روائع شعريه |
روائع الكسرات |
|
||||||||||
مــلتــقــى دواوين شــعــراء الــقــوافــي [ جميع الشعراء ] |
|
أدوات الموضوع | إبحث في الموضوع | انواع عرض الموضوع |
|
19-10-17, 11:19 AM | #1 |
سرا بارق ماشافت اعيوني أمثاله
كما الشمس فوق الأرض في عز شرقتها على دار مجمول له اقشر تهياله وبعد دياره واخلف العود وجهتها بعد شد دمع العين ماكف هماله مصيبه علي وهي كبرت مصيبتها الا ياوجودي صار يابعد منواله بعد راح عني كل باقي قرابتها منول يجيني بعد شهرين مرساله ورد الرسالة والحق الروح ونتها عليها الله اكبر آه يارحت في حاله تسر الحسود ولا يصدق بشوفتها ______________ قصيدة الغامدي الله اكبر يادهر من فعلة في القلب غايره احسبنها من عدو لي مراقبني واخذني غره وأثرها من محزمي والخنجر اللي كنت اشيلها وانا متباهي بها وغلاتها عندي سوات عيوني ماحسب أن الدهر متقلب وله مدات خاينه كنت مغليها وانا احسبها من اخصامي تبا تحماني سرقتني وطعنتني مامنعها الا نصابها قلت اخليها بجوفي خنجري لحمي عليها يبرا وابتسم للناس ماكن الشقاء بالقلب صابني سرت اداريها ولابس فوقها ثوبي واسير بكوني واحترس م الناس لاحي يشاهد دم كونها سامح الله خنجري سامحتها وانا عليها راضي ليتها ترجع تسامحني وانا سامحت في دمي الرد من الشاكر أبو سامي مجاراة قصيدة الغامدي الله اكبر والخيول اللي تصبح غايره كل خيله لاقبلت في مقدمتها غره عادت الفارس لاشاف الخيل ينتشيلها يمكن انه ضيف مقبل والمعزب عادته معيوني وإن شعل ناره ترا الموقد علت دخاينه والمواقد كل ما قربت منها نارها تحماني في البيوت اللي تذري كل من نصابها والرفيق اللي يقدر صاحبه لازم لدربه يبرا واعلم انه مايصير من المفارق والعصابني والرفاقه لاتشتت جمعهم جمعتهم وابكوني لين كل صعاب بقعاء في المحافل يدمكونها سامح الله كل من سامح وصان اعراضي والزلل والغدر والإنصاف طبع الآدمي ( الشاكر ابو سامي ) ___________=== العام أنا وأنت ياعذب اللماء في راس مذروب نرعى سوى ماعلينا لارقيب ولا حسيبي الا من الواحد الديان والقانون محسوب عوايد الباديه بين المبعد والقريبي الهرج من بيننا حشمه وكنه حالي الذوب مانهرج على علم الشرف واللي يطيبي الكل منا يبري صاحبه عن كل عذروب القلب ما فيه غش وصافي مثل الحليبي واليوم جيل طلع لعل ربي فوقه يتوب يغري بمعسول هرجه لانطق كلمة حبيبي لكن مالومهم حنا بشر ومحمل ذنوب اذنوبنا لو تحصى تكسر العظم الصليبي الآدمي لو يخطي عن طريقه كله اعيوب يالله يالله يالمعبود لاتردي نصيبي _________=== ( الدم دون الدار ماهو خساره) حنا قبايل حرب في كل ميدان اليا زهم سلمان رهن الاشاره من النخيل ديارنا لين جيزان ومن القصيم النا صروح وحضاره ماهمنا الحوثي وحزبه ولا ايران والله نولعها عليهم شراره مادام قايدنا سلايل كحيلان والنائب محمد اليا أصدر قراره رهن الأوامر حرب شيب وشبان كل يقف من دون جاره وداره حنا حماة الدار لا صار عدوان ياللي غدت يمناه تصفق يساره لاهبت الهيجاء على الماد شجعان وعلى سما الأوطان في كل غاره لادن زير الحرب فالماد فرسان نكشر الانياب مثل النماره وكل القبايل نعم من غير حقران الكل تحسب وقفته واعتباره بارواحنا نفدا وطنا وسلمان الدم دون الدار ماهو خساره شاعر مشاعر من بني قوم لقمان قال الصحيح وعلم باقي بزاره _______ اﻻ ياهل اﻻشاعات اقلعوا عن سلعة