ديوان الشاعر ( حفيد الحجيري )

الحجيري=
سلمّ يا تركي على ابو عيد=ودبلّ سلامي لأبن عمّي
وسلمّ على توأم ابو عبيد=سرور عد الرها الجمّي
وتسعين رده لسفير قديد=اللي باسم حرب متسمّي
وانته ما ننساك يابو زيد=سلام لك خص من يمّي
بعدين بأسألك يا صنديد=وضيوفك بدون ما أسمّي
لا صار حظك غزال في بيد=كيف اللقا بحظك يتمي

الصامت=
ترحيبنا من علو الحيد = منهم ومخصوص من يمي
بعد وصلنا سجل القيد = وفيه الوفا كلنا عمي
الكل منا عطاله سيد = يبني معانيه مهتمي
هاك الاجابة وهاك الفيد = بالكيف ماتحتوي كمي
نيشان خل الامل للصيد = بالحظ قدام لاترمي
من وحّده يوم ربي يريد = يابوعلي قبلها سمي

لا أستطيع سوى شعراً=ثأراً لمن قد به آمنت
عذراً رسول الهدى عذراً=بأبي وأمي و نفسي أنت

.

يا كشغري هل سببت "أحمد"=ويحُك .. فمن أنت يا أحمق ؟؟
من أنت حتى تقف كالند=للمصطفى "أحمد" .. رسول الحق

الحجيري=
البني طوبه على طوبه=متخالف البني ما يعمر
وحرية الراي مطلوبه=الشعر ما فيه خط أحمر

العم أبو سالم الرحال=
الكل يبنى على اسلوبه=كلاً على قد مايقدر
ومن خالف الساير دروبه=يندم على يومه الأغبر

الحجيري=
لا شك واللي شمر ثوبه=أكمامه الطايله تشمر
والحرف من ينزل حروبه=أعزل بلا سلاح . ما يظفر

العم أبو سالم الرحال=
السوق ياكثر مجلوبه=ماله حصر لو تبى تحصر
والبايره غير مرغوبه=لابد فالسوق ماتخسر

الحجيري=
على هلَ السوق محسوبه=إن تترك البايره تكثر
إنته وأنا ومثلنا وجوبه=يسعى سوى العذب ما يظهر

يا ملفت أنظار من حولك=سرقت مني نظر عيني
أعمى سبايبك !! وش قولك؟؟=أشكيك .. وألاّ .. تقدّيني

الحجيري=
بإسم الحجيري لماجلاااان=الصاحب الفارس الحلحيل
سلام ما يقبل النسيان=تاريخ يبقى مع أهل القيل
ماجلان=
رداً على ماوردنا الااان = من شاعر الطيب والتكميل
ترحيب يبقى مدى الازمان = كُل جيل ينقل صدااه الّـ( جيل )
الحجيري=
دام البقا والوفا عنوان=عن دربه أهل الوفا ما تحيل
والآن بسألك يا شيهان=وموجزك يغني عن التفصيل
ماجلان=
سلمت يا مجوْد السيسان = فالدرب حنا سوا مانميل
اسئل ونا مُصغي الآذاان = وتلقى الاجابة بلا تضليل
الحجيري=
يامن معاكم يطيب الدان=أشكي أسى فالفؤاد مهيل
ما تقتوي حمله الضلعان=له عام شام المحاني مقيل
ماجلان=
يا مشتكي من اسى واحزان = الوضع يحتاج له تحليل
هات الذي خافي الوجدان = قد ايش وسط الفؤاد اتشيل
الحجيري=
واضح ما يحتاجله تبيان=ينقال أكثر من اللي قيل
من يمسح الدمع والأعيان=ما تقبل المسح بالمنديل
ماجلان=
جاني صدى حرفك الرنان = فيه الاسى والدموع تسيل
وانا بوصيك يالربان = حتى الامل في سماك يخيل
الصبر طب الذي سقمان = لاصار مافالامر تبديل
والقسمة الي من الرحمان = عن دربها مالكم تحويل

أبو سرور=
سلام مبروك لآفيكم = علمٍ لفانا سررنا به
أطيب شذا الورد نهديكم = من فن زانت هناديبه
الحجيري=
ترحيب وافي يوافيكم=يامن هدى الورد فكتابه
الله يبارك لنا فيكم=يا حر في راس مرقابه

البيرق المنصور=
لي ود ماسدد ديونه = لكن يبغى يروح الحج
هل تستطيعون تفتونه = وتجاوبونه عشان يحج
الحجيري=
ما أفتيك . والشرع قانونه=يابو حسن كالنهار أبلج
حِجة معنّيك مرهونه=يا رخّصه طالبه ؛ يا أحتج

خالد بن عبيد الاحمدي=

يابو علي بالزمك حـدّك=من بعد وقت الملاقا زان
وماهمنى فيك وآضـدّك=لو يفزع سرور وبخيتان

الحجيري=
ما وِدّنا بـس إذا وِدّك=قدّام ، والماد يا حميدان
واِبشر على مدك نمدّك=وللكايده ذاخر الشجعان

خالد بن عبيد الاحمدي=

لو تشتبك يدي في يدّك=فمصارع المعركه خسران
ومن تعتزي فيه بيردّك=مادام خصمك صقر شيهان

الحجيري=

هزلك بدا يخالطه جِدك=وفالجِد ما تجهل الكسبان
لكنّ حلقّ على قدك=يا طير منتَ عشا سرحان

خالد بن عبيد الاحمدي=

لابوك جابه ولا جدّك=اللي يبي يوقف الطّوفان
من واجبك تحترم ندّك=ياذيب نمر الجبل حدمان

الحجيري=

يا صقْرْ أبرقعك وأهدك=وقابلني إنْ طرت بالجنحان
وإنْ هلّ دمعك على خدك=أرضيك يالخاطر الزعلان

الحجيري=
ماني بشرايّ بايعني=لكنّ لي قلب كيف أنهاه ؟؟
عيّا في صدّه يطاوعني=يا برنس ؛؛ رغم الذي سوّاه !!!
الحجوري=
مادام امير الجسد معنِي = إحساسه ادرى بمن يهواه
في رغبته لاتراجعني = قُل للفؤاد المود انساه

للراقي الود و التقديـــر = لكن ؛ لتعلم مجانينـــــــه
الطير فالجو مهما يطير = للشمس يخفض جناحينه