ديوان كسرات صقر المقرح

ليتك معي تستمع وتشـوف= ما صابني مـن ورا فعلـك
فيض المشاعر يجي فحروف= بالدمـع طرّزتهـا لجـلـك

دمعي ايتهامل بعد فرقاه= ما بين ربعي وجلاّسي
وكل ما تناسيتها ذكراه= يردّها كثر هوجاسي

مدري متى تسمح اظروفك= وكيف اتأقلم مع اوضاعك
توحشني حتى وانا اشوفك= واشتاق في لحظة اوداعك

نمر حرب

.

رجلي سرت حافيه مده = تاّطأ على الشوك وتدوسه
وبانت لي الناس في الشده = وألا الرخاء واجد فلوسه

صقر المقرح

.

ياصاح هالوقت ما يسدّه= لو قلت يا مكثر طعوسه
الناس راع الوفا تردّه = لاشافت الوقت بيحوسه

مدري متى تنتهي ظروفك= ---- ---- ---- ----
أرجوك تطغى على خوفك= من قبل لا تنزف اجروحي

شوف التجافي رمانا فين= زرع فدرب الموده رعب
وصرنا على مفْترق دربين= بين اللقا والفراق الصعب

أرجوك ياصاح لا تزوّد= فيّ العنا وانكسار القلب
ماني على البعد متعوّد= وانتا بطبعك عنيد وصلْب

رحل وغابت معاه الشمس = واعطانيَ العـذر للنسيـان
هيّا ارحلي يا جروح الأمس = وانعي معي ودِّيَ اللي كان

الجرح في داخلي ماقْواه= ويزيد كل يوم والثانـي
وازيت القى له امداواه= الخافق اللي بك اشقاني

أرجوك تهدأ بعد ناسي = لا تغار ويتعبْك تفكيرك
ملكْت بالود إحساسـي = ماقْدر اقارنْك مع غيرك