الترويج = بضاعة كاسدة مامن وراها غير اﻻزعاجي اﻻ خافوا من الله ﻻيصير الخط به تعريج = ترانا مانحب الخط ﻻماصار منعاجي اشاعات تسابق في هدفها طايرات الميج = يروجها ضعاف انفوس تعطب سيرة الناجي تراها لو كانت في زمان الهرج والتهريج =لها بين الرجال اهل الحسد خطة ومنهاجي جلبها اهل التواصل لونها اسود والحقوه البيج = وحطوا معه اﻻصفر لين اﻻبيض صار به لاجي يدس السم في وسط العسل ويظن به تفريج = يصدقها الكثير اللي لدرب الخير محتاجي يدبر مشرط الجراح بعد الحقن والتبنيج =يقطع في اللحم والعظم ويقل مابه احراجي كفى بالمرء يهرج ماسمع به مثل هب الهيج = اذا يبغى النجاه وللعزيز المقتدر راجي ترى الوتساب وتويتر ومافيها من التاجيج = تبث سمومها بين البشر بالوان مكياجي تجيب اليوم علم وبكره تناقضه بالتغنيج =وبعد بكره تزيد تعطره بالمسك والعاجي وخمسة عشر سبتمبر وما فيها من التضجيج =تراها مثل حجيتك ياسالم وانته الحاجي عقيدتنا : ملكنا :والوطن :ثلاث بالتدريج =لها في قلوبنا مسكن ومرباع ومدراجي الشاعر /( حميد الحربي ) ______=_____= يابو سامي عسانا كل ماجينا البلد نلقاك.. آمين الله وامين انه يطول عمر أبو سامي.. عساعمري فداك وكل خلان الرخا تفداك.. يارجال الوفا والمرجله بالماقف الحامي.. لاجا لازمك تنصاني ولاجالي لزوم انصاك.. ابن عمي ودمي والحمي وعظامك اعظامي.. اعزك واعزي بك واتعزوى فيك وبشرواك.. لانك تاج رأسي درع جنبي سيفي احزامي... عصاميا موفق في مساعي دينك ودنياك... نظيف المرجله وعلى الوسط بالدين الاسلامي .. كلام الشاعر اللي لاعبد وجهك ولاحاباك... ولكن الصحيح يقال حق الزامي الزامي.... ( الشاعر:بدر راشد البدراني ) عدد كل النجوم ودورة الايام والافلاك وكثر من حج بيت الله ومن صل ومن صامي عسى ربي يحفظك وإن ربك يشركك في دعاك يابو خالد بدر ياعد راهي يروي الظامي تعز اللي يعزك واحترم رايك ومد خطاك لياسيرت يمي عيد وابرك كل الايامي ياشاعر حرب في عيني وعين اللي سمعك وجاك ياراع المعرفه والمرجله والماقف السامي صحيح انا ابن عمك وانت ابن عمي وادور رضاك على عز وشرف يشهد لك التاريخ قدامي وانا لي الشرف في مدح مثلك لي ومحاكاك لان المدح للي يستحقه كيد الاخصامي دفا جنبي وتاج الراس ممشايه على ممشاك لانك يازعيم العرف قايد فوج ونظامي واقول المدح في مثلك ينومسني يغيض عداك أريد الناس كل الناس قالت قال ابو سامي الأستاذ/ حميد الحربي (ابو سامي ) |
|
27-07-18, 05:47 PM | #2 |
حميد اللقماني الحربي
لفاني كلام الشاعر الحربي البيطار ابو ناصر اللي هيض الفكر طاروقه بيوت نظمها كنها غالي الاثمار على روس حرب الشم ماهي بمدروقه واباخذ معه سجه وابا خذ معه مشوار وابحسب حساب الطرق والوقت وفروقه يابو ناصر انت عالي القدر والمقدار وشعرك جزيل ويسعد القلب ويشوقه وعن مدح حرب ربوعنا مالنا معذار وهي تستحق المدح بالوان منسوقه ومن لا مدح ربعه يبا يلفت الانظار ولو كان ولف له دواوين ممحوقه وحنا ترانا مانعدل اليمين يسار رجال عليها الحق ورجال محقوقه ولا طبعنا بين البشر نفشي الاسرار نقفل عليه السر في جوف صندوقه كسبنا الثلاث البيض من دون مانحتار يدينا على كسب المهات مطلوقه ومنا صحابه ذكرهم خص بالايثار كرم طيب نبل وحسن الاخلاق معشوقه نزل عندنا المختار في هجرة الابرار وكانت ضيافة تبري الجرح وفتوقه ولنا وقفة محد وقفها بعد مادار