ديوان الشاكر قسم الكسرات

والله مانقبـل التجـريـح = في ملتقى ربعنا السامـي
لابالمباشـر ولا تلمـيـح = وش رايكم راي أبو سامي

ساهمت في منتـدى وده = ورجعت بالبيرق المنشور
وعشت مع جزره ومـده = من العشاء لاطلوع النور
ومديت يـدي ابـا يـدّه = وكفها قال لـي مشكـور
أثره حلـم نعنبـو جـده = خلاني ابوح بالمستـور

سـلام ياملتقـى عامـر = بحرب النشاما هل الطالات
لفيتكـم بشـرح الخاطـر = وأعدها أسعـد الحـزات

قلبي عن الود حديتـه = حد الظوامي عن الجمه
وعن كل مااهواه رديته = حتى بنبضه عكس دمه

توجت في ملتقى الكسرات = مشرف وحملت بالتكليـف
ولادارة الملتقـى بالـذات = شكري وتقديري التشريف

بعض المرض يلتقى لـه طـب = والبعض مالـه دواء معـروف
والمشكله فـي عـلاج الحـب = وادهى وأمر المرض في الجوف

ابغى شريحة سوى للنت = وتفعلوها علـى شانـي
ولا تقطعوها لا مني مت = كله على شان خويانـي

يامـا درسـنـا وكافحـنـا = ونلنا شهـادات مفروضـه
وان كان في الكون مااصلحنا = في يوم الاشهاد مرفوضـه

الله يـاكـم مـامـرّت = علي من مشكلات عضال
قاومتها بـس ماقـرّت = لهـا موازيـن يالعقـال

هذه محاورة جرت بيني وبين العم قميش القريقري=
شافاه الله وعافاه قبل ست سنوات تقريبا =
الشاكر أبو سامي=
ياقميش ياحضرة الدكتـور=ياصاحب الطـب والخبـره
ويش الذي يجبر المكسور=اللي سنه مانجبـر كسـره
لاتوصف الصبر لي مشكور=لاجله كما المر والصبـره
ابغى علاج ابين من النور=يفيدنـي قبـل لااختبـره
رد العم قميش القريقري=
هيا استمع ياعميـد الشـور=الاسر ماعـود مـع يسـره
حرام لولا الاسـى والجـور=ماينتمي أنـس مـع هجـره
تظلـم النسـر والعصفـور=وتظلـم الـمـد والـجـزره
وش قسم راع العيون الحور=في المشتكى اللي على النشره
حتى تقول الصبـر معـذور=ويجـوز مانقبلـه عــذره
الرد من الشاكر أبو سامي=
ميلتني في عميق بحـور=وخرجتني مع سم الابـره
حرام طول العمر مقهـور=واصير بين الملا عبـره
لو التظلم يجـي بالـدور=لعيش الايام فـي حسـره
تقدير الآمر على المأمور=أعيش وأموت طوع امره
مالي في بحر الغرام عبور=اصرف نظر عنه بالمـره