ديوان الشاكر ابو سامي / قسم القصائد

رسايل التهنئة بالعيد مااكثر عددها =
اشكال واصناف وعبارات من كل الانواع =
والمشكلة عندما نرسل على بعضنا بعض =
محمود يرسل لسالم تحت توقيع منصور =
وأخوك منصور مايعرف من أي القبايل =
والقصة المضحكة لعادت ارسالتك لك =
من شخص ترسل عليه وقام باعادة ارسال =
رسايل الصوم تأتينا في عيد الضحية =
ياللاسف ماندقق قبل رسل الرسايل =
المشعل ارسل رسالة تحت توقيع ابو شعيب =
وقلت يمكن رزقه الله ولد بعد سافر =
أثر الرسالة تلقاها وقام ورسلها =
ومن بعدها رن جوالي ولاه أبو صالح =
يقول معذار جات رسالة وأعجبتني =
وأرسلتها لك يابو سامي وللشيخ حمدان =
وأخذ معي في العذر والسالفة نصف ساعة =
والمصلحة كلها ندعم بهــــــــا الاتصالات =
الزين ومبايلي وأكبر عدد في أسْ تي سي [stc ]=
بعض الرسايل بنصف ريال والبعض بريال =
والبعض بأكثر مجزأ حسب طول الرسالة =
لوكان كلمت كان أفضل طريق المواصل =
تسمع صديقك وينشد صاحبك عن ظروفك =
تسمع صديقك وينشد صاحبك عن ظروفك =

تمردتي وصرتي عاصية من حيث ماتدرين = غرور وهيمنه ودموع معشوقك على عينه
وأنا والله ماودي معك نتبع سكة الغاوين = ودرب للشقاء حول الله أقوى بيني وبينه
وأقول الهجر ماينفع وكثره مايسر العين = سواة أصعب مرض يعجز في تشخيصه مداوينه
وأنا ليه ثنعشر عام يقفاها ثمان سنين = أصيح في الخلا مثل الذي ضيع مودينه
متى يطلع شعاع النور والداين يسد الدين = وابو حمدان يرجع له من الداين بعض دينه
على الله يازمان فات نشقى بك مع الشاقين = عزانا فيك لو الود يرجع كان ناسينه

هذه الزوماله من قناة النشاما قبل تسع سنوات للشاكر ابو سامي
رحنا بها الى العتبان والهذلان في الشرائع مزارق طيب واصحاب واصدقاء
لنا والخطوة جرية بيننا عزمونا ورحنا لهم في المرة الأولى وعزمناهم وواعدونا
على المجيء وبعد فتره وهم يتصلون علينا ويلزمون علينا وقالوا عندهم
مناسبة وشبب عارض وعلمت من مصادر انها عزومه لهم من احد اصدقانا
ولبوا له الدعوة حيث حلف عليهم بالموعد والحضور ,,
الزوماله

سلام ياعزوة عزيزة من شبابه والخنادف=
تسليم من روس الرجال اللي تجيب العلم هادف=
فيه الوفاء والطيب لاهل الطيب مادونه مجادف=
وان جات غلطه في الهدف ماهي غلطك ولاغلطنا =
والثانيه حنا لفيناكم على الخير المصادف=
واليوم شفنا علم قبله علم من سابق مرادف=
بعض العرب فوق الشداد وبعضها حول الشقادف=
امّا عطونا علم والاّ بعد هذي ماقلطنا =

ردوا واعتذر عن الرد لاني لم احصل عليه

هذه زوماله في 19/12/1429هـ الزوماله من الشاكر أبو سامي
والرد من صالح بن رويجح المطرفي وصلاح بن وارد المطرفي حيث
رحنا لهم بواجب وفاء بمناسبة سلامة عادل بن صلاح المطرفي
البدع,,

سلام تسليم الحيا اللي هل وبله من خياله=
سلام يشرح خاطر اللي يسمعه ويسر باله=
ينصى الرجال اللي لهم مقدار مع قوم الجماله=
صلاح بن وارد وربعه طيبهم ما به مجادل=
جينا نشارك فرحة اللي فرحته ماهو لحاله=
والحمد لله بالسلامه للولدونقول جعل الطيب فاله=
يالله لعل ابوه يفرح به وعمانه ويفرح به خواله=
عادل ويسلم راس عادل طول الله عمر عادل=
الرد,,=
يامرحبا في مرحبا والطيب ماتقصر حباله=
بين الرجال الطيبين وكل ماقف له رجاله=
الله يحييكم وكيف الضيف والم في دلاله=
درب الوفاء اللي بيننا قانون والطيب امتبادل=
جيتو على سبل الوفاء واهل الوفا تعرف مجاله=
الله يجمل حالكم والطيب واضح في الرساله=
اطلب وحنا نطلبه كل يسلم له عياله=
الواحد المعبود رب الكون للمالات عادل =

الحدايه من إعجازات الشاعر صالح بن رويجح المطرفي =
والرد من الشاكر ابوسامي/ جرت في أمسية في=
استراحة العم الشيخ/ابراهيم بن عواد الأحمدي على شرف ضيوفه الكرام=
يقول صالح بن رويجح::=
الأوله سلام رديه عدد وبل المخيل=
اللي سحابه عم عشب الارض وجذوع النخيل=
ركض السيول تقول فرسان تهاوت ركض خيل=
العين مستره ونو الخير همل وامطرا=
والثانيه/جينا على حسب الوعد لاأبو خليل=
الحربي اللي في لزومه لاذليل ولابخيل=
يشهد لكم تاريخكم ياحرب مزبنة الدخيل=
وهذيل ضد الطامعين اليا طراهم ماطرا=
الرد من الشاكر=
الأوله يامرحبا عد البروق اللي تخيل=
وسط السحاب الممطر اللي من مزونه له شخيل=
واسقى الديار المسنيه من بطن مكه للنخيل=
يفرح به اللي في مراتعهم شراكا وقطرا=
حنا قبايل حرب لافينا حليف ولادخيل=
وانتم هل التكميل ومواصل خليل مع خليل=
تاريخكم معروف سابق من قديم الوقت خيل=
يقراه جيل بعد جيل في كتاب مسطرا =