زمان القسى والدم في داخل عروقه شيوخ لها وقفات في اليسر والاعسار وكل القبايل تشهد وبرقه وروقه قضاة العرب منا لهم شهرة الاقمار بهم تضرب الامثال في الحكم وصدوقه بني سالم ومسروح في ساير الاقطار لهم وقفة بالمال والحال مرفوقه وكل القبايل نعم فيهم وذا اللي صار ذكرت القليل وباقي علوم مطبوقه الاستاذ/ حميد سليم اللقماني حمدان ع الحميد الحمراني: بدئنا بذكر الواحد الخالق الغفار كريم العطا اللي ينشئ المزن ويسوقه بعدها اتخير واتنقى من الأشعار كلام كما در المصاغير في ذوقه سلايل سواحل حمر تشبه لهيب النار صدوق الحيا تقطف زهوره وزملوقه عليها الامان وحرب من دونها حضار رجال الوفاء ماتنقض العهد وتبوقه وحنا الحروب نكرم الجار والخطار كسبنا الثلاث البيض ماجات مسروقه نكمل حقوق الضيف ونعز قدر الجار وندرا خوي الجنب ونكمل حقوقه قبائل لنا فعل المكارم علم واشعار ولنا امجاد في التاريخ ماهي بمسبوقه نجازي هل الافعال بالصاع والقنطار جزاء كل رجل حسب فعله ومنطوقه ولا نشكي الشده لو الوقت حف وجار وطيب الشراء والبيع تجار في سوقه وكم سجل التاريخ عنا عبر واخبار وراع الثناء مدحه نجي زود من فوقه هزمنا جيوش الترك بالصارم البتار وبارود نار فوقهم تشعل بروقه ومن فعلنا كم ذاقو الصبر والامرار كبود العداء لليوم بالنار محروقه وطنا ودونه نرخص المال والاعمار وهذي حقايق في السجلات موثوقه ولا شك في كل القبايل رجال اخيار لهم سابقه في المجد ماهي بملحوقه ختام الكلام ازكى صلاتي على المختار رسول الهدى اللي نور الكون بشروقه الشاعر/ حمدان عبد الحميد الحمراني الحربي |
|
07-08-18, 09:49 PM | #3 |
إداري سابق
|
من لايودك بالعرب لا توده
خله يروح وسهل الله طريقه لاصار ماهو صافين* بالموده لاخير باللي مايقدر رفيقه خله من الأقصين ولا تعده ولا على فرقاه يجيك ضيقه مادام* بالغلطه تعدى الْ حده خله يشوف الصامله والحقيقه سعود عايد العلوي الحربي &&&&&&&مجاراه لغازي مغيران الزغيبي ياسعود بصحبة رياجيل جده المعرفه تبغى فحوصن دقيقه تعرف مداره* بين جزره ومده اكنز اجنيه ويحتفظ في بريقه وصنف الذهب بالخيم ياكثر ضده لاتامن اولهم ويحصل شقيقه وهذا مرض موجود في كل بده ماينتهي مادام يوجد خليقه ولي تحسك ضيقته قبل صده يومن ولدالاش يشرق بريقه لاغاب مكلن يسد امسده والاردي كنه مصاب بشقيقه والي معاشرته تبي منك شده نوبن كمينه يصتدم زريقه ماودي احدن يلحقه ثم يرده لاصار دايم كل ريعٍ اويقه #غازي_الزغيبي |
17-09-18, 09:36 PM | #4 |
في نهار الجمعه اللي فات في حارة بغيت اسكنها
قلت اشوف السوق والحاره وحبحبها على سكينك رحت للبنقالي ابغى لي خضار وفاكهه واوزنها قلي احسابك بسيط اميه لكن اول تغلق دينك دينك اللي له ثلاث شهور حسبه واجده خامنها قلت سجلها على الاول وتبشر عم نور حسين بس هوينك ليش يوم انك تضايقني وانا متمسك بيسارها وايمنها والله انك مانت ذايقها وزعترك وحنكرينك والتفت يمين وان ابو مساعد قال انا ضامنها روح شيل بضاعتك يابو سعد فرح بها وريعينك بس انا بنشدك ليل البارحه سيارتك بعد العصر راكنها عند بيت ارحامك وسامع حساس وتشر بيدينك ويش هالبغطره اللي من جهتكم طالع داخنها ماتطفي نارها قدام تكبر في مهدها وينك صحت قلت الكهرباء والماء ومصروفات وش يمنها اليد اقصيره وعين الشاقي ابصيرة وشوفة عينك المره تبغى لها فستان لزواج اختها وافتنها واجده تبغى تبركني تشد الحمل زينك شينك والله انه حشمة ابوها وحشمة منتقى معدنها قمت اسوم البشت والبيدي واقوم اتصينك المره سحر الرجل والطيبه والوافيه تزبنها كان ضاقت بك ظروف الوقت هي تعينك والختام اقول سم الناس لايومن بوسط السنها يالله اني زابنك عن كل ذنب يحول من بيني وبينك ابو سامي |
