ردي على الشاعر الكبير سلطان الهاجري حول تجاهله صياف

صح السان ياسعد


وصياف الله يرحمه يوم كاان حي كان الكل يضربله الف حساب
بل فيه شعراء تعتذر عن المحاوره اللي فيها صياف خوف منه
ولهيبته على الشعار

اما سلطان الهاجري شاعر لايختلف عليه احد
ولاكن (((((ماهي غريبه منه)))))

	المشاركة الأصلية كتبت بواسطة محمد عبدالله البدراني

	اخي العزيز شاعرنا القدير سعد المحمدي سلمه الله اسمح لي بان اطلق عليك شاعر المواقف او درع القبيله وحربتها مليون صح السانك وعلا شانك وودي اسأل هل وصلت القصيده لابن وساام موقف وشاعر او شاعر موقف واانت كليهما قرات قبلها وقبلها مواقفك المشرفه وقصائدك بتلك المواقف بيض الله وجهك يادررع القبيله تحيتي وتقديري

الاخ والشاعر القدير محمد عبد الله البدراني صح بدنك وبيض الله وجهك
على المرور والتعليق مشكور على اللقاب التي سميتني فيها
و فيه من حرب احق من بها يالغالي الله يبيض وجهك حتى ترضا
عن وصول القصيده لشاعر الكبير سلطان الهاجري انا البارح اللي وصلتني المساجله واليوم رديت وان شاء الله رايح توصل له
تحياتي وتقديري

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وبيض الله وجهك على المرور

	المشاركة الأصلية كتبت بواسطة السهم الحربي

	الله الله الله الله الله عليك يا أبو تركي أنشهد أنك رديت الرد الكافي الشافي لله درك لله درك ,, والله إني عرفت إنك تبي ترد على رده ابن وسام قبل ترد لثقتي العاليه بشاعريتك وبحميتك للقبيله ,, فأنت شاعر مكسب وتعتبر مفخره لقبيله حرب عامه ومثل هذه المواقف خير دليل على ما أقول ,,, فأبن وسام أخطى خطاء عضيم رغم أني من متابعين سلطان الهاجري والمعجبين بشعره إلا أنه أخطاء بحق شعراء حرب فتناسى الميت والحي منهم تناسى أسطورة شعر المحاوره وشاعر الخليج الأول (صياف) رحمه الله وتناسى ملك النقض ( راشد ) فخطاء العاقل لايغتفر وأنت جيت ياشاعرنا القدير لتقف وقفة أبن الحرب المخلص وترد على هذا التجاهل بقصيده حوة كل مقومات الجزاله ,, أتمنى من المشرفين تثبيت هذه القصيده ,, صح السانك ياأبو تركي حتي ترضى شاعر كفو وجزل دمت بخير

الشاعر الكبير فهد مطلق السليمي صح بدنك ومرورك ياولد العم تاج على راسي
ومشكور على كل حرف كتبته عن شعراء حرب الاموات والاحياء
ياخي انت لك الفضل الاكبر اخبرتني عن المساجله وارسلتها لي رساله خاصه
وهذا وفاء منك اتجاه القبيله
حقيقه يعجز التعبير عن شكرك ياراعي الحميه
تحياتي وتقديري

	المشاركة الأصلية كتبت بواسطة محمد عويض البدراني

	سمح لي أن اسميك بالقب الذي اطلقه عليك الشاعر والمستشار محمد عبدالله البدراني واقول صح لسانك يادرع الجزيزه وحربتها وبيض الله

الاخ محمد عويض الله يبيض وجهك على المرور ويبيض وجه المستشار
محمد عبدالله البدراني وحنا كلنا تحت سقف واحد في خدمةالقبيله

اصلا الهاجرى هذا هل هو الاخطل ولا اوبو الطيب المتنبى...قطعة شاعر مايحيي الصفوف الا بدفع الفلوس

	المشاركة الأصلية كتبت بواسطة حميدان العوفي

	اولاً - صح لسانك ياشاعر المواقف و الله يا ابو تركي انك تستحق لقب شاعر حرب بغير قصور في شعراء القبيلة و انت كفو كفو لذلك. لأن لقب شاعر حرب مايستحقه إلا شاعراً يدافع عن قبيلته مثلك و شرواك .. أما شعراء المناسبات و المصالح المادية لا يستحقون أن يلقبون بهذا اللقب لأن شاعريته دووووووب نفسه و يراعي مصالحه الخاصة و لاهمته القبيلة . ثانياً - الشاعر الكبير / ابن وسام أخطأ بتجاهله لذكر زميله و معلمه شاعر الخليج( صياف الحربي ) عندما ذكر رموز شعراء المحاورة الحي منهم و الميت و تجاهل ذكر اسم شاعر الخليج / صياف الحربي فمن باب الزمالة و نطق الحق يجب على / سلطان الهاجري ذكر شاعر الخليج لأنه ذكر شعراء اقل مستوى من شاعر الخليج. و كذلك تجاهل الشاعر الكبير/ راشد السحيمي. و اعيد و اكرر شكري و تقديري لك ياشاعرنا الداهية / سعد المحمدي .. على مواقفك المشرفة . و دمتم بخير يقول الشاعر/ محمد السناني قبل رحيل شاعر الخليج ساحة الشعر لو صياف عنها يروح= صار للعازمي و المورقي منزله

لاخ الغالي والصديق الوفي حميدان العوفي مشكور على شرحك الوافي
والمميز حول الموضوع وان دل يدل علىحميتك على القبيله
وانت من الركايز الاساسيه في الدفاع والحميه عن حرب
مشكور على جميع حرف كتبته يابو ناصر اما عن شاعر حرب يوجد بالقبيله منهو افضل مني

	المشاركة الأصلية كتبت بواسطة نافع الحربي

	الأخ العزيز والشاعر الكبير : سعد المحمدي صح لسانك وبيض الله وجهك لقد طرقت الشعر فأعطيته حقه من الإبداع وجزالت المفردة ووضوح المعنى ولديك القدرة الفائقة على استخراج شوارد الشعر المفيدة : فأحييك أيه الشاعر الجزل شاعر المواقف وشاعر الحمية وشاعر القبيلة الله درك لك جزيل الشكر تقبل مروري المتواضع لك من اخوك التقدير والإحترام :

الشاعر الكبير نافع الحربي منك نتعلم ياولد العم الغالي
ماعليك زود ياراعي الوفاء
مشكور على المرور والتعليق المميز
تحياتي وتقديري

	المشاركة الأصلية كتبت بواسطة العقيــــــــد

	صـــح لسانك ياسعد وصيّاف الله يرحمه غني عن أن يذكره أياً كان ,فهو مـلك الشعر في حياته ورأس أهرأم المحاوره وهذا الامر لا يمكن أن يجحده من يقول الحق. اشكرك اخي ولاهنت.

شهاده منك نعتز فيها
والنعم بكم يابني رشيد

	المشاركة الأصلية كتبت بواسطة غالي بن ربيعان

	صح السان ياسعد وصياف الله يرحمه يوم كاان حي كان الكل يضربله الف حساب بل فيه شعراء تعتذر عن المحاوره اللي فيها صياف خوف منه ولهيبته على الشعار اما سلطان الهاجري شاعر لايختلف عليه احد ولاكن (((((ماهي غريبه منه)))))

الشاعر غالي بن ربيعان مشكور علىالمور المميز تحياتي وتقديري