ديوان الشاعر الاستاذ ( صالح الحربي )

	مليت اعاتبك يالقاسي ؛؛ الضامي بارض الجفا يذبل بالهون لاتقطع انفاسي ؛؛ حتى هلاك الهوى يقبل

	ياناهب القلب بعنادي ؛؛ ودك دعاني ولبيته نورك ليالي لنا بادي ؛؛ واليوم عن عيني اخفيته

	من وده عقبله الهوجاس ؛؛؛ خلا المواجع عليه تنهال صبره يهون آهات الباس ؛؛؛ ولا جروحه دواها محال

	بالحال فزت عروق القلب ؛؛ واختل نبضه بتغريبك معك امانه بليل الغلب ؛؛ تذكر متيم بغى طيبك

	ان كنت عاشق وتهواني ؛؛ عيد النظر رتب الاوراق اسهر مع الدمع وحداني ؛؛ وكثر العنا اتعب الخفاق

	ياراقي بحر الهوى موجه ؛؛ تدري كثير المهالك فيه خواطر العشق وهروجه ؛؛ تقرا المها قبل تحكيه

	عانقني الوقت بالآمه ؛؛ والقلب صابر ومدرق هم يصبله المر قدامه ؛؛ يغض طرفه لو انه سم

	تضما قلوب البشر عاده ؛؛ ماهو غريب العطش وارد بس فودادك بزياده ؛؛ عشته مع غدرك البارد

	مثل القمر والعيون كحلا ؛؛ فاللون والنور والمبسم لاغاب ليله يعود احلا ؛؛ والقلب على فتنته اقسم

	امسيت من لوعتي مشتاق ؛؛ واصبحت مع دمعها حاير ساس الالم فالمحبه اشواق ؛؛ ولا غرام خالف الساير