|
25-09-18, 02:03 AM | #5 |
بين تغريد يفوح وبين ترديد القصايد
عن وطنا والوطن له في القلوب اغلا مكانه هاضت افكاري وشاش الراس في نقو الفرايد وانتقيت من البحور السبع بعد الصبح دانه وانبهرت من الجمال العال وانواع الفوايد سيطرة سطرتها من فيض فكري بالرصانه حشمه لذكراك يايوم الوطن عساك عايد كل عام بخير وموسسك في عالي جنانه مرت ثمانين عام مع ثمان بالوكايد كلها خيرات تتزايد بطعم الزعفرانه يالسعوديه بلاد الامن واستقرار سايد والله اخذت على كل الدول قدر وحصانه فيك بيت الله مع مسجد رسول الله وقايد خادم البيتين سلمان الحزم نادر زمانه البطل وابن البطل راي سديد وفكر نايد له مكانه في قلوب الشعب شان الشعب شانه وانت يامحمد ولي العهد ابن سلمان رايد للشجاعه والمروه والنزاهه والامانه الله يطول بعمرك مع وسيعين البنايد أنت دايم في مواقيفك ووقفاتك تكانه دام عزك ياوطنا كل يوم وبك جدايد من صروح شامخات بفضل ربي وامتنانه واجباتك ياوطن في حلوقنا مثل القلايد من تخلا عن بلاده فيه نوع الجبانه كم تغنيينا بحبك كم كتبنا في الجرايد والشعور اللي بصدر المرء يظهرها لسانه يالله انك تنصر جنود الوطن عند الشدائد وفي حدود المملكه والعز يبقى في كيانه وفي الختام اقول للبد القريب والمحايد لاتلاعب بك رياح العصف مثل الخيزرانه جددوا معنا الولا لأجل الغلا في القلب زايد جددوا بيعة ملكنا كل واحد في مكانه الاستاذ/حميد سليم اللقماني |
|
16-01-20, 01:41 PM | #6 |
ابرك ركاب الشعر في معطن الأفكار
واحمل شواردهن ثقيلات وخفافي على نور ضوء الهاجس اللي سناه شعار بموق العيون اللي سرا واله رفرافي يثورن بعد تحميلهن طفحا مقطار مابين السماء والأرض مرخن الاكتافي نصن شيخ شاعر شهم معه الطوال قصار وعنده يهون الصعب في كل ميقافي وحطن حمول مثقله تلفت الانظار اليا شفتهن من ثقلهن قلت ياكافي تبصر يابو رايد وحاول يمين يسار قبل لاتويق علومهن كل مشرافي بسوق الغلا اللي فيه تزاحم التجار تسام التجارة فيه بارباع وانصافي زمان وجيل فيه راع العقل يحتار تدس الحقيقه فيه ويظهر الخافي (ابو سامي) من الهاجس المبروك قمت وسرجت مهار وحطيت للافكار قصرٍ ومضيافي وركبت للشّرد على وجهتي رادار ونحرت الشموخ ولاني مناظر خلافي تسابق خيول الفكر لنهاية المضمار وانا قمت الاعبها على كل الاطرافي لعل الفرايد كل ماجوني الشعار تجمّل مقامي كل ما رددو قافي مزون القريحه زادت وحولت مدرار لعيناك يابو سامي الشاعر الوافي علامك تعجْب ياحميّد من اللي صار انا خابرٍ بعض المواقيف تنعافي م تدري ان مأرب هدْ سدّه وليد الفار؟ ولا تدري ان التجربه سترها ضافي؟ لكل الله ياشاعر حرب بعض الصدور قفار ولا كل من يقطن على الماء شِرب صافي تصبّر وغضْ الطرف ومن الرجال اختار فلا كل من جده كفو يطلع سنافي # احمد السراد الخثعمي |
|
23-12-20, 01:45 AM | #7 |
قصيدة في الحفل الثاني لديوانية طيبه
