ديوان الشاعر الاستاذ ( صالح الحربي )

	صدق المحبه متى يرجع ؛؛؛ اكثر صنوف الهوى مغشوش الم سهرها غدى يفجع ؛؛ والباقي كله وهم مرشوش

	احذر من الغدر والملعوب ؛؛ لايجني القلب متاعيبه الوافي خله صديق محبوب ؛؛ وخلافه لاتنتظر طيبه

	يادمع الاشواق لو تحكي ؛؛؛ لاعزفلك الحان باوتاري كل اللي تقدر عليه تبكي ؛؛؛ اول ماتسأل عنه داري

	ياليل صبري حباله طوال ؛؛؛ والدمع مايرحم الولهان اخاف ودي غريب احوال ؛؛؛ قله فوادي بجوف انسان

	مأساة قلبي ودمع العين ؛؛ بأسباب رمش الغضي الفتان اللي مضالي مراره شين ؛؛ يألم قلوب البشر والجان

	الهم قاعد بوسط الجوف ؛؛؛ والنار قايد لهبها فيه اماني تسأل ملاها الخوف ؛؛؛ لساع باقي امل نرجيه

	مغرم وسد الالم مخفيه ؛؛ موعود قلبه مع الاتعاب ياكم معنى هواه مشقيه ؛؛ حتى مماته وهو منصاب

	امر المقدر شبيه الخيل ؛؛ يسبقك ينظرك بعيونه طب البحر حتى عوم السيل ؛؛ يلحقك مانلت مضمونه

	الحر فاوقات اقداره ؛؛ ترسل عليه العنا اصناف زمانه لاهون اخطاره ؛؛ ضمه شقا كامل الاوصاف

	نجم الليالي دنا ساري ؛؛؛ مع تالي الليل ونورالصبح وقفته اسأل عن الطاري ؛؛؛ قلي في تركه غناة وربح