بالاديب الي حفض فن الادب لغزكم واضح ولافيه اعتراض=بعد ماعدلت حرفه وانكتب حله الماذون لاحل التراض=يجمع الخلان ويصير السبب الغز حله ماذون والغز مصنوع بطريقة الريحاني والابجدي الشرح_ الرياض م _انسان أ_الذهب ذ_رقم سته يعني حرف الواو بالابجدي نجوم ن

	المشاركة الأصلية كتبت بواسطة ابو طلق

	كفو والله يالذيب . صح لسااااااااااااااانك يابو هليل على الحل والابيات ومافيك حيله ماشاء الله تبارك الله . . وهو مثل ماقلت حله بالريحاني والابجدي . وبديته بالدرسعي . يوم اقول يا ( وزا لهفه ) . معناها الثاني بالدرسعي يا ( ابو هليل ) .

http://www.m-harb.net/vb/showthread.php?t=73422

	المشاركة الأصلية كتبت بواسطة ابو طلق

	كل ما تذكرت ماضينا = عن صيحتي دمعتي نابت طابت جروح المعادينا= وجروح الاحباب ما طابت

http://www.m-harb.net/vb/showthread.php?t=86709

	المشاركة الأصلية كتبت بواسطة ابو طلق

	وادعتهم بالحضن واخفيت = دمعة من العين منهدّه سالت على الخدْ بعد حسيت = حرارة الدمع في خدّه

http://www.m-harb.net/vb/showthread.php?t=87199

مغبون واضرب على صدري = ماعاد تنفع ياليت ولو
يضحك على القلب من بدري = وآنا مع الود عايش جو

http://www.m-harb.net/vb/showthread.php?t=87390

	المشاركة الأصلية كتبت بواسطة ابو طلق

	دمعة وقفت في شفير العين=بين الحيا والالم حـارت طبع الحيا يقولّها تكفيـن=صبرك ولو دنيتك جارت واقسى ألم مايعرْف الليـن=يدفع بها كـل ماخـارت عزّاه يا دمعـة المسكيـن=عدّت سنينه ولا اختـارت

http://www.m-harb.net/vb/showthread.php?t=92656

	المشاركة الأصلية كتبت بواسطة محمد عبدالله البدراني

	تـــــوادعـــــوا كـــنّـــهــــم طــفـــلـــيـــن =فــقــلــوبـــهـــم حــــــــــــب ربّــــــانــــــي والدمعة اللي علـى الخديـن = كل(ن) مسحها عن الثاني

http://www.m-harb.net/vb/showthread.php?t=93000