هدية الشاعر الهاب الوسيدي لاهل وادي الفرع =
ياحرب اهل وادي الفرع ملتقاكم =رائع ومتميـز وراقي وجذاب
مريت اشوف اخباركم من غلاكم =ولقيت مايسبى المشاعر والالباب
توثيق للحاضر عن امجاد اباكم =وحفظ المعالم والمراجع والانساب
الله يوفقكم ويسعد مساكم =وهذي هديتكم من الشاعر الهاب
الرد من الشاكر =
ياحرب اهل وادي الفرع ياهناكم=الهاب له رسمه وقسمه ولا غاب
سجل هدية فخر فـي منتداكـم=الله يجيره من صواديف الانشاب
رفيع قـدر وعاليـا مستواكـم=حرب النشاما كلكم شايب وشاب
طيب نبـاه وطيـب الله نباكـم=رب الملاْ اللي من ترجاه ماخاب

يقولون أنت شاعر قلت شاعر ضمن هالشعار = أجيد الشعر بانواعه وأقوله من صغر سني
أجيد النظم والقلطة وأجيد الشقر لاهل الكار = وليه في الفصيح لسان والكسرات والفني
وداري عن بحور الشعر واوزانه وارد الشار = لقوم الشار واجيب القصيد اللي يجملني
في باب النصح والارشاد لاهلا العرف والافكار = وتوجيهات لاهل الشعر واللي يستمع مني
وهالايام كثروا ناظمين النثر والاشعار = حقوق الشعر محفوظة وكم في الشعر متعني
وياكاف البلاء في المنتدايات انظروا وش صار = اشادات ومدح لاشعار تهدر كسر وتحني
تريدون الحقيقة قُدّم الاخفاء على الاظهار= وابو تمام مايدري عن اللي قال ابن جني
بامانه والامانه لانغير تجرة التجار = ولا نبسط بها في سوق كاسد يكسر القني

مرحبا ياقايد الجيش والقوات سلطان بن عبد العزيز= عدت للمملكة سالم معافى وغانم بالشفاء والسلامه
كل شعب المملكه ينتظر هذا اللقاء حتى الرضيع الركيز = اصدحي ياطيور وغردي عذب اللحون وغرهدي ياحمامه
والملك عبد الله الله يطول عمره أعطاكم العلم الوجيز = اصدر المرسوم عفواعن المحتاج والمسجون واضفى كلامه
انظروا قوة تلاحم حكومتنا بهذا الشعب ياهالعجم والانجليز =والعرب دايم لهم شوكة عظمى وقوة في نظام وشهامه
والله انا شعب واحد وتربطنا علاقه عنها مانحيز = مع حكومتنا وعن ديننا نحمي حمىالاوطان حتى القيامه
الفرح في كل ديره بعودة سيدي سلطان والشرع للفرحة يجيز=والعلم خفاق رفرف وعالي على قصر اليمامه

ياليت أنا وأنت يالمجمول ناخذ لو مية عام = ناخذ مية عام والدنيا علينا ماتويقي
نعيشها كلها أيامٍ فرح وسرور وأحلام = أحلام من هو في هذا الكون صدره مايضيقي
بيني وبينك عهود وعقد مبرم بيننا ابرام = موقعه من شيوخ الحب بالختم الوثيقي
واللي يخونه يلاقي مثل مالاقاه صدام = يصير عبره لغيره والبشر يباس ريقي
وأنا أعرف انك رزين ومايغرك زيف الاوهام = لمست فيك الوفاء والصدق والحب الحقيقي
أودعتك الله لامني مشيت ورحت للشام = وأودعتك الله لارحت اليمن طول الطريقي
وان كان سافرت غرب وشرق يمنع عنك الاسقام = ربنا خلقنا وأنا واياك معشوق وعشيقي

هذه القصيدة في يوم الخميس الموافق /19 / 12/1428 هـ
رحنا أنا وخوياني بواجب لاخونا صلاح المطرفي بمناسبة شفاء ابنه عادل
من الكسر والحادث الذي تعرض له.

أول المبدا سلام بردة فواحه = طعمها سكر نبات وريحها ريحاني
من هجوس الشاعر اللي ماتعرف الراحه = قبل ماتوفي حقوق الواحد الدياني
ثم حق الوادين اللي صعيب انجاحه = مايكمل حقهم ريض ولاعجلاني
ثم حق الصاحب اللي نفرح من افراحه = مع حقوق الضيف والصدقان والجيراني
بعدها تلقى هجوسي هاديه مرتاحه = كن وبل الغيث غاشيها من الامزاني
كل باب من الشعر يطرق معي مفتاحه = غير باب يجيك معه الريح والدخاني
والله اني ماطرقه لو قالوا المزاحه = غير أزيده قفل ثاني واقفله بالعاني
والحقيقه جيت أشارك والدلي مياحه = كل واحد يدلي بدلوه من الاخواني
جيت اشارك مجلس عامر وجني ارباحه = بالنيابه كان أجازوني هنا خوياني
بعد ماعادل جبر كسره وطاب جراحه = يحفظه ربي من الشيطان والاعياني
والهموم اللي قبل كانت هنا منزاحه = من صدور اصحاب ابوه ورعه الهذلاني
واسمحوا لي كان شعري مارتقى بوشاحه = كان صار قصور عند الشاكر الفرحاني