الليل توه لليل توه والضيوف اليوم من شتى البقاع&سلام ياطيبه واهل طيبه ومن سار اقدمه سلام من شاعر مشاعر شعره الراقي يذاع&واما رقى شعره تساوى في وجوده وعدمه شاعر وشعره كل ماقاله يحس به اندفاع&يحس نبضه في شرايينه وفي داخل دمه والشعر سبك وحبك واحاسيس ماهو بالذراع& تفاعل في داخل الشعار لين تقدمه سلام في حفل التواصل حبل مافيه انقطاع&يحمل عبير المسك والريحان في اول مقدمه في ليلة فيها التواصل نور ساطع له شعاع& نور سما طيبه وضوحه كل غامض يردمه طيبه وديوانية لطيبه علت في الارتفاع &اللي دخلها مانتظم يندم ولا فاد ندمه العلم فيها والثقافه والميادين الوساع & والشعر والالغاز والانجاز ماهي دمدمه فيها الرجال اللي حموها مايجي فيها انصداع& والساس ثابت بالمحبه محد يقدر يهدمه اسس بناها شيخ له خبره وذاع اسمه وشاع & ابو رعد والنيه الزينه بطيبه تخدمه واكبر دليل الحفله الليله وهذا الاجتماع & اللي جمعنا فيه اهل طيبه حفل مانعدمه الشاكر ابو سامي |
|
11-06-21, 07:49 PM | #8 |
تراي يالطيب مقدركم ولي قدري بعد
والقدر مابين الرجال يبان بطنه وظهره لكن مرت سالفه ياكبرها للي نشد ياليتها من رجل صارت بس صارت من مره مهيمنه ومسيطره تقال حاكم في البلد ماتعرف الطيب من البطال جمرة مجمره نشدت عنها مااسمها قيل اسمها نجم السعد الاسم مايصلح لها يصلح لها غصن شجره ماشره عليها اشره على اللي يوم ينخى به سند اللي يوليها على السده بفاس وعجره وفي الختام الله يغني عن عطاها للابد وعن مرافقها ومولاها وغلطه بعشره |
|
11-06-21, 07:52 PM | #9 |
السلام عليكم ورحمة الله وبركاته
________________ اسوق الهجوس وتخرج البوح من حرزه وابعسف شواردها وابجمع لقا وافراق جداد المعاني جدها جد في طرزه وعن روس قوم المعرفه مالها مدراق وانا اشوف كل قادم معلن شرزه وهذي طبيعة في البشر محرقته إحراق وغرب القليب يهمنا لاتقنوا خرزه لتطليع عذب الجم لأذبوا المطراق يصبه على شجر طلع تينه وكرزه مزارع شفوق ووده بشوفة البراق ليا نبه النيروز في مبتدأ نرزه زهور ذبلت باكمامها داخل الأوراق هنا كل شي ينفرز ماصعب فرزه تبان الحقائق واضحة وضحة المشراق وبان الزمان اللي غريب وظهر جرزه وبين لنا الخداع من طيب الاعراق ختاما واباخذ كل رجال في برزه وابا اخذ منه واعطيه مما يلوق وراق بابيات صدر البيت مسكوب في ارزه وعجزه براق وحقق الربط دون امراق الشاكر ابو سامي (حميد اللقماني ) ابيات للشعار للمجاراة او الرد عليها |
|
30-06-21, 08:14 AM | #10 |
سبحانك الله ياقيوم رافع سبع بلا عماد
ياحي يامقتدر ياللي بسطت السبع من تحتهن ياذو الجلال وياذا الجود وفقنا سبيل الرشاد ياخالق الخلق لعبادتك ياربي من انس وجن نسالك وانت الخبير بحالنا واحوال كل العباد على البسيطه وعيا حالهم ياربنا يرجهن ارفع عن الامه الغمه وبلواهم وما بالبلاد من كل بلوا وشر منتشر ياربنا بالوطن حتى المساجد تئن من الهجر واحوالها في ازدياد والكون خيم عليه الذعر يارباه وايا الحزن اليك نرفع ايادينا وندعوك وبك الاعتماد نستغفر الله عن كل الذنوب وعن جميع الفتن امة محمد رسولك لاتعذبهم كما قوم عاد او قوم هود وصالح يالهي بالفتن والمحن ابواب غيرك وقد قفلن يارباه في كل ماد وباب الرجا لم يقفل واله الانفس بادرن ولجن يالله ياربنا واجعل كرونا كلها في نفاد واقضي عليها الهي وامحها في لمحه من الزمن يارب واقبل دعانا واقبل التوبه وكل اجتهاد واقبل صلاة على المبعوث يامولاي والمؤتمن . الشاكر ابو سامي |
|
|
|