ديـوان الشاعر / نفاع محمد السهلي ابوفـــرح

ارجو من الشاعر ابو فرح وضع اي كسرة جديده في هذا الديوان

واتمنى له التوفيق

	المشاركة الأصلية كتبت بواسطة الحب الباقي

	ارجو من الشاعر ابو فرح وضع اي كسرة جديده في هذا الديوان واتمنى له التوفيق

ابشرررررررر طاااااال عمررررررررك

والله يعطيك العافيه على الجهد اللي بذلته في تجميع خرابيـش ابوفرح

تسلم تسلم تسلم يالحب الباقي وبيض الله وجهك والله يعطيك العافيه

خاااطره
.
.

ياعين كفي كفا ماجاااك = كفي مخايلك ومزووونك
اللي هدر دمعتك وابكاااك = يضحك مع اللي يبكووونك

خااااااطره
.
.

خط القلـم والحبـر دمعـي = صدر الورق من دموعي ابتل
انعي جروحي وهـي تنعـي = بعد المسافه وضيـق الحـل
يوم الجفـا ماقـوا طبعـي = جيش المآآسي دنا واحتـل
سقت الوصيه علـى ربعـي = خـوف الموازيـن لاتختـل

.
.

احــيـــــــاااااااااان واحــيـــااااااااان

مع الشاعر صقر المقرح
.
.

احيان كني بقايا انسـان = اجمع شتاتي من ايامـي
واحيان كني صقر شيهان = حامي وفالجـو حوامـي
واحيان ياكم من احيـان = اصحى على عضة ابهامي
للآن حالي معـي مابـان = حتى عليه اصدر احكامي

.
.
صقر المقرح

يـاكـم مثـلـك غــدى حـيـران = فــي وقــت بـددلـه احـلامـي
يتـفـاجـأ بـكـثـرة الأشـطــان = بـهـا الـوفـا صــار الـزامــي
خلـك لـهـا المعضـلـة ربّــان = صامد على الوقت وعصامي
عيش العمر مهتنـي نشـوان = لا تتعـب النـفـس باوهـامـي

.
.

رحنا ثلاثه يابوبتــال
.
.

ابوفرح

رحنا ثلاثـه يابـو بتـال= قلبي وروحي وطرف العين
جينا وجبنا الهموم اشكـال= كلن يقول الطريق منيـن

نعيم السيد

ما يضيع من يحسب الافعال= لجله معه فالدروب معيـن
وبيني وبينك كتمنا القـال= والدرب قبله مع الناجيـن

ابوفرح

اسمع كلام العليل اش قال=بعد اعترضله قمر عشرين
فاقد صوابه وحالـه حـال= ميت ويمشي مع الحييـن

نعيم السيد

مالك كذا غير طول البال= وترعى المنازل إلين يبين
إما ابتسم حظـك الميـال= ولا انسيتوا مع المنسين

ابوفرح

شفت المنازل لها اقفـال= وقع عليها غراب البين
مادري بعدها يطيب الفال= والا اتنحى مع الناحيـن

نعيم السيد

الله يـا مصعـب الأحـوال= من حالك اليوم يا مسكيـن
تنعى الاحبه على الاطـلال= وتعيد ذكرى لهـم وسنيـن
واجمل نصيحه من الامثـال=ان القسى فآخـره بيليـن
وانت نبيه الفهـم والعـال= وكفكف دموعك على الخدين

,
,

هذا الوفا من زمن راعيه
مع الشاعر ابووافي
.
.
ابووااافي

يابو فرح لاطرى طاريه= تبعثر القلـب خلانـي
قام أيتوجد على غاليه= وأنا أتوجد على أزماني

ابوفـــرح

هذا الوفا من زمن راعيه= ماجملـه دمـع الاعيانـي
لـو للاطبـه دوا يشفيـه= ارسلتلـك منـه مجانـي
لاكن كلامـي اذا توحيـه= خلك من فـلان وفلانـي
المرء ما يأسره ماضيـه= ولايعيش مرهون الاحزاني

,
,

طير الاشواق
.

ياطير الاشـواق امنتـك= روحي وداعه معك ياطير
ومن المواثيق سلمتـك= عطر و هدايا لجده غير
ولولا المحاذير علمتـك= كيف البدو يحفرون البير
ياطير بالـورد جملتـك= طير وتعلا عساك بخيـر

.
.

خاااااااطره
.
.

استبسلت فالـوداع عيـون= دموعهـا فالمحـاجـر دم
اصعب من الموت لو تدرون = فرقـا المواليـف للمغـرم

مجاراه للشاعر الصييفي
.
.

ابـو فـرح بيَّـح المكنـون= و من صدق شكواه هَمِّه عمّ
بالموت ينسى الحزن محزون = و الا المفارَق فراقـه غـمّ

مجاراه للشاعر بيان الصمت
.
.

الود بحره شقا وفتـون= يعصف بنا موجه المحكم
ويتكرر الموت للمحزون= في كل لحظة وداع وهم

.
.

الصداقــه
.
.
ابوفــرح

يامن يعجل عليه الان = ويجـيـبلي قول مشهودي
هي الصداقه كلام لسان = والا مواثيق وعهودي

جريح الفرقا

حـيـيـت يـانـاظـم الـقـيـفـان= والـقـول مـاحـد بـحــدودي
تـرا الصداقـه لهـا سيسـان= تاضح عن البيض بالسودي

بيان الصمت

يامرحبـا بصاحـب التبـيـان= بـابـذل لــك الآن مجـهـودي
معنى الصداقة وجود انسان= ومـن يفقـد الخـل مفـقـودي

ولد المقرح

أنــا اجـاوبــك يـــا فـنّــان= ياللي تلامس وتر عـودي
ترى الصداقه لها الإنسان= يبذل مع الصدق مجهودي

ماهر ابوخالد

حسب الذي صار فالازمان = وحسب التراحيل وجدودي
ساعات تلقى بقايا اركان= وساعات اصمد من الجودي

عبدالعزيز الزويهري

جواب عاجل على ميـزان= فيـه الموازيـن بـحـدودي
التجربـة خيرهـا البرهـان= في عمقها يبان مقصودي