ديـوان الشاعر / نفاع محمد السهلي ابوفـــرح

ياحبنا اللي لنا باقي = تسلم ويسلم لنا لونك
اهديك باقه من اشواقي = وباقه من الورد لعيونك

ورقان مني لك التقدير = شاكر مرورك وتشريفك
تكميل مانتم هل التقصير = والكل يشهد مواقيفك

اهلا هلا ربنا يبقيك = فيصل لفانا عضو ماسي
مليون مرحب ولاتكفيك = ياللي كلامك على راسي

وهذا الفريدي بناخي الذيب = شامخ كما ضلع ورقاني
اهل الوفا والكرم والطيب = واوصاف يعجز بها لساني

ابوفرح=
نادولنا سالم البشري = قولوا زكاة المثل حلت
معادن الطيب من بدري = يبونها الناس لو قلت
صقر المقرح=
وش غيّبه بس ما أدري= اكبودنا من البطا انعلّت
لا يكون في حومة الحِدْري؟= ونفسه من المنتدى ملّت
ابوفرح=
اخذ الخبر والخبر حصري = بعد الفتاوي لهم حلت
سالم مسيّر معه عذري = يوم السما بالمطر هلت
بيان الصمت=
سلام ختمه عسل يبري=ياهل المعاني لكم هلت
سالم زكاته قبل تحري=قدَّم لعامين ما ولَّت
سالم البشري=
ترحيب للي زهم حصري=من روح للطيب ماملت
ماحدٍ على واجبه مزري=وأيام الأجواد ماولّت
ابوفرح=
الحمد للي له الامري = بعد الموازين ما اختلت
جاب الخبر طيب الذكري= وارسل تقارير ماخلت
سالم البشري=
مادام هب الهوى بحري = نسايمه من عصر طلت
واللي يبى المحمل المصري = بشاير الخير مازلت

ابوفرح=
جمّال اقفى مع جماله = والجيب لايق على الحربي
والمروحه ليه شغاله = مدام عندك هوا ربي
سالم البشري=
ياصاحبٍ جيت في باله=قليل منهو مشى دربي
فالمروحه رمز ورساله=ظاهر هدفها ومتخبي

ابوفرح=
رفاقتي لو تناسوني = لااقدر لا انسى ولا اسلاهم
لو انهم مايمروني = امرهم لجل ذكراهم
صقر المقرح=
ماينتسىَ حُر دندوني = تسعَد بلقياه دنياهم
مادامه الطِيب مكنوني= على الوفا دوم تلقاهم
فواز الزويهري=
بالأمس رفت كلا عيوني=وقلت غايب مدى جاهم
ياليت دايم يطلوني=بالملتقى يكون مرساهم
سالم البشري=
وافـــي مـــن الــلــي يـوفـونــي=فـقـلـوبـنـا كــيـــف نـنـسـاهــم
لـــو مـــرت أوقـــات يـاجـونــي=يــابــو فــــرح ونـتـحـراهـم

ابوفرح=
ليت النويمي يوافـيـنا = ناخذ ونعـطي معه بنـظام
اما يفـند دعاويـنـا = والا فرضنا عليه احكـام
ابوفياض النويمي=
لاوالله ألا تلاقينا=والوقت يمضي معي قدام
في حاضر الوقت وماضينا=نبدي لكم حاضر الأيام
ابوفرح=
يوم العطايا بتثـمينا = اسمي معلق عليه وسام
جحدتنا ليه تعطينا = دام العطايا ماهي بالزام
ابوفياض النويمي=
على العطايا تربينا=والمسأله كلها أختام
مرسول جاكم بيادينا=مكتوب ومثبته بالعام
ابوفرح=
مــاقــول قــالــه بـنـاخـيـنـا=العـلـم فـيــه الـحــدود تـقــام
لاتـخـلــفــون الـمــوازيــنــا=وانتـم نشـامـا عـيـال كــرام
ابوفياض النويمي=
الله يــحــقـــق امـانــيــنــا=والملـتـقـى ماعـلـيـه اخــصــام
انــكــان جــاتــك معـانـيـنـا=الـمـعـذره ماعـلـيـهـا ارقــــام
وانـكــان بـالـحــق تنـصـيـنـا=ننـهـي القضـيـه بــدون اعـــدام
لــــولا مـحـبـتـك مـاجـيـنــا=وانـتـا لـهــا والـوعــد قـــدام

ابوفرح=
وجدي على سايق اللوري = لادن حنت معه بـيروت
ماهو كما سايق الهوري = ضيع نهاره فشـكة حوت
وحيد الجزيرة=
هذا مثل واحد(ن) كوري=يبغى يدور على مبخوت
وهذأه مثل الذهب جوري=مايتبع إلا ذهب ياقوت
صقر المقرح=
الاوّلي صاحبه سوري = حمّل نعيمي لأجل القوت
والثاني جاب السمك بوري = وارسى ببوته فوسط يخوت
البحار خالد=
يامرحبا سجل احضوري=فبياح ولا مابين خبوت
فالبر اقنص بناظوري=اما البحر لو تجيني تموت

ابوفرح=
جينا برسم القوانيني=والكل فينا يحث خطاه
منا لجمع المحبينـي=وافي سلام الوفا نقراه
بيان الصمت=
ترحيب ياللي موافيني=يامن على الطيِّبة لقياه
من يانع الورد تهديني=لك الفرح واسمكم حلَّاه
ابوفرح=
ياصاحبي كان توحينـي=الزم من المشتكي دعواه
ماضي له ايام وسنينـي=يمشي خياله عكس مبداه
بيان الصمت=
في شرحكم سـر تكوينـي=واضح على القلب من نجواه
يجتـاح كـل الموازيـنـي=والعين تنظر حسب مـرآه
ابوفرح=
طرفي شقي دوم مشقيني=كل ماعضيته تهامل ماه
امسى اسير المزايينـي=من بعد ماهو عزيز الجاه
بيان الصمت=
طرفك خطر يامحاكيني=من طاوعه يحتمل بلواه
ومن ينخدع للرياحيني=مر الطعم مربحه والآه
ابوفرح=
عجـل بحكمـك وافتينـي=عطني قرارك وحط امضـاه
شوفـي مـن اول يقدينـي=واليوم مادري وش اللي جاه
بيان الصمت=
من بعد فحص المضامينـي=واللي حوى شرحكم أعـلاه
دانتـك كــل البراهيـنـي=وادرى على القلب من